حملة مليون رد

[عااااااشقة المستحيل]

الصاحب اللي ما سأل عنك مرّه
قلّي وش اللي بالوفا ينبغى به

ما يتصل بك كود عند المضرّه
إن كانها خصلة فهذا ردى به

حاولت ادوّر له عذر لاجل ابرّه
لكنَّه اعذارن بحاله تشابه

بين الجفا والصد حاله يجرّه
والهاجس اللي بالضمير ابتدى به

يقطع ومن بعد القطيعه تشرّه
هو يحسب انه ما تجيه المعابه

لا هو عطى خيره ولا كف شرّه
حق الصداقة بيننا ما وفا به

يا ما عطيته بالعطا ما يسرّه
ويا ما كفيته بالنفايس عذابه

لكنّها قطيعتن مستمرّه
عليه فعلن منه ما به غرابه

مثله يسوّيها ولو هي تضرّه
ما يحسب حساب الصديق وعتابه

خطو الردي ما ينعرَف بالمسرّه
وقت الرخا كلّن يغطّي غيابه