حملة مليون رد

[ابوعهد]

قبل أبتدي عندي طلب ركِّز طلب ماهو " رجاء " !
ما أبي تجاوبني .. ولا تستغرب إني أسألك
لا تنصدم من عزلتي حالي مثل : أبو العلاء
حبٍ يموت وينولد .. وحبٍ يعيش ويقتلك !
ناديت لك ياما .. ولا لبِّيت لي , وضاع النداء !
مبحوح صوتي والصدى من كثر ما ناديت لك !
أقرب من ثيابي علي وأبعد من نجوم السماء
ورغم إبتعادك والتعب ..أرسم طموح وأمهلك ..
ماكنت لي الداء وأنا ما كنت لـ جروحك " دواء " ..
ماعشت في دنياي لغيرك ولكن عشت " لك " !
علمتك القلب الوفي .., مايخذلك فيه " إنتماء " !
وعلمتني كيف العشم في من تحبه .. يخذلك !!
علمتك إن أصل الهوى يرجع لـ كلمة " إحتواء " !
وعلمتني إن الهوى , ما عاش يوم بـ داخلك !
علمتك إنِّي لك بحر [ مدَّه وجزره ] لك وفاء !
وعلمتني كيف أنصدم وأغرق أنا في ..ساحلك !
كان قلبي بس لك وقلبك لعب دور الدهاء !
وكنت لك أقرب من أنفاسك وأقرب من هلك ؟!
لاصار قلبي لك وطن .. أبسألك وين الولاء ..؟
وشلون حال المملكه ؟ - دام الخيانه من (ملك ) !
مااجبرك ,, دامك كذا ؟ - إفعل حبيبي ما تشاء !
توِّي عرفت إنِّي كثر ما أعْرِفِك .. كنت أجهلك !
قبل أنتهي عندي - أمر ما هو طلب ولا - رجاء ..
لا يشغلك ماضي إنتهى .. ركِّز علـى " مستقبلك " !