واتشاييب الاعيان بالشيب .

[منقاش]

بارك الله فيك يبن سلمان , وبارك الله فيك ياشيخ سلام , وبارك الله في ابو سلمان وابو شرف ومتعهم بالصحة والعفو والعافيه .
والحقيقه , أن أبو شرف الله يعطيه الصحه وطيلة العمر نبع ما ينضب في هالمجالات , ولو يتكرم ابن سلمان وينسق معه ويطرح ماعنده في مواضيع مجزأه , موضوع مستقل عن الردح , وثاني مستقل عن الزهم وثالث مستقل عن الحدايا , كان أثرى المنتدى بأشعار تبي تنساها ألأجيال اللي بعد جيل أبو شرف .
وعن الحدايا , أضيف على ما سبق وأقول : الحدايه دايم تكون من أبيات معدوده ومحدوده في الحد اللي يستنفذ نفس من يلحنها بصوت شجي وعالي , ولحن محدد ما يتغير وهو لحن الحدايا المعروف .
وطالما أن الموضوع أستهواكم خذوا بعض الطرايف عن المحدين والحدايا .
ألأوله : قبل حوالي سبعين عام كان واحد من ثماله متزوج من هذليه ومعه ولد أخوها (هذلي) صبي عمره 12 سنه أو أقل , وكان نازل بحلاله في علق ولا معه ألا زوجته الهذليه وولد أخوها .
وفي ليله من الليالي بعد ضووا بحلالهم للمراح قامت الزوجه وأخذت ملى شطره من الدقيق تبي تطبخها عشى وتضيف عليها السمن واللبن.
يوم شاف الثمالي الشطره في يدها أستقلها , وقال لزوجته , يا فلانه , ما ترين الشطره قليله ؟.
ردت عليه وقالت , فيها البركه .
وحالما سمع ولد أخوها جواب عمته (الصبي الهذلي اللي عمره 12 سنه) , علق على كلام عمته وزوجها الثمالي بفصاحه وعفويه وسرعة بديهه وفطنه , وقال :
الشطر ما يعشي له أثنين , ما حاجه أحنا ثلاثه , ثماله ومعهم هذيل .
والثانيه , يقول بادعها :
بالله أنشدك لن كنت فهام @@ عن حرمة(ن) راكبه زوجها والعساكر نظام .
طبعا , خويه رد عليه بجواب , لكني مالي نيه أعطيكم أياه حتى تصوتون على ترشيحي مشرف عام بدال ابو عبدالرحمن .