اقتباس:
المشاركة الأصلية كتبت بواسطة حسن عابد
ياراكب اللـي يـوم تسمـع وشيشـه
وشيش رقطاً ذيلهـا بالعصـاء نيـش
قامـت تحـك جنوبهـا مستهيـشـة
وتبيـن أنيـابٍ سـوات المناقـيـش
يمرج مع البيـدا إمـراج الخريشـة
إلى أمرجت بين الوحش والنواحيـش
مـن عقـب ماهـي للمنايـا وليشـة
بين الصقـور ومبهمـات النواتيـش
حيت حيـاة اللـي بتالـي الحشيشـة
عقب الدرك شرب القراح النقاريـش
جمسٍ يربح كـل مـن حـط شيشـة
يتعـب بتعبيتـه طـوال الخراطيـش
إلى وقف يكـوي الكبـود الغشيشـة
وإلى مشى ما يلحقه مومـي الريـش
برقٍ من العـارض جذبنـي رعيشـه
يـوم يتـلالا بالمـزون المراهيـش
وأثره مـا يسقـي الكبـود العطيشـة
يبرق ويرعد مير مدري على ويـش
لا تحتزم باللـي ضلوعـه هشيشـة
اللي ليا سمع النـداء صـد تطنيـش
لا تحتـزم بـه لـو تحيـزم بخيشـة
ما يقطع الدِيـان ركـض الأكاديـش
وبيتٍ بليـا سـاس مثـل العريشـة
يطيح لـو لمـع ببويـه و ورنيـش
وجرد السهـال الخاليـات الوحيشـة
اللي تطوى فـي شجرهـا الحنافيـش
أخير مـن ضلـه وبعـض المعيشـة
يعافها الطيب ويفـرح بهـا الديـش
وقال المثل : ( مامن ورى طلع بيشة
عيشة ) وراس الضبي ما به عراميش 
|
يا سلام يا سلام
طاروق كايف ماعليه كلام
تسلم أياديك يابو علي
08-08-2009
رد: راكب اللي
المواضيع المتشابهه
العرض الشجري