ا ح ب 6 6 6

[حسن عابد]

ا ح ب 6 6 6 ا ح ب 6 6 6 ا ح ب 6 6 6 ا ح ب 6 6 6 ا ح ب 6 6 6

هواة التميّز طيّـروا قيمـة اللوحـات

وكـلٍ خـذا لوحاتـه وجـا يبَدّلـهـا

وانا لوحتـي متميّـزه كلّهـا ستـات

و(احب) الحروف مسجّلاتٍ على اولهـا

على خردةٍ من شافها يكّـره المكشـات

ولا يستـوي حظـه مادامـه مقابلهـا

لا رفرف ولا كبّوت فيها ولا اسطبـات

انهكها الزمان الشين وانهكت كاهلهـا

وانا امشي عليها مامعي رخصةٍ واثبات

وفقـدت استمارتهـا ولانيـب ناقلهـا

لا شفت المـرور يفتّـش ادوّر اللفـات

وعلى اقرب ملَفْ آجض واجيك ناتلهـا

واذا ما معي مخرج وحدتني الصبـات

دريت انّهـا كتبَـت علـي وآتحملهـا

لا قرّبت للتفتيـش لجّيـت بالدعـوات

وتهتز رجلـي ليـن تطفـي واشغّلهـا

واذا جيت عند العسكري تطلع الضحكات

اجاملْه بالضحكه وهـو مـا يجاملهـا

اسلّم عليـه وكاننـي عارفـه بالـذات

وانا صيدتي لو يصْمُل شوي ما اسهلها

احيانٍ تفوت بخير وآقـول شـرٍ فـات

واحياناً تجيـك مطَبْلَـه يـوم اطبّلهـا

وصلت المعارض وابتدا السوم بالميّات

ميات الالوف اللـي تنومـس فعايلهـا

انا كنت اظن ان قيمة الموتـر ريـالات

وعيّنـت فيهـا قيـمـةٍ مآتخيلـهـا

قامت على مخبـاي تسابـق الشيكـات

وكـلٍ يقـول الله يخلّـيـك تقبلـهـا

واذا قلت ماني بايع استفحلت الاصوات

ولجّت علـي صاحينهـا مـع مهبّلهـا

قلت المشكله اوراقها ناقصـه حاجـات

قالوا انت بعنا خرّدتك بـس وازهلهـا

تخيّرت من بين العروض اكبر السومات

وطلّقتـهـا تطليـقـةٍ مـآتــحللها

وانا واحمد الله بيعتي احسن البيعـات

وعسى الله يديم النعمه اللي نحصّلهـا

ناسٍ ماتعيّن شي تشري بـه اللنبـات

على شان يولع نورهـا فـي منازلهـا

وناسٍ تفرط المليون علـى الكماليـات

ومن زود نعمـة ربهـا تلعـب وتلّهـا

وناسٍ فالسجون وتحتري صرفة الزكات

على شان يِقضى الدين وتروح لهلهـا

وناسٍ مع بنات الليل وتْـرُش دولارات

على شان يابلفيـت تنسـى مشاكلهـا

وناسٍ تحّتزم بالعُسر واتّذل مالشرهات

لاجا ضيفها يلقى الشحم فـي مناقلهـا

وناسٍ عندها الامـوال لكنهـا هيهـات

على هبلها والضيف مـا يقُـرب حللها

طرّاه الرقم والحرف وحكاية اللوحـات

وناسٍ عندها الاموال وعقولهـا بلهـا

27/7/1430هـ
سعيد الاكلبي

[صقر قريش]

[حسن عابد]

الف شكر صقر

[حاكم الشوق]

يسلمو

[ابوعهد]

مبدع00000