ماهو نوع شجرة الرضوان ؟

[منقاش]

حليفي الشيخ ابو سيفين أسأل الله لي وله الهدايه والقبول :
هذا عذر (مع العسف) أقبح من فعل , بالله دوامك وعملك أهم عندك والا حل واجباتك ؟, أهم أنك تحضر الدراسه وتجيب على السعالات وتخرج من دايرة الجهل والضلاله ؟, والا تقعد تحدر وتلقي بين المكاتب والملفات وتشخمط مع المشخمطين ؟.
بعدين , وين احترم العلم والعلماء ؟, والا نسيتم أن من علمكم حرفا أصبحتم له عبيدا؟, هذا أذا كان حرف , لكن كيف باللي يعلمكم بشجره بكبرها والا بمجموعة شجاري ؟ , هذا المفروض أنكم تكونون عبيد لعبيده , ويسير النص , من علمني شجره كنت عبدا لعبده .
على وزن بيت الشعر اللي يقول :
ولو كان عبد الله مولى هجوته @@@ ولكن عبدالله مولى المواليا .
يا حليفي وصديقي يا حبيبي يا ابو سيفين تجنب أنت والشيخ ملقاط والعمده المقداد الشلل اللي ضيعوكم من دراستكم , واحضروا مع زملاكم وجاوبوا على السعالات .
يبو سيفين يا حليفي الوفي , لا تمرد على العلم والعلماء ويحل بك ما حل بالفويسقه الجبان مخاوي منقاش اللي شوفه مطرود من المنتدى مثل العنز ولا يقدر يعرج عليه من رهبة أبو نقشه .
غفر الله لنا ولك , وهدانا وأياك الى سواء السبيل .

الشيخ سلام الله يسلمه : أنت وراك نسيت الخطه ولعبة رد الكوره لمرمى الخصوم ؟, وراك نسيت أن الخطه دوبها أستوت ثمارها للقطاف بعد أصبحت أنت حكم المباراه , والشيخ ابن همام أصبح لاعب عادي ما يحل ولا يربط ؟.
ياشيخ سلام , الرويعي لو يخالف توجيهات بدر الدجى أطرده من المنتدى طرده على قول المكاويه بنت كلب , وما لم يجاوب على السعالات على ألأقل خمسه من الطلبه , رايح يتوقف المدرس والتدريس , لأنه ماهو معقول نفتح فصل دراسي لأقل من هذا العدد .
وبعدين , تذكر يا شيخنا أن الموضوع أذا طال تسبب طوله بنفور القراء منه , يعني , يكون من الأنسب نكلف الرويعي يكمل المهمه أذا كتبت يا سلامنا في المستقبل عن عضاه ثانيه حتى تخف الوجبه على الطلبه ويكثر دسمها ...

الشيخ ابن همام : أشهد أنك عن مية طالب وخمسين مدرس , وأنك تستحق أرفعك واحطك عميد لمنتدى الحياه الفطريه بدال الشيخ سلام والا مشرف عام بدال ابو عبدالرحمن, لكن ما نقدر ننقض قرارات سبق وقد أصدرناها .
وبعدين , أنا لك من الناصحين أنك لا تغتر أنت والقراء بالرويعي , ترونه مهرج من أكبر المهرجين , ولولا الله ثم معجم الدكتور قشاش اللي ينقل لكم منه كان ما قدر يكتب لكم سطر واحد , يعني أدعوا لبدر الدجى ولحليفه راعي المعجم , وسلامتكم ...