أستراحه مع هامه من الهوام ..

[منقاش]

رد: أستراحه مع هامه من الهوام .. رد: أستراحه مع هامه من الهوام .. رد: أستراحه مع هامه من الهوام .. رد: أستراحه مع هامه من الهوام .. رد: أستراحه مع هامه من الهوام ..

عميد منتدى الحياة الفطريه , الشيخ سلام , عسى ربي يسلمه : مشكور على المعلومات الضافيه اللي تكرمت بها , ومشكور على الصوره اللي نفلتها .
ولا يخفى عليك يا شيخ سلام أني أتجنب نقل الصور بنفسي حتى أتجنب المسئوليه والغرامه الماليه اللي ترتب على نقلها , وأحطها في ظهر غيري , وهذا أن دل على شي فأنما يدل على حكمتي ودهائي .

بعدين ما لاحظت معي يبن عمي علامة الصليب اللي على خشم الداب العفن , العلامه اللي تدل على أنه من بقايا الصليبين أللي ما فك المسلمين من شرورهم غير البطل الفاتح صلاح الدين .

بخصوص حجم أسود ثماله مقارنه بالأسود الموجود في الصوره , فهذا كلام أتفق معك فيه , نعم أسودنا أقل طول وربما أنحف من اللي في الصوره , واللي يبدو أنه من أساود السهول , وهذا أتوقع أنه يرجع لعاملين ودي تاخذها في حسابك .

ألأول , أن الجبال بطبيعتها تقزم وتقلل طول أي هامه تعيش فيها , حتى البهايم أذا عاشت فيها مثل الغنم النجد , (لو ربيتها وعزلتها عن غيرها) , بعد ثلاثه أجيال يروح بعض حجمها , وبعد عشره أجيال تعود في حجم قريب من حجم حرياتنا , والسهول بالعكس تفرد هوامها في الطول بعد عدد من ألأجيال .
وتقدر ياشيخ لا هنت , تلاحظ أعضاء المنتدى اللي تناسلوا خارج الطايف مثل الرياض وجده وغيرها كيف تحسنت سلالتهم طول وعرض .

الثاني , ذكور الداب الأسود تكون أصغر حجم من ألأناث , ويمكن أن اللي شفته ذكر , والمفروض أنك لزمته وقلبته بين أديك , الله يحميك منه ومن كل مكروه , وفحصته حتى تأكد هو ذكر والا أنثى ؟.

خفة الحركه والمناوره لهالداب متدنيه جدا في النهار مع ضو الشمس , أما في ظلام الليل فهو سريع للغايه ولا يمكن ملاحقته , وكنا نقدم الضو القوي قدامه (مثل ضو ألأتريك) حتى يجهره ويعميه ونقتله وقتها بمنتهى السهوله .

بخصوص , أماكن اللدغ , وقصص ألأخذ بالثار , نبي نأجل التعليق على ما ذكرت حتى أسمع ردود بقية ألأخوان .
بارك الله فيك يا شيخنا , وكثر الله من أمثالك , وشكرا ....