حصاد المعركـة ! !

[عوض بن سلمان]

حصاد المعركـة ! ! حصاد المعركـة ! ! حصاد المعركـة ! ! حصاد المعركـة ! ! حصاد المعركـة ! !

يالله تعيـن الذي سـار المسيـر بكل مجهـود

ويقـول يالله أنـا طالبـك في حسـن المسيـره

خالد يقود المعارك في الديار البيـض والسـود

بمدرعـات وطيّـارات وجـيـوش غـزيــره

ويمدهـا من جبل دخـان لين رميـح والـدود

واستسلمـوا بعضهم ما عاد بيـديهـم بصيـره

ألفيـن منهم حصاد المعركـة وألفيـن مفقـود

وألفيـن منهم هرب يا جعلها في الأمـر خيـره

والبعض الآخر رجع نحو الصبـال يدق بـارود

ما عنـده إلا المقـمـع مستعـده للـذخـيـره

والبعض منهم رجع بيته فحوض الجيب مشدود

بعد الغطـاريـف هلي دمع يا بـنت العشـيـره

ما عاد لك لا مسار ولا محـار الدرب مسـدود

يالحوثـي الي تبي المحـوال من ديـره لديـره

قبلك جيـوش السعوديـه لها بـراق ورعـود

تبـرق وترعـد على راسـك بزخـات مطيـره

جيـزان ماهو لمثلك يالخبيـث يسير مقصـود

دونـه رجـال تصـدك بالصواريـخ المغـيـره

الحرب يبغي رجال في اللقاء طـارد ومطـرود

وأما أنت من دونها مطـرود يا كلـب الجزيـره

ما كل من قال أنا جيّـد يحل في حلـة الجـود

لكـن خـزّن فـدارك وأطلـب الله فالستـيـره

يا الي تمنى علينا زود منـت محصل الــزود

وأنته في لـج الخـلا ما تشرب إلا من وعيـره

يالحوثـي اللي بنيت البيت بيتك صـار مهـدود

ينهـد بيتـك تراك تصير في العيـن الصغيـره

يا صايـد للفهـود اعلم تراك اليـوم مصيـود

أسبابهـا أفكـارك الـي طايـرات ومستطيـره

إن كان تبقى على هذا الفعـل ما عنك منشـود

لكن عـود على مربـاك وادخـل في الحظيـره

صكت عليك المواكب ما معك جنحان وعضـود

وأصبحت من غلبهـا في غـم وهمـوم كثيـره

لا والله إلا غرقـت فبحـرهـا منتـه بمحـدود

المـوج فوقـك وبابـور الخطر تسمع زفـيـره

من بعد ما كنت ما بين الـدول رايـد ومريـود

واليـوم ضاقـت بك الدنيـا بفعلتـك الشريـره

إن كان ودك توسع في المجال الحبـل ممـدود

يا كلب صعده تبى المشـوار والمهلـه قصيـره

لا ترغب الحـرب والفتنـه تراها باب منقـود

ما قبلـك إلا المهالـك والسهـوم الي خطيـره

الي يبي الحـرب والفتنـه يجي له يوم موعود

واليوم جاء يومك الموعود يا حوكـت منـيـره

[صقر قريش]

بيض الله وجهك وصح لسانك
وياليت قصيدة بمناسبة عودة سلطان
ثمالة تفخر بالرجال أمثالك اسال الله لك مديد من العمر والسعادة

[ابوسيفين]

صح لسانك يابو شرف وللشّعر والشعراء دور يُضاهي دور من تشرّفوا بمباشرة صد العدو ولُحمة الصف كلٌ من موقعه مطلوبه والنصر قريب بإذن الله 0

[مجنونها]

دام للمنتديات عطاءك
صح لسانك يا بو شرف

[طبيب ج ـرآح]

صح لسانك ..

[السنافية]

ما كل من قال أنا جيّـد يحل في حلـة الجـود

لكـن خـزّن فـدارك وأطلـب الله فالستـيـره

قصيدة جميلة أصبحت مع سابقتها ثنائية يزهى بها منتدانا في أبطالنا البواسل

[محمد بن حميدان]

شاعر كبير يا بن سلمان .. بيض الله وجهك وصح الله لسانك ,,

[abonayf]

بارك الله فيك يابا شرف

كم نحن فخورون بمثل هذه القصائد ومثل هذا الانتاج الغزير منكم

امدكم الله بالصحه

[النجم الساهر]

صح لسانك يا ابا شرف

أنتم اهل الشعر وخاصته

تميز وابداع مستمر

[مزن الخير]

ابوشرف صح لسانك ..