سجل حضورك ببيت من شعر******

[حسن عابد]

من فيافي ديرتي جيت أحث الرجل جيت
ممتطي مطية ما تخالطها الوسوم

في شداد الراحلة كم سرحت وكم سريت
أطرد الأيام طرد النعام مع الحزوم

وكم رضيت وكم زعلت وزعلت وكم رضيت
طاويٍ بطني وأسج عن الوجبة وأصوم

وكم بكيت وكم ضحكت وضحكت وكم بكيت
تدبر الدنيا بعض النواجذ فالبهوم

الزمان اللي كواني بناره واكتويت
ماحجبت الوجه بالقيظ عن لفح السموم

الولد دون الوطن والمعيشة يستميت
ما يخلي الواجب الي تخليه الرخوم

اقتلب وادور الرزق وبحظي رضيت
واقتطع مناكب الأرض ما اسمع من يلوم

اطلب الخيرة ليا اخترت فرجة وانتويت
ما يرد المنتوي صوت ذيب وحس بوم

كان ماجاك الولد يجتلد لو حي ميت
من حساب اللي مريف المقابر من اللحوم

عيب اردد ليت وانا ولد واقول ليت
منوة من قبلنا ما قضت لحدن لزوم

غبت عن داري مغرّب وعنها ما سليت
جيتها يوم الفرج لاح من روس الرجوم

والسلام مبارك العيد وانا لك فديت
ياحبيب الشعب وابرك من الايام يوم

يوم سقت القافية فيك والله ما غديت
مثل سوق القافلة للجدي بين النجوم

فيك يالقطب الشمالي بمسراي اهتديت
كل ما يممت يمك تعرضت اليموم