عاااااشقة تبكي دموعا من دم

[منقاش]

رد: عاااااشقة تبكي دموعا من دم رد: عاااااشقة تبكي دموعا من دم رد: عاااااشقة تبكي دموعا من دم رد: عاااااشقة تبكي دموعا من دم رد: عاااااشقة تبكي دموعا من دم

ما فيه شك يا أخوان أن اللي حدث فيه أيذاء , وأيذاء بليغ لبنتنا صاحبة المعرف , عاشقة المستحيل اللي والله ما أدري هي من أي فخذ من ثماله ولا يهمني أعرف هذا الشي, أقول أيذاء بليغ خصوصا لو ما تبرت من هالمعرف ..
منتحل أو منتحلة المعرف , قصد أو ما قصد ألأيذاء ؟؟ , هذا شي ما يعلمه ألا الله سبحانه , لكنه متهم ولا يخفف من ألأتهام ألا أيقاف هالمعرف , ولا ينفي التهمه عنه ألا ألأعتذار الشديد وتصحيح الخطا .
وبنسبة 5% (بسيطه) فيه أذى على بنتنا السنافيه من معرف السنافي , لكنه أذى مقدور عليه .
وهالمعاير يعرفها اللي عندهم حساسيه عاليه في مجال الشيمه والغيره
أصون عرضي بمالي لا أبدده @@@ لا بارك الله بعد العرض في المال .
أبو نقشه بلغه من واحد من ألأخوان قبل أسبوعين تقريبا ميلاد منتدى جديد بهالأسم , لكني ما دخلته ألا هاليوم بعد أطلعت على هذا الموضوع , وأستغرب أنه ينحط منتدى جديد بأسم القبيله وعندها منتدى قديم , وعسى ما يكون منتدى ضرار , على وزن مسجد الضرار .
لكني في النهايه أقول , أنه من المباحات اللي ما نقدر نحجر على أحد أنه لا يسوي منتدى ثاني وثالث وعاشربأسم القبيله , بشرط السعي في رفعة وسمعة القبيله , أو على ألأقل كف ألأذى وتجنب كل ما يخل بسمعتنا .
لكني بعد أطلعت على بعض ما في المنتدى هذا اليوم , لقيت معرفات مسيئه لسمعة القبيله مثل جميله ودلوعه , عهود الغرام , غرام أحباب , ولقيت عبارات لا تليق ببنات ونساء القبيله لصاحبة المعرف عاشقة المستحيل على هالرابط :
http://www.thomaly.com/vb/showthread.php?t=129
والحل : مشرف المنتدى معروف وابوه وجده من خيار الرجال ولا يرضون بأي أذى يلحق بفرد من القبيله والا خارجها والا يلحق بالقبيله .
والخطوه ألأولى أطلب من ابن عمي الرجل المحبوب من الجميع عضو المنتدى حسن عابد أنه يتواصل مع المشرفين على المنتدى الجديد , (خصوصا أني وجدته مسجل هناك , ولقيت ترحيب حار به , وهو يستاهل ), ويطلب بأسمنا الآتي :
أولا , حذف عضوية المعرف , عاشقة المستحيل , وكل معرف مطابق أو مشابه بأي معرف في منتدى بلاد ثماله بما فيها السنافي , ألا أذا تأكد المشرفين أن المعرف هو لنفس العضو اللي مسجل به في المنتدى القديم .
ثانيا , منع المعرفات المتميعه والعبارات الرخيصه اللي تسيء لسمعة القبيله , وألأحتشام , وأذا هالكلام ما يطيب لهم يشيلون من المنتدى أسم القبيله وأي دلالات تربطه بها حتى لا يقول قايل الربع فيهم دياثه.
وأذا أستمر الوضع على ماهو عليه ولا فيه أستجابه نبي نشرف على طياب الرجال أهل المشرف على المنتدى , وأذا مالقينا أستجابه وهذا كلام أستبعده , وقتها كل من تأذى فيه قانون وفيه شرع , وأنا على علم وأطلاع بأحكام أداريه وشرعيه رادعه صدرت بحق أعضاء ومشرفين فيها سجن وجلد وصدرت بحقوق ناس تجاوزوا مثل هالتجاوزات ..
ولي عتب عليكم يا أعضاء المنتدى اللي أذا قريتم كلام مثل هذا تجي ردودكم بارده , وكأن الماء في فن الواحد منكم وهو يرد , القضيه يالنشاما فيها عرض وشيم وقيم وسمعة قبيله كامله, ماهي قضية فلوس والا سب مثل الشتايم العاديه اللي تحدث أحيان بين عضو والثاني , والمفروض في مثل هالحالات يكون الرجل والمرأه بارود يتفجر ولا يشتعل أشتعال وبس, وسلامتكم ...