ليـــــه يقولون جيل زمان آفـــلح من جيل هالأيـــآم ؟؟؟؟؟

[السنافية]

رد: ليـــــه يقولون جيل زمان آفـــلح من جيل هالأيـــآم ؟؟؟؟؟ رد: ليـــــه يقولون جيل زمان آفـــلح من جيل هالأيـــآم ؟؟؟؟؟ رد: ليـــــه يقولون جيل زمان آفـــلح من جيل هالأيـــآم ؟؟؟؟؟ رد: ليـــــه يقولون جيل زمان آفـــلح من جيل هالأيـــآم ؟؟؟؟؟ رد: ليـــــه يقولون جيل زمان آفـــلح من جيل هالأيـــآم ؟؟؟؟؟

يازينك يادندونه ويازين علومك موضوعك جميل وخفيف ظل

انتي بالله تقارنين جيل أول بالحين هذا شيئ صعب ومصيبة مجرد انك تقارنين من عدة جهات..

أول على قولة شاعرنا سنا الهجرة الواحد ينكرف لين يطيح على وجهه وحتى البنت تنكرف مافيه فرق بينها وبين الولد ترعى وتحطب وتربي وتحلب وتخبز وتحصد وتسقي بعد وفوق هذا كله ماتشتكي ترجع تتعشى وتنام وفجر تصحى مع غبشة النهار والرجل كذلك وكلا قانع بحياته ماحد يشكي ويبكي الحين الجيل التعبان على قولة أبويه الله يذكره بالخير ويعطيه طولة العمر كان يسرح بشنطه خيشه فيها وصلة لبه (( قطعة خبز)) يفطر بها واللي مرفه ومدلع عنده حمار يوصله واللي ماعنده تقطع رجوله الحصى حتى يصل وإحنا الحين بزمن أبويه والله مريولي صار قديم وهو ماكمل شهرين وقال الثاني أبويه زميلي عنده جزمة أديداس وأنا اللي عندي عاديه ..و...و..

وأما جيل أول منين يعرفون سكر وضغط وأو جاع وهم ياكلون الخبز والعسل والسمن والرز واللحم واللبن وجيل اليوم حلويات ووجبات سريعة تدرون اش يسمونها الغرب ((junk food )) يعني الأكل الفاسد

وجيلهم ماحصل وقت فراغ حتى يطفق ويهيت بالشوارع ماتجي الساعة ثمانية وهم رقود من التعب والشقا..


أول كان ماحد يفرق بين الأخ والبعيد من الطيبة والكرم وسعة النفوس والحين شعار الجيل هذا بيتي وعيالي ومن بعدي الطوفان الأخ عن الأخ مايدري عنه


الحين عرفتم الفرق !!!!!

[كبريـــآء]

المشاركة الأصلية كتبت بواسطة سنا الهجرة

ماهي هي هذي المصيبه والطامه الكبرى إن جيل هذا الوقت ما فيهم حيل لشي
زمان كانت مصيبه لو يقول الواحد مالي حيل >> يكرف حتى يطيح على وجهه وماهو مشكور بعد واليوم لو تصلحين اندومي تبين خطاب شكر وتقدرير >> شفتي الفرق الشاسع

زمآنهم يختلف عن زماننا من ناحية التهيئه<<هذي غلط مو محلها بس لحظه بشرحها
يعني عندهم شي يجبرهم على التعب والشقا ومجبورين يقضون يومهم بهالشكل
ماكانوا يقدرون يعيشون الا بهالتعب طيب احنا وش عندنا عشان نصير زيهم

عندنا شغله من شغلاتهم وقلنا مابنسويها ؟؟
مو متوفر لنا شي من اللي كانوا يسوونه عشان نتعب مثل ماتعبوا
هذي بيئتهم كانت كذا تختلف عن بيئتنا
الحمدلله تحسنت الاوضآع من هالناحيه وصآر مقآبل ماكآنوا يتعبون زمان احنا نتعب اتعآب على قدنا وعلى قد حيلنا شغل البيت والدرآســـه<<وربي يالدرآسه انها اكبر شقا

المشاركة الأصلية كتبت بواسطة سنا الهجرة

لا عاد الهرج بسم الله عليكم تهرجون الحج

ههههههههههههههههههه حللللللللوهـ

اللـــه يعافيك ويرفع قدرك ياسنـــآ على مـــآبه
جزآء لـردك الشـــآفي .. آشكرك قــد كــــــــــــــــــــــــــــــــــــــــذا
كل ابو دآيم اتحفنــــآ بمرورك ..

[كبريـــآء]

المشاركة الأصلية كتبت بواسطة السنافية

انتي بالله تقارنين جيل أول بالحين هذا شيئ صعب ومصيبة مجرد انك تقارنين من عدة جهات..
تحسينهـــآ شرهه صح

الحين عرفتم الفرق !!!!!
بالنسبه لي عارفه الفروق لكن اعتراضي
ليش ودهم نكون مثلهم واحنا مو باستطاعتنا الآن
صح لو كنا بزمنهم بنقدر نعيش عيشتهم <<زي اللي بتقول ليه يبغونا نصير مثلهم واحنا جيل فاشل

هلابك سنافيه
اسعدتيني بمرورك وتعليقك
آشكرك قـد كـــــــــــــــــــــــــــــــذا