[poem="font="Simplified Arabic,5,black,normal,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اااه يا قلب(ن )يموت... مات من جرحه صويب =واااه يا صوت(ن )يجره وااه من قوة عذابه
لو يحس الطفل همي كان من صغره يشيب=ولو تحس الأرض حزني كانت اهتزت مهابه
ولو تشوف الشمس دمعي كان تبكي بالمغيب =ولو يشوف الوقت عيني كان لخبط في حسابه
القمر ينشق نصفه و الفضاء يصبح صويب=و السما فجأه تضيق وتفقد احساس الرحابه
يوم قلبي عاش كذبه واصبح الواقع غريب=يوم انا اصبر واجاري قمت احساس الكأبه
ما وقف جنبي احد لا ابن عم ولا قريب=زاد عذالي شماته وزاد جرحي بالتهابه
يوم انا اصرخ ونادي وين منهو يستجيب=حتى صوتي والصدى... ما تجيني بستجابه
كنت طايح وسط همي وكنت اناظر للحبيب =والوجيه اللي لفتني كانت بلحظه تشابه
انقهرت وكم غفرت والزمان امره عجيب=بس ربي ما نساني يوم انا اطلب ثوابه
من طلب رب العباد صدقوني ما يخيب=الله اكبر والله اكبر صادفت وقت استجابه
الله اغناني عن انصاف البشر واصبحت ذيب=يوم هالعالم وحوش وسرت وحدي وسط غابه
سرت انا منهو يصوب ... سارت اهدافي تصيب=للأسف ما سرت واحد سرت انا كني عصابه
قتل وارهاب وتمرد وانقلابات(ن) تريب=سرت انا مجرم وقلبي يشتعل من حر مابه
هرج عذالي سخافه لا يروح ولا يجيب=ايه يا قلبي تكبر والتواضع صك بابه
خل فيني حقد قاتل... علم الرحمه تغيب=خل في قولي غرور وخل في صمتي مهابه
اصدق اصحابي اعزه مايهم انه غريب= والعدو دايم اذله.... لو هو من صلب القرابه
اسمع ابياتي بخوف ...عيش في خوف(ن) رهيب=خل وقفاتك ذهول... جن من زود الغرابه
ليش صار الكذب غايه... ليش صار الصدق عيب =جاوبوني. علموني.. ماابي غير الأجابه
الحقيقه واضحه ... في عيوني ما تغيب =دامه ابن ادم تراب... يرجع تراب ال ترابه
[/poem]
هلابك أخي سلطان .. ولا غاب المطر مغيبتك .. كنا سوف نعت عليك لو لم تأتي بهذه الدرة هذه القصيده الرائعه بمعنى الكلمه .. ومن شاعر جميل اذا تكلم يطرب ..
02-27-2010
رد: وقـــ فـــــات؟؟؟
العرض المتطور
