همزة القطع

[صقر الحجاز]

جيت يامرزوق والله منزل السبع المثانـي

يسر المنطوق والهمنـي بهـار الشاذليـه

جيت بالهيل المريكاني وعود الزعفرانـي

والهجوس اللي توقد بالسـلام وبالتحيـه

يابو نايف ماتوانى هاجسي ولا عصانـي

له علـى رد المثايـل بالمثايـل مقدريـه

ماطفى زندي وصواني وتعبيـر اللسانـي

شايف الجمهور والعسكر وقـواد السريـه

ماحداني الوقت واسلوب الجهاله ماحداني

افهم المجنون والصاحي وابو عشرين نيه

الفكر ماهـو اسيـر لغايتـي ولا مكانـي

اعرف الواجب عليكم واعرف الواجب عليه

انت ربان السفينه والهـدف بـر الامانـي

وانت سرحان المواقف بالكثير وبالشويـه

الحقايق يابـو نايـف ماتـدور مكلمانـي

مانلحقـك المـلام ولا نلحقـك الخطـيـه

مايلام المرء لو زادت تهاويـل الزمانـي

ولا يلام مقدم الحسنات دافـع كـل سيـه

التعاون نصر والوحده مقابيس الحسانـي

والدلايل شمس يالربـان ماتحجـب بفيـه

قالب الفكره مطوره الحماسـه والتفانـي

والمعرف مايعرف ضد مجهـول الهويـه

ياسفينة نوح سيري بالدقايـق والثوانـي

والمدد والعون مابين الشهامـه والحميـه

منتدى الثملان مرفوع المكانـه والمبانـي

مانواري به ولا نخذله في صبح وعشيـه

طاب حظه فوق نجم الجدي وسهيل اليماني

كاتبين المجد بوسام الفخر والشمس حيـه

اقتدينا وامتثلنـا فـي عشـر ولا ثمانـي

مانغيـر مانبـدل فالحـروف الابجـديـه

الحكيم يسوق فكره بين طيـات المعانـي

لا يماري بالخطـا ولا يدنـدن بالخطيـه

ياهل الخيل الاصايل جيت والسابق حصاني

وانتم اهل الطيب والذمه من الذمـه بريـه

الفصاحه والبلاغـه والخطابـه والبيانـي

منهج الشعار لا جـات القويـه بالقويـه