عهود الصداقة

[سنا الهجرة]

رد: عهود الصداقة رد: عهود الصداقة رد: عهود الصداقة رد: عهود الصداقة رد: عهود الصداقة

المشاركة الأصلية كتبت بواسطة فواز البقمي

[poem="font="Simplified Arabic,5,white,normal,normal" bkcolor="black" bkimage="images/backgrounds/26.gif" border="none,4,gray" type=0 line=1 align=center use=sp num="0,black""]

لا شك في نفسي من الوقت ساموح=ولا شك في نفسي عتب واحتراقه

أسير الهاجس طواريق وامزوح = واسير المعنى بفن ولباقه

حق الخوي واجب أساويه بالروح=أحفظ له حقوقه وحسن العلاقه

أدمح له الزله واقول له أسموح=وارعى عهود المعرفه والصداقه

درب الجماله ما يبي هرج واشروح=يبي عزوم ارجال تعشق نطاقه

ولا المقفي مالنا فيه مصلوح=طرد المقفي من سلوم الحماقه

ماني على شرواه بمكثر النوح=ولاني على شرواه راعي شفاقه

من يتبعه محصولها حفنة جروح=ويصبح على ما قيل راعي طفاقه

كلٍ بوقته له تفاكير واطموح=وانا هوى نفسي من الطيب باقه

يقوله اللي خيل بروقٍ تلوح = ورعادها دندن وفيه إصطفاقه

تلوفها ريح الهبايب على شفوح =تسوقها من غير كيف ورواقه

القاع منها صار ما كن به ضوح=وغديت مثل اللي كسِر عظم ساقه

يخشى عواقبها ويخشى على صروح=وبيت الوفاء ينهار كامل رواقه

وقبل الختام وقبل ما سري يبوح= اهدي التحايا الوافيه للرفاقه

[/poem]



والعذر والسموحة على

القصور والتقصير

مامن قصور ومامن تقصير .. يا فواز
وان حصل بعض منها .. فــ ما أتيت به يشفع لك عندنا
أنت جزل ولا تأتي الا بالجزلات

صح لساااانك وعلا شانك .. يا مبدع

[فواز البقمي]

المشاركة الأصلية كتبت بواسطة سنا الهجرة

مامن قصور ومامن تقصير .. يا فواز
وان حصل بعض منها .. فــ ما أتيت به يشفع لك عندنا
أنت جزل ولا تأتي الا بالجزلات

صح لساااانك وعلا شانك .. يا مبدع

سلم راسك ياخوي

والله انا مقصرين لكن تهون ياشيخ

وجهك ابيض ياذبان ولا هنت

وصح بدنك


والله يجملنا مع شرواكم


تحيتي