ثرمده من هنا وهناك 5

[المنديالي]

المشاركة الأصلية كتبت بواسطة وآثقة الخطى

أهنئكم على تقدم وتطـور الثرمــده .. ووصولها للجزء الخامس وعقبال الميه والألف ..

انا والله ماعندي شئ أثرمده .. مدري خلصت من عندي والا من كثرها احترت اش أقول ..^_^

بس حبيت أضع بصمتي هنــا شكـراَ لكم ..

والله يووفقكم ومـشكور يالمونديالي ..

~ مــــتابعين ~

الله يبااررك بعمرك يابنت عمي
وبعدين بنات حواء ماعندهم ثرمده هذي ما اصدقها لكن يمكن الثانيه من كثر ماعندكم من ثرمده تضرب الافيوزات وتضيع الثرمده .
اليابنيين يقولون (طول لسان المرأة ثلاث بوصات..لكنه يستطيع أن يقتل رجلاً طوله ستة أقدام ) وقيل ( لو استعملت المرأة أعضاءَ جسدها استعمالها للسانها لهلكت بعد يومين ) الله يحفظكم لنا الا ثرمدو لين تغلبون بس خلوكم قدامنا لحسن يموت الرجال وعيونه بعجيزه اللي معه ... اتذكر جدي رحمه الله ووالدي واموات المسلمين منوم بالمستشفى في اخر ايامه ويصيح جيبولي ( اسم جدتي ) تجلس معي قلناله ياجدي انت بالمستشفى مايخلونها تقعد معك يقول لا بس انتم ماتبونها تقعد معي ......
...
البس الضعيف هذا اللي بتوقيعك هبلتي فيه اعطيه الذبانه هذي ولا شيلها عنه انا تعبت وانا اراقبه كيف هو .

المشاركة الأصلية كتبت بواسطة H Y T H A M

ع القوه يامغبر
زعلآن منك أقوى شي وين أسمي ولوني
مو تقول صرت صديقي .. وإلا بتسوي زي كحيلآن ( وماصديقنآ إلا إنا )




في تمثيليه سوريه مشهوره ( مرآيا - ليآسر العظمه ) هذي القصه جات فيهآ
عآد مدري يآسر العظمه طلع حرآمي مثلاً وإلا الخويطر ينصب على القراء وإلا القآضي ينصب على الخويطر
وإلا إنت تنصب علينآ .!؟

افا عليه الملازيم اني محقوق وابشر طال عمرك بدية رجال كامله لحسن الان اصبحت الديه 400 الف ريال لكن انا بدفعها قتل غير العمد يعني 300 تجيب ارض والتعمير عليك .
نست يابو لون ( احمر ) ولا كيف معققوله اذكر صديقي الكبير اوي ( ابو عبدالرحمن ) وانسى صديقي الكبير ( هيثم ) مو معقوله اعتذر منك وبعدين لوني هذا بطليه بلون فوشي ( لاتقول طيب حط اللون وربي معرفه ) اعرف الالوان الاساسيه حقت قوس قزح عشان كنت اشوفه بالديره اذا جات الامطار .

كحيلان مسكين يقولون وعلى ذمة واثقه أنه اشترى العنزي حق الكويت كلها نكال في الهلال وياخوفي يجيه جلطه بسبب الهلال ....

شكلنا بنخرب الصحبه تتهمني بالنصب والاحتيال وش شايفني من حقين سوى .
انا مالي دخل تبي اثبتلك انها من كتابات الخويطر مابه مشكله يمكن انه لاطشها بس ما اعتقد يقدر يألف قصه زي هذي ويحط فيها شخصيات كبار ( تراه حضري ) اقصد الخويطر وانت تعرف عاد الحضران ( وشكلنا قمنا نخبص ) الله يخارجنا من ثرمدتك بتودينا في داهيه ..........