هل تعد الطائف من المصائف العالمية..

[H Y T H A M]

ولا مدينه في المملكه تصلح تكون سياحيه غير مكه والمدينه ( وسياحه روحانيه فقط ) غيرهآ ابد



- أسعار الشقق ( الفلكيه ) وخاصة في الصيف يمكن توصل لألف ريآل في شقة ( معفنه ) روآئح كريهه وأثاث مهترئ وحشرآت بألوآن وأشكآل مختلفه الدش خربآن وماتشتغل غير قناة أو أثنين والمويه صفراء مآتقدر تغسل وجهك - غير أسعآر الأستراحات والفلل والشالهيآت إللي توصل لثلاثة آلاف في الليله الوآحده .!!!

- أماكن الترفيه زي الحدائق والمنتزهات والملآهي الدخول بفلوس واللعب بفلوس والجلسه بفلوس وأسعآر الأكل والشرب فيها دبل الدبل وبعضهم مايسمح للعائله تدخل معها اي نوع من الأكل أو الشرب ويبدأ شغل التهريب في عبايات الحريم وكأننا دآخلين معتقل

- شغل الغزل ودخول الشباب لمكآن العوائل بحكم معرفتهم بالسكيورتيه إللي عند البآب - يعني إذا أهلك بغو يمشون شوي وإلا يروحون منا وإلا منا لازم تكون مرافق معاهم كأنك بودي قآرد ودوبك تتلفت يمين ويسآر لا أحد يقرب منهم وإلا يهرجهم

- النظآفه بصفه عآمه معدومه - لما تجيب فرشتك وتجي تجلس تلاقي أنوآع الرز وعظآم الدجآج منطوله يمين يسآر غير حفايظ البزرآن ( أكرمكم الله ) وباقي الحطب وورق شآهي الليبتون - والمصيبه أن سطل الزباله جنب هالبلآوي كلها لكن ماحد تكلف ورمى هالوصاخه فيه .!

- نفسيآت موظفي الأستقبال في الفنآدق والشقق المفروشه مدري وش تبي - تقوله بكم الشقه يقولك معآك عائله تقوله ايه بس بكم يقولك معك كرت العائله تقوله ايه بس بكم الشقه يقولك ترى فيه تأمين 500 على الشقه تقوله طيب بكم الشقه يقولك اصبر أشوف فيه شي فآضي وإلا لاء - غير السنترال إذا دقيت تبي تطلب شي يقعد ساعه لين يرد وإذا رد وأنت تبي بيبسي يجيب لك ميرندآ حمضيآت .!

- زحمه في المواقف عند هـ الشقق اللهم ياكافي وتضطر توقف في الشآرع إللي بعد شآرع الشقق بشارعين وإذا نزلت تبي تحرك موترك تلقى كفرين على الجنط والسبب أنك موقف عند باب وآحد حآسد رآعي الشقق المفروشه ولايحبه .!

- دورآت المياه حدث ولاحرج - 90% مافيها مويه وإذا دخلت يبيلك كمامات عشآن مآيغمى عليك من الريحه ولافيها كهرب يكفي ومغاسلها مكسره وبزابيزها تقوطر ومصديه وأكيد لايوجد سيفونآت وأنواع العبارات العاطفيه والغزليه على البيبان غير أرقآم الجوالات والبياجر - حتى الهنود أقسم بالله صآرو يكتبون بلغتهم على بيبان الحمامات .!

- الأسواق اسعارها طايره ولافيها شي يجذب أو يشجع إنك تشتري منها

- المطاعم مبالغين بالأسعآر ( أجل حبه دجاج مع الرز بـ 24 ) وسمعت إن نفر اللحم وصل 50 ريآل وفوق هذا وذآك أمكان العوائل كئيبه والكراسي مخلعه وحاطين لمبه فوق رآسك كأنك دآخل مكتب التحقيقيات الفدرآلي FBI وتلقى الكتشب غطآه ضآيع ومن فوق ميبس من كثر ماصفق فيه الهوا والشطه من أبو أربع بريآل ذيك إللي أسمها جلوريا .!


والله يبيلنا سنين ضوئيه عشآن نوصل لربع مآوصلت له ( ماليزيا فقط )
حتى مصر إللي أفقر مننا وأخس مننا حماماتهم وإنتم بكرامه على بابها ثلاث اربع أشخاص وكل مآطلع وآحد دخل هذا ينظف ورآه - أنت تستحي تطلع وأنت مآسحبت السيفون وإلا تركت ورآك شي منآ وإلا منآ

الطائف - أبها - الباحه مافيها غير الجو وبسس غيرها لاتدورون شي
والكلآم هذا من زملاء لي بالعمل هنا بالريآض - زارو الطائف ولامدحو شي غير الجو
طبعاً ما أبتكلم عن نفسيات أهلها لأني وآحد منهم


أعذروني على الأطاله.