من دون صهيون بذتنا صهاينا..!!

[منقاش]

رد: من دون صهيون بذتنا صهاينا..!! رد: من دون صهيون بذتنا صهاينا..!! رد: من دون صهيون بذتنا صهاينا..!! رد: من دون صهيون بذتنا صهاينا..!! رد: من دون صهيون بذتنا صهاينا..!!

أخويه مراسل ثقيف , بنتي كبرياء , حليفي الشاعر سنا الهجره : أشكركم على غيرتكم على دينكم , والله يثبتكم ويثبتنا معكم على سراطه المستقيم ويكثر من أمثالكم , لكن وآآآآآآآآآآآآآآآآه ثم آآآآآآآآآآآآآآآآآآآه من اللكن .
لكن يا أخواني وأخواتي فيه الموظفه اللي تبي تروح لوظيفتها ولا عندها محرم يوصلها وأضطروها للركوب مع السايق ألأجنبي , والخلوه غير الشرعيه ..
وفيه ألأرمله اللي ما عندها محرم يوصلها لقضا أغراض بيتها وأطفالها واضطروها للركوب مع غيرها من ألأجانب عنها من سواق تكس والا غيره , وفيه وفيه الكثير...
ووجهة نظري أن المطالبين بقيادة المرأه أغلبهم (ولا أقول كلهم) يطالبون بحق يريدون به باطل , وأغلب اللي وقفوا ضد قيادة المرأه غلطوا ووقفوا موقف تغذيه العادات قبل العبادات , وأراهم حرموا شي ما عندهم في تحريمه من الله برهان ..
يا أخواني ويا أخواتي , نعم لقيادة المرأه لسيارتها بالضوابط الشرعيه , وهي الحجاب , وعدم السفر دون محرم , والبعد عن الخلوه غير الشرعيه (يعني ما تركب معها أجنبي) , وعدم التبرج والتميع ,,,الخ....
أدري أن أغلبكم يصعب عليه تقبل هذا المشهد وهذا الرأي, والسبب هو الغيره على العرض والدين , والله غيور يحب الغيور , لكن الله يحرم علينا تحريم ما أحل الله , وأذا تقبلنا رأي أحد في تحريم ما أحل الله بغير دليل , أنجرفنا لمنزلق خطير وهو منزلق الجماعه اللي أتخذوا أحبارهم ورهبانهم أربابا من دون الله ...
يا أخواني , اللي يؤلمني ويتمعر منه وجهي هومنظر بعض النسوه وهم يوقفون التكاسي في أسواق والا غيرها ويركبون معهم , وتعرفون أخلاقيات بعض أهل التكاسي البغيضه , وليت هالنسوه اللي وقفوا التكاسي عندهم سيارات يقدرون يسوقونها ويروحون بها لبيوتهم بدل الركوب مع الوحوش , والأمثله كثيره .
يا أخواني وأخواتي, اللي وقفوا ضد قيادة المرأه للسياره ما عندهم دليل شرعي مقنع على ألأقل بالنسبه لي, وظلموا المرأه من وجهة نظري , واللي يبونها تقود السياره أغلبهم يبونها مرحله من مراحل خروج المرأه ..
وأرى أن الصحيح هو في أتباع الشرع اللي يحرم تحريم ما أحل الله , والمرأه رايحه تسوق في يوم من ألأيام , ورايحين تشوفون المدرسه تروح لمدرستها بسيارتها ومثلها الطبيبه وغيرها , والأرمله تقضي أغراض عيالها من سوق الحي بنفسها , ورايحين تشوفون ناس كثير من اللي وقفوا ضد هالظاهره يشترون السيارات لنساهم , وهالظاهره شفتها من مشايخ وطلبة علم خارج المملكه , وكانوا نساهم متنقبات ويقودون في سياراتهم ويقضون حاجاتهم ومنضبطين بالشرع في تصرفاتهم , ولا أراهم جانبوا الصواب .
يا أخواني ويا أخواتي , هذا الموضوع غالبا تغذي معاركه العادات من جهه والمياعات من جهه ثانيه , والحق ضاع بين الطرفين , أما المنكر الحقيقي فهو منسي , المنكر المستنكر مثل الربا , والأختلاط الوظيفي في الخدمات الطبيه اللي كان بأمكان وزارة الصحه وغيرها فصل مستشفيات الرجال عن النساء , ووو الخ , وشكرا.

[مراسل ثقيف]

الأخت كبرياء: أشكر مرورك وتعقيبك على الموضوع ولعلك سمعتي أختي بالطابور
الخامس هم مواطنون ومواطنات ولكن ولائهم لخارج الحدود!!
الأخ سنا الهجرة: أشكر مرورك أخي والتعقيب على الموضوع ولاشك أن هدف
الحملة التي تشن علينا بدعوى المطالبة بقيادة المرأة للسيارة هي تمهيد لنزع
الحجاب والحياء والخروج بها لتلبية رغباتهم وشهواتهم،،

مراسل ثقيف

[مراسل ثقيف]

أخي منقاش تشرفت كثيرا بمرورك وتعقيبك على الموضوع
وربما توافقني الرأي أننا نعيش الآن وضعنا العادي بدون قيادة
المرأة للسيارة مع مافيه من الزحام الشديدة التي نعانيها، فالمرأة
الآن تذهب لعملها في الساعة المحددة وكذلك تذهب لمدرستها
ولمواعيدها في المستشفى وتذهب لشراء حاجاتها كل ذلك بدون
أن تقود السيارة فأعتقد لو ساقت السيارة ربما تأخرت كثيراعن
مواعيدها بسبب الزحام الشديدة التي نعاني منها نحن الرجال
فكيف لو شاركتنا القيادة فسوف يكون الوضع أسوأ بكثير
مما هو عليه الآن..