حديثي مع المخاوي ليس سرا .

[منقاش]

كنت يا أعضاء منتدى بلاد ثماله حاط يدي على قلبي وخايف عليكم , وكل ما سمعت بباقعه في ديار قلت يا لطيف ألطف بنا وعساها تجي حوالينا ولا تمر علينا , وكنت أخشى ما أخشاه عليكم عدوى من أنفلونزا الطيور والا من الوادي المتصدع والا يجيكم هبه من الهبات تروحون فيها بسبب ظاهرة النينو المناخيه .
لكني كنت واهم واثري مبعد والخطر جنبي , ولا أنا منتبه لخطر السويرفه الرويبضه مخاوي الشيخ اللي دخل بينكم مثل السوسه اللي وصلت بها الجرأه في يوم من ألأيام على الرغم من ضعفها لتفتيت عصا ابن داود , لكن سويرفة هذا المنتدى ما لقيت شي تستغله ألا حبكم وشغفكم بثمار شجر مبارك ما يزرع في دياركم , وهو ولعكم المفرط بالتمور وزيوت الزيتون , ومن خلال نقطة ضعفكم هذي جاكم مثل أبليس وتسلل لكم منها وخنس لكم فيها حتى أوهنكم وأذهب ريحكم .
وهذا عندكم ابو عبدالرحمن اللي كان أمس من خيرتكم , هذا هو اليوم خرب من زيوت المخاوي اللي أدمن عليها حتى أصبح ما يعرق ألا زيت يتنادس منه مع كل مكان , وأصبح في يد المخاوي مثل الخاتم يخرجه من أصبع ويحطه في الثاني , ,,,وهذا نحنا استخلفنا الله فيه وطلبنا منه العوض .
وهذا عندكم الشاعر الشيهان اللي كان ولد صالح يمدح فينا مصبح وممسي حتى جا المخاوي وأفسده علينا بكم كيس من حب الشعير حتى عود كل شعره في خدمة حب الشعير ,,,, وهذا نحنا وقفناه عند حده ومنعناه من الكتابه واستخلفنا الله فيه , وقلنا لا رجع الحمار ولا أم عمرو..
واليوم وصل المكوى ل....ط...الجمل , والعلوم دخلها علوم ثانيه , وعساها بس تبقى على ماهي عليه ولا تزيد تطبل أكثر ..
ولا أقول أمام هذا الوضع المتدهور ألا يا شيخ سلام يا عميد منتدى الفطريات يا عاقلة ربعه , أنا هانت مصيبتي في ابو عبدالرحمن والشيهان واللي قبلهم واللي من بعدهم مع مصيبتي فيك .
وأذا كان يا ابن عمي لا بد لك من ما لا بد منه , فنصيحتي لك أذا وصلتك تمور وزيوت المخاوي حولها لنا حالا فنحن أولى بها صليا , حولها لا هنت يمنا جاي حتى نخلي ساري الليل يقرا عليها وابو نقشه ينفث فيها ونبطل السحر اللي أنوضع لك فيها كما أنوضع لمن كانوا قبلك ومنهم محدثك ابو نقشه اللي حط له بلا فيها حتى سار ما يقدر يصبر عنها .
يا شيخ سلام عسى ربي يسلمك ويسلم جميع ألأخوان , المخاوي سحار قمار وخليه هو وهداياه بعيد عنك بعد المشرقين , وتذكر يا رعاك الله أن هداياه ضرب من ضروب السحر ولا يفلح الساحر حيث أتى , وأن كنت قابل هدايا من أحد فلا تقبلها ألا من حليفنا الشيخ ابو سيفين اللي منقاته وبباياته المباركه تمطر على كل الديار وفي كل ألأتجاهات , وشكرا ..