اكتب اجمل قصيدة قرأتها

[صقر الحجاز]

ياحزّة الضيق .. صدري منك مـا ضاقـي../.. لقـيـت مـعــك الـعــلاج وهـانــت الـعـلّـه

إلـيـا رميـتـي بـدلـوك داخــل أعمـاقـي ../..قـريـت لــك مــا تيـسّـر مــن كـتـاب الله

أطوي حبالك وأنـا واقـف علـى ساقـي../..علـيـك راســي طـويــل ولا قـصــر ظـلّــه

كم راح من ضيقه .. وكم من حزن باقي../.. جـردت كـشـف الهـمـوم وجــات منسـلّـه

وأنـا لـوّ أنـيّ زعلـت وشانـت أخلاقـي ../.. لازلـت مـن فضـل ربـيّ مــن هــل المـلّـه

مخلـوق قانـع وراضـي بـأمـر خـلاّقـي../..مثلـت لأمــره وانــا خـاضـع مــن الـذلّـه

بكيـت يــوم المـدامـع تـحـرق إحـراقـي../..للـكـنّ هـانـت بـعـد جــفّ الـبـكـاء كـلّــه

أخاف من يـوم تشخـص فيـه الأحداقـي ../.. وتـمـيـل بـــي كـفّــة التقـصـيـر والـزلّــه

يــاربّ عـفــوك وأنـــا للـعـفـو تـوّاقــي../.. كــم لــي وقلـبـي يـفـوح ولا بــرد غـلّـه

لو راحة البـال تعـرض وسـط الأسواقـي./.. مـا كــان نــص الخـلايـق صابـهـا خـلّـه

والشعـر مــن يــوم ماخـربـنّ الأذواقــي../..ماهـوب فـي حـلّـي ولانـيـب فــي حـلّـه

مـا غيـر أغنيّـه لـو مـا حـرّك أشـواقـي../..قريحـتـي مــن ثـــلاث شـهــور منـشـلّـه

أدرّج الـسـانـيـه .. وأعــــدّل الـسـاقــي../..والـلـي سـقـا السنبـلـه عـيّــت تسنـبـلّـه !

مـــا حــــنّ رعــــاّدي ولا لاح بــراّقــي../..إلاّ بــعــد راحـــــت الـيــبّــاس مـبـتـلّــه

لكـن عـسـى ساحـتـه بألفـيـن طقـاّقـي../..هـــذاك صـفــقّ لـــه .. وهــــذاك طـبـلّــه

غـش ومجامـل وزيـف وكـذب ونفاقـي../.. جـات لوجيـه البـشـر مـاهـي لـوجـه الله

ومسابـقـات القصـايـد طــاق طـربـاقـي../..طربق على الشاعر الموهوب وأرسلّ لـه

ف الليل طارت ما بين دشوش وأطباقي../..والصـبـح طـاحـت عـلـى الـبـراّد والـدلّــه

وعـن سلّـة البيـض يـدري كــلّ سـلاّقـي../.. وكــلٍ تحـيـزم لسـلـق البـيـض ف السـلّـه

مابيـن شعـر الـحـدث وعـيـون عشّـاقـي../.. مشكـور يـا اللـي تعـقـد الحـبـل وتحـلّـه

( خلاص ماعاد فيهـا قـدس وعراقـي ) ../.. قـبـل إحـتـلال الـعـراق الـقـدس محـتـلّـه

مـدري متـى نجتمـع ف المنـزل الراقـي../.. بعـد أفـتـرق جمعـنـا كـثـره مـثـل قـلّـه

اللـي بقـا مـن زهابـي مــوس حـلاّقـي../..نفضـت خرجـي و وزّعـتـه عـلـى الشـلّـه

مـن يرفـع أقلامـي ليـا جفّـت أوراقــي../..أخـــاف لا أمـــوت والأقـــلام منـصـلّـه !