تهميش الحقائق

[حسن عابد]

وانا اختار لك هذه المجموعه من قصائدي

بعض من قصائدي ارسلها لك

خواطري جات في لحظه وترجمها
والترجمه شعر ماهي هرج هراجي
ياليت من يدعي التوضيح يفهمها
ويحط مدخال لفكاره ومخراجي
حتى ليا قال معلومه وعممها
مايخسر الصح ويشوه لنا انتاجي
خواطري شعر اهذبها وسلمها
لهل العقول السديده بعد الاخراجي
ماجبتها عور ولا زور اتممها
وماهي مراويح مد وجزر الامواجي
هيه تكلم معي وانا اكلمها
وشروطنا واحده والدين منهاجي
عفت بمضمونها والقلب صممها
وجينا دول مانحه لهرام وابراجي
عيبا عليه اواجها و اسممها
وعيبا عليه مايوضي دربها اسراجي
واللي يقول الحقايق عكس يظلمها
ماحد للظلم حد وسور وسياجي

احيان تدعوني هواجيسي الى
نظرة خياليه وفكرت المعي
وقول ياحلم الفكر اهلا هلا
اقلط على المعنى ودفه باصبعي
خلك خوي الجنب في اوة ولا
يكون موضعك المبجل موضعي
خل السحابه في اليمين ومن على
نجم الثريا والنجوم السبعي
اطلع مطاليع الكبار وما تلا
وهذا الهدف ومبتغاك وموقعي
ربع على كيفك وذوق من الحلا
وعند الطلب تلقى سندك مربعي
اللي من الماضي فؤاده ماسلا
واللي فؤاده جاك قدامه سعي
ماوجه افكاره ولقاها الخلا
ولا يتم الفاظه وتنعاها نعي
جمل وكمل بالقفاري والفلا
واليوم في حضرتك هل الادمعي
خلك معه والسوق غالي في غلا
والباقيات الصالحات الارفعي

ياقاضي الحاجه سعيد وجيتك
مالي خصم عندك ولا لي دعوه
ماقول حظي جابني ولقيتك
اقول قدر من كتب لي خطوه
ياللي تلالا في العلالي صيتك
بالذات في حسم القرار ونحوه
لاتقول عني جيت لك وامليتك
انته امامي في مكانك قدوه
ماودي اطول واضيع وقتك
ولاودي يحصل من كلامي هفوه
ياسيدي القاضي انا بديتك
تدفعني الايام مدري النخوه
فكرت وافكاري جسام وليتك
تهبني من وقتك قليل وقهوه
ابكشف المستور لو غثيتك
حتى الحقايق ماتروح عنوه
هذي مضاريفي وانا سديتك
في النص والتحليل صدق وسطوه
اقراها ياقاضي العرب في بيتك
وفكر بتحليلي وعقد الندوه
شواهدي لو جيتني خاويتك
حفاظ للذمه وحفظ الثروه

اشغلتني بالقصايد نعلبوها
نعلبوها نعل ابوها نعلبوها
ويش اقول ووين اروح وكيف اسوي
دامهم في كل حاجه قدموها
من لبنا من بحرنا من هوانا
شربوها الجن شربي واطعموها
ان سقتني ماسقتني الا نكاده
وان شكيت الحال قالو قدروها
كيف اقدر من عصت موسى وربه
وكيف اقدر واحده ماادبوها
لو ادين الوضع واشجب ماتسوي
كذبوني الحمر وهيه صدقوها
ولو اقدم حجةِ من عصر ادم
صرفو لي حجتي ولا نفوها
رسبوني رسبوني اعيال قيصر
والبيليده في الدراسه نجحوها
عشق في بنت الزراعة نعلبوها
نعلبوها نعلبوها نعلبوها
من شرب من موج فكره واستراح
نام نوم الكهف ماحس بأحد
ومن لطمه الموج غازله الصباح
بين مد وجزر مايلقى ستد
يسري به الهاجوس من قو الرياح
وظلام من ليله يداعبه الرعد
تخاطفه فالبحر زرقات الرماح
ويهاجمه قرش الهوايل بالنكد
بين الاماني والحقايق والجراح
تشرب عيونه ملح ويزيد السهد
دامه على صدر البحر وضع انبطاح
ينسى استرح ياعسكري ولا استعد
هذا البحر والموج مامعها مزاح
حتى السفن تشكي منه في كل رد