اكتب اجمل قصيدة قرأتها

[حسن عابد]

رد: اكتب اجمل قصيدة قرأتها رد: اكتب اجمل قصيدة قرأتها رد: اكتب اجمل قصيدة قرأتها رد: اكتب اجمل قصيدة قرأتها رد: اكتب اجمل قصيدة قرأتها

سعيد القير


لواشتكي لبجاد وعناد مافاد=من قيض ولا برد ولا زهادي
ابسط يدي للي له الخلق تنقاد=اللي رفعه سبعه بلايا عمادي
هون على ابراهيم من بعد مازاد=همه وخلا النار سلم وبرادي
يارب هونها على العبد ماعاد=يقدر على قيض الدهر والنكادي
متى تشوف العين غيمه ورعاد=واشوف شعبانن تسيل وحمادي
واشوف لي مخضار تبتل الاكباد=في شوفته وتعيش مع جو هادي
العيشه اللي بين ريضان وبراد=ارخص لها حالي ومالي وزادي
هذا وانا مانيب هاوي وقصاد=شاعر وقدح البيت قدح الزنادي
مانيب ادور شرهتن بين الاجواد=اهيم والشعار في كل وادي
الشعر له هيبه وحكام وبلاد=ويفرض علينا نلتزم في المبادي
الاسعدي دايم على القاف معتاد=اليا اشتها جاب القوافي وجادي


أحمد الاسعدي


لواشتكي همّي على صم الاوتاد=يمكن تساوا مع طمان الحمادي
هـمّــي يجـيـنـي تــالــي الـلـيــل ورّاد=يـسـرق مــن جفـونـي لـذيــذ الـرقــادي
فــي كــل ليـلـه صــورة الـهـم تـنـعـاد=مـاهـوب ليـلـه وحّـــده يـــا هـجــادي
يالله يـالـلـي معـتـلـي فـــوق الاسـيــاد=حـنّــا عـبـيـدك وانـــت رب الـعـبــادي
افـــرج هـمــومٍ كـنّـهـا نـــار حـــدّاد=فــي داخـلـي صـــارت تـوقــد وقـــادي
يـا سعيـد انـا مـانـي مــع الـنـاس منـقـاد=انــا عـلـى دربـــي وعـــارف مـــرادي
بعـض العـرب محسـوب يــا سعـيـد عــدّاد=وبـعـض الـعـرب مــا يعـتـرف بالـنـوادي
وبـعــض الـعــرب للـعـلـم ســـدّاد ردّاد=وبـعـض الـعـرب ماقـفـه دايــم حـيــادي
وبعـض العـرب يـا سعـيـد جــرّاح الاكـبـاد=نـقّــال هـــرج وممـتـهـن بــالــدوادي
وبعـض العـرب ياقـف عـلـى روس الاشـهـاد=بـالـحـق مـاهـمّـه حـضــر او بــــوادي
شــروى الـرجـال الطيبـيـن اهــلْ الامـجـاد=اهــل القـلـوب الـلـي تـعــاف الـســوادي