سجل حضورك ببيت من شعر******

[حسن عابد]

اقتباس:
المشاركة الأساسية كتبها عيضه بن مساعد_البدوي
بسم الله الرحمن الرحيم




أحمدك ياربي على كل ماسار
لك الثنا والحمد في كل الأوقات
يالله ياكاسر وجبّار الأكسار
تجبر كسور الحي واغفر لمن مات
واكتب له الجنه وجِيّره من النار
ثبت لسانه على قول الإثبات
يالله ياعالم خفِيات الأسرار
تغفر وتسمح له جميع الخطيات
تغفر لمن هو غير الدار بالدار
من يوم قفى مابقيلي طماعات
محدن رضي ماسار يصحاب الأفكار
مير الحوادث من عَرفلا علامات
حادث مروري مرّ به لمحة أنظار
والروح راحت والملابس بقيات
يوم الربوع الظهر مع موج الأقدار
احدى عش خمسه في سجل الوفيات
تاريخ هجري مايسجل بالأصفار
واحد مع اربع والبقيه ثلاثات
أرثي رفيق الدرب والقلب محتار
محتار فالاقدار بهون سبب جات
عبداللطيف أبكيه لو كنت صبّار
وأرثيه صادق والنوايا سليمات
لو المحاجر دمعها مثل الأمطار
مارجّع بكاها فقيد(ن) ليا فات
يارب تجعل منزله بين الأبرار
في جنة الفردوس بين البريات
أدعو معي تكفون يانسل الأحرار
صلّوا على المختار بازكى الصَلوات