اكتب اجمل قصيدة قرأتها

[رعد الجنوب]

(المهر والمهره)



على قوافل اهل المجد و اهل الشهره
يا شيخ جتنا هداياك و قبلناها
ضاقت علينا و سقت المهر و المهره
اللي شيوخ القبايل تطلب رضاها
يا نوم عين اجودي ٍ شد بك ظهره
اما نشرت القصص ولا نشرناها
ما والله يجوز راع الحب من طهره
ولا تفقد العين غير اللي نثر ماها
البارحه في المنام قلوب منصهره
صكت عليها الضلوع و جابت اقصاها
و حكاية ٍ بالغلا و الشوق مزدهره
و ضعون اجاويد نتعب لا ذكرناها
خلوا لنا الليل و اخذوا معهم السهره
و رحنا نعد النجوم ولا حسبناها
لو عشّمونا زمان بكوكب الزهره
اهون من احلام و بيوت ٍ بنيناها
كانت كوابيس تشبه وجه ابن فهره
و اليوم جاء من يبشّرنا بمنفاها
يا حلو عز ٍ تدفق يمّنا نهره
ليه الزغاريد ما تملى زواياها
خواطر مكسّره و عيون منبهره
و عيون مدري من اللي ضاق و اعماها
و الليله اللي نسى فيها الشقي دهره
احلى الليالي الى قالوا وش احلاها






ناصر القحطاني