وين الكويتي دورووه لي بشمعة

[abonayf]

تنسيق للمتاخرين عن الحظور مثلي لمتابعة هذا الرقي والجمال
على القوه اخوينا فكلنا واحد

مافيه فرامل

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من هل الطايف سلامٍ شايله لاهـل الكويـت=قمت من وادي جفن وامسيت وسط السالمية
جبت للعجمي معي صاروخ في قِدم الونيـت=كان مارحـب وهـلاّ ثـم صـب الشاذليـة [/POEM]

بدر العجمي

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من ديارى مرحبا فى مرحبـا ولا هفيـت=لا لفيت الدار نذبح كبش فى حجم المطيه
باغ احطك فوق صاروخك ليا منك قضيت=بعدها لا عل فالك خير عبـر الجرهديـه[/POEM]

مافيه فرامل

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]البقى ياللي ترحـب فـي ديـارك بعـد جيـت=الذبايـح وش بلاهـا عندكـم تكـبـر كـذيـة
يابدر ماني علـى فكـرك وشـورك لا نويـت=جيت ابا انشد كيف حال شعيل من عقب الضحية [/POEM]

بدر العجمي

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الكرم تستاهله وخذا الكبيـره كمبليـت=المهم ارتاح وانته ماعليـك ولا عليـه
الامور ميسره ياربعنا يكبـار صيـت=الله يديم الرجال اهل الوفا واهل الحميه [/POEM]

مافيه فرامل

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كان ونك يابدر من راس مالك لي شريت=قابلين اللي تجي من يمكم تحسـب جزيـة
مير قلي وش بلاك انشدك وتقلـي نسيـت=لو يموت الداب الاسود فالثرى عشرين حية [/POEM]

بدر العجمي

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الله الله بارك الله فيك يوم انـك دريـت=علم اللى يذرفون الدمع فى صبح وعشيه
انت خابر مانسيت السالفه يوم اعتزيـت=والعلوم التاليه ماهى سـوات الأوليـه [/POEM]

مافيه فرامل

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عام الاول يوم جاك الصوت من يمه سريت =والعشية تعتزي وتقول من يصعق عليه
مير علمني وش اللي فيه يالعجمي قريت =لين صرت من الشجاعة ماتقابلك السرية[/POEM]

بدر العجمي

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الغدر يابو معرفـه غـدر لـو عنـه حكيـت=وانت لولا فزعت الطربوش ضعت امعا الرعيه
مير لا تنسى زمان فات يـا راعـى الوانيـت=يـوم راس العبـد جالـه شـان فكتهـا يديـه [/POEM]

مافيه فرامل

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الرجال الها مواقف بس ليه انته بكيت = كان قمت وطحت واستنخيت وتجيك الحمية
لاتحسب اني على ماجاك ياجاري رضيت = بس لاتامن زمانك دامت انك فالقضية [/POEM]

بدر العجمي

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الفضل لهله وانا عارفك ابو رشـت فليـت=شفت راسك من ورى الخفجى نهار الشقلبيه
انت طيب مير تـزرع دربهـا فالدينميـت=وانكويت ابها على درب الخطـر 60 كيـه[/POEM]

مافيه فرامل

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يوم شبيت الحرايق جيتكم بالبسكليت = ودي انك يابدر تفهم دروس العنجهية
والله اني عارف انك ياسبيت بغير بيت = المعزب عندكم وانته تقول احنا هنية[/POEM]