الليلة :حسن عابد & النادر المحاورة الشعرية المباشرة

[النادر]

[POEM="font="Arial,4,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
اكثر العالم على المسرى ترى ماهي شفوقه=وانت اشوفك ياحسن جبت المطمه بالتمامي
النخل لوهو تساوى طول تلقا به فروقه=سكريه ياحسن ماهو كما الشيص السحامي
[/POEM]

[أبو عبدالرحمن]

صح لسانك حسن عابد

صح لسانك النادر

ليلة جميلة كانت معكما.. بأسلوب ومحاورة راقية

[النادر]

حسن عابد

الراقي والرايق بحق

فعلا وجدت انك خصم عنيد ومتعب ومتمرس وراقي سعدت باللقاء معك واهني كل محبي الشعر بوجود مثلك ......

شكرا لك مشرفنا الغالي ابو عبدالرحمن شكرا ابا نايف

[ابو عادل]

والله ماقصرتوا
وأتحفتمونا بفيض شعركم المتدفق
بيض الله وجيهكم أنتم ومن حضر وتابع

وانتهت مسابقة شاعر المليون وكانت وفق الترتيب التالي
الأول/ محمد بن فطيس المري
الثاني/ تركي بن عطاالله المطيري
الثالث/ عبدالرحمن عادل الشمري

تحياتي للجميع.

[abonayf]

نشكر الشاعرين القديرين حسن عابد والنادر على هذه اليله الجميله والسهره الراقيه
ويتجدد معكم اللقاء محبي الشعر في ليلة قادمه ان شاء الله

حسن عابد

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياحسن عابد تقدم للشعـر فـي وسـط سوقـه=احمد المشرف يقوله وانـا بـا رد السلامـي
اعرف النادر واعرف الحان في الخاطر تشوقه=قلتهـا واقولهـا واكـرر القـول بكـلامـي[/POEM]

النادر

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ياحسـن عابـد تقـدم واشعـب بعيـرك وسـوقـه=الـمـســاري مـاتـهـيـا للـغـشـيـم ولـلـحـرامـي
بعـد مــارد الـسـلام وكــل واحــد لــه حقـوقـه=هات علمك ياعميلي وش ورى الحد التهامي[/POEM]

حسن عابد

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مزنة هلت بماها والسمـا تلمـع بروقـه=كيف مارحبت يالنادر على حسب النظامي
من نبض قلبه تحرك كل دمه في عروقه=وانت يالنادر قليبك في لاهايو وفي منامي[/POEM]

النادر

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الخيال اللـي تشوفـه ياعسـى مزنـه حقوقـه=يوم جاك العلم واضح ليش تلحقني الملامي
العـسـل لاصــار مـاهـو حــر والله مانـذوقـه=لو عليـه ختـام مصنـع خاتمينـه فـي ميامـي[/POEM]

حسن عابد

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لا بلحقـك المـلام ولا بلحقـك العقـوقـه=ولا تخبي شي عني ياسليل ابـن الكرامـي
من يسافر ماعرفنا له صبـوح ولا غبوقـه=ولا شهدنا انه عصامي ولا شهدنا انه غرامي[/POEM]

النادر

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من لبس له ثوب ٍ ابيض ليه عن دربه تعوقه=والدسايـس ماتـجـي بيـنـي وبيـنـك ياحـزامـي
هـب ياجحـاد مـشـروب ٍ مبـيـن فــي شـدوقـه=يتهـم العـالـم بمـاسـوت يــده ويـقـول ضـامـي[/POEM]

حسن عابد

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مابقولك ياجملنا مالكم في الحمل طوقه=بندق الرماي لا زمت ترى ماهو برامي
ان شربنا الله رزقنا وان اكلنا خير نوقه=والله انا ماجحدنا شرب زمزم والطعامي[/POEM]

النادر

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من جلس حدر الجبل لاعاد ينشد ويش فوقه=والله انــي لارمـيـت ادق بالـرمـي العظـامـي
جعـل كـل اللـي كليتـه مابهـا حـوفـه وبـوقـه=لاجـل مايكبـر عليكـم فالاخـيـرات السنـامـي[/POEM]

حسن عابد

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الرجل ياصاحبي ما يمنعه ياخـذ طروقـه=ديننا يكفل لك الموضوع كلـه يالعصامـي
الرجل ما يلبس البشت الذي تظهر شقوقـه=يلبس اللبس الحساوي ولا بشت بصنع شامي[/POEM]

النادر

[POEM="font="Simplified Arabic,4,royalblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من مشى فوق الجمر رجله تبى تشكي الحروقه=وكــل واحــد يـاتـي بنفـسـه لـيـاعـدوا الاسـامــي
لاتـخـلـي فـتـحــت الـبـيـبـان وتــويــق بـخـروقــه=مانـت شايـف كـل ماحولـك معـا فتحـت مسـامـي[/POEM]

حسن عابد

م[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ا بقولك يالثمالي اكثر العالم سروقـه=دارها وادرى عليها قولنا والفعل سامي
كلنا يالذيب من ناس شجيعين وسبوقـه=لا وردنا العد نمسك بالمطية والخطامي[/POEM]

النادر

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لو ورى عرق النفود وفوق رفحا دون لوقه=كان قلنا صيدة واصدادها الحـر القطامـي
ادري انك من رجالٍ فاللقا دايـم صدوقـه=وادري انك لك مقامك بس انا عالي مقامي[/POEM]

حسن عابد

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اكثر العالم لحوا خايفة مـدري ذروقـه=وانت خلك قرم مثلي لا تخوف ياغلامي
ما انت نخلة زايدة فوق النخل ولا عذوقه=وانت تعرفني طبيب اعالج الطفل السيامي[/POEM]

النادر

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]اكثر العالم على المسرى ترى ماهي شفوقه=وانت اشوفك ياحسن جبت المطمه بالتمامـي
النخـل لوهـو تسـاوى طـول تلقـا بــه فـروقـه=سكريه ياحسن ماهو كما الشيص السحامـي [/POEM]

دمتم بخير

[فتى ثماله]

يعطيكم العافية

وصح الله السنتكم مليون ومايكفون

درر درر درر

تحيااتي

[عناد العصيمي]

حرصنا على حضور هذه المحاوره لم يذهب سدى .محاوره جميله تستحق المتابعه ماقصرتو الله يعطيكم العافيه

[@ بن سلمان @]

يعطيكم العافية وما قصرتوا
النادر وش جايك
ماشاء الله عليك مستلج
حسن عابد هاردلك في تركي
الجائزة كانت عادله
الشعر اخذ نصيبه مع بن فطيس
والتصويت حضر مع تركي

[المشتاق]

المشاركة الأصلية كتبت بواسطة مشاكس

مشتاق ياعزوتي
حم الطيران
وجيب معك طيران عبد القادر
عشان نعطيها بعض الناس
اللي أول حرف من اسمه
ماعندك أحد

افا يا مشاكس
شايفني طقاقة
الحين ما عاد صارت طيران عبدالقادر
يقولون الحين شايل على راسه طيران احلام

[المشتاق]

حسن عابد والنادر
شاعر المليون اخذ الملايين من المتابعين وخفت ينقصهم شي والاشي والياني حاضر
ليلتكم فايته وقادمكم اجمل