إحدى روائع حامد زيد

[@ بن سلمان @]

يعطيك العافية بن وافي
والأن هذه قصيدة أراد كاتبها الرد فيها على قصيدة حامد زيد ( الجمهرة )


[POEM="font="Simplified Arabic,4,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]
يا من غلاتـك فـي شرايينـي توهـج وانسكـاب =علـى قريحـة شاعـرك تسكـب بيـوت ميسـره

ماقد عصرت افكاري ابحث عـن ركايبهـا النجـاب =استلهم اطيافـك علـى فكـري وطيفـك يعصـره

واشتاق لك واشعل ضلوعي شمع والشمع المـذاب =اعيـد تصنيعـه مـن اشعـاري قصايـد ممطـره

والعب بالالفـاظ الجميلـه لعـب واخذهـا غـلاب =إليـن اذللها وتصبـح فـي رضــاك مسـخـره

الفـاظ تاخـذ مـن تفاصيلـك عذوبـه وانسيـاب =والفـاظ تاخـذ مـن تفاصيلـي شمـوخ ومنظـره

واجمّع الضدين واصهرهـا علـى شعلـة شهـاب =شهـاب بنفاسـي مـع انفاسـك تكـوّن عنصـره

ورغـم هـذا ماتوفـي حقـك 00 ابياتـي رتـاب =الله أكبـر يـاغـلاك الـلـى بقلـبـي مكـبـره

حتى الخطايا منك في حقـي 000 عقوبتهـا ثـواب =واصغر خطـا فـي حقـك القاهـا كبيـره منكـره

سبـق وعاهدتـك بعهـد الله مـن فـوق الكتـاب =اني ولا اكتب شعر في غيرك على سطـح الكـره

واليوم انا جيت استميحك عـذر واعلنهـا انقـلاب =بس تسمحي لي لـو بعشـر ابيـات غيـر مكـرره

في اللي ورد في محكم التنزيل عـن شـر الـدواب =صـم وبكـم واعمـي ولا فيهـم تفيـد التـذكـره

في شاعر انا اغليـه شخصيـاً وجمهـوره مهـاب =من ناحية شاعـر فهـو شاعـر ولا احـدن ينكـره

شاعر فحل 00 لكنّ ما يؤخـذ عليـه ومـا يعـاب =إذا قـرأ لـي يلطـش افكـار وجمـل بالمسطـره

واذا اعجبـه فكـرة قصيـده راح ينهبهـا انتهـاب =يعيـد صيغتهـا بشعـره ثــم يـجـري ينـشـره

وينهـج اسلوبـي ولـكـن بالله اش ودا لـجـاب =الفرق واضح بين حـب المـاس وحبـوب الـذره

هو يحسب العالم غبيه فيـن عايـش بـو الشبـاب =كلـن يميـز بيـن جملـه طـازجـه ومبسـتـره

الاولـه عـدت وقلنـا صدفـه ابغيـر احتـسـاب =ومن ستر مسلـم علـى الزلـه تـرى الله يستـره

والثانيه عـدت وقلنـا – هـم بعـد صدفـه وتـاب =لكـن زودهــا ومصخـهـا وحبـيـت انــذره

قلت اقرص اذنه يمكن انه يعرف اش معنـى عقـاب =وان عـاد كررهـا يميـن الله يااسـمـه لـذكـره

واني لفضّـح بـه فضيحـه مـا تسترهـا الثيـاب =واشرشحـه قـدام خلـق الله ويصبـح مسـخـره

لو ما يفيق من الهباب ان كـان بالـع لـه هبـاب =ما ارحمه لو يتكلم الشيطـان مـن تحـت اظفـره

واكشف لصوص الشعر واللى يكتب الشعر اغتصاب =وانصـب لهـم فـخ بقصايـد محكمـه ومشـفـره

والله ماهو طبعي ادخـل فـي المشاكـل والسبـاب =واحـاول اتجنـب صحافـه كلبـوهـا سمـسـره

عايش مسالم كـل هالمـده وسيفـي فـي الجـراب =واذا رمونـي بالشتايـم مـا اسمـع الا صرصـره

ماهو بمعجزني000 فنون الشعـر شاربهـا شـراب =لكـنّ مـا ودي نفـك ابــواب شــر مسـكـره

واليوم اشوف اعداي من حولي يسنـون الحـراب =مـن جبنهـم مـا يحذفـون الا الظهـور المدبـره

قلوبهـم ياساتـر استـر كنهـا بيـض الـغـراب =الطيب 00الطيب 00 من الداخل يخالـف مظهـره

يربت على كتفي بكـف وكـف ماسـك بالنصـاب =واتجنبـه وادعـي علـيـه الله ربــي يـدحـره

ماهمني فعل السـروق المـازح اللـي مـا يـراب =الهاوي اللي خـذ مـن اشعـاري فنـون الدكتـره

الاوديـه مـا تنبـت الا مـن مساييـل الشـعـاب =وادري الفقـارى مـا تهـز الا الغصـون المثمـره

المعذره يابعد عمـري 00 شعـر ماهـو مستطـاب =اليـوم غثيتـك وجبتـك فـي القصيـد مبعـثـره

وان ما ذكرتك في قصيدي يعتري الشعر اضظـراب =مـا يبهـر الجمهـور شعـر الا لانـك مبـهـره

ما ودي اقحم ذكـرك الطيـب مـع شـر الـدواب =لكـن قصيـده مـن قصيـدي منـت فيهـا تنكـره[/POEM]