التفاحه والغنى

[بيقبن بن فنحاص]

منقووول
,,,,,,,,,,,
هذا الفول




اجل هات الشيشة



هذا السالفة قديمة .. سمعتها من الوالد ..

تدور السالفه عن شايب ولده يشتغل في مكة ..

ايام الرزق كان صعب .. و الواحد يسافر بـ السنين على شان يجمع له كم قرش ..



الولد ذا طوول على اهله و ما جاء لهم ..

و لما قرب الحج ذيك السنة وصى ابوه واحد من اللى يبي يسافرون لمكة ان يشوف ولده بدون ما يحس الولد .. و يجيب اخباره ..

جاء وقت الحج و سافر خوي هـ الشايب و لما رجع جاب اخبار الولد ..

قال الأبو هاه شفت ولدي .. قال خويه ايه ..

قال الشايب هاه بشر وش مسوي عساه بخير و يشتغل ..

قال هو بخير و يشتغل بس به سالفة مضيقه صدري ؟؟

قال الأبو خير وش فيه الولد !!!


قال خوي الشايب .. الولد يأكل فول و يشرب شيشة !!


الشايب من سمع هـ الكلام حس ان هـ الفول و الشيشة شئ مهب طيب .. قال خير ما قصرت ..


ضايق صدر الأبو فترة و قرر بـ الأخير ان يسافر و يشوف الولد و اذا طلع على ما قاله خويه يجيبه معه لـ نجد ..

سافر الأبو لمكة ,, و راح للولد بعد ما وصل لمكة الصبح بدري ..

طق الباب و لما فتح الولد الباب تعجب !!

قال الولد خير وش صاير .. وش جابك الكلام لـ ابوه ..

قال الأبو لا خير بس جيت اعتمر و اشوفك ..

قال الولد هذي ابرك الساعات اللى تجي به ..

المهم الولد شاف ان ابوه تعبان من السفر قال خلن اروح اجيب له فوول ..

جاب الفطور الولد .. و افطر الشايب و اعجبه الفوول ..

سأل الشايب ولده قال هذا وشو ؟؟

قال الولد هذا فووول .. ,, الشايب : فووول !!!

قال الولد ايه ,, قال اجل هات الشيشة ,,