والنعم بمنقاش .. عاش عاش

[مشاكس]

خاب المدير وانتكس
واذا شيك لم ينتقش
نعم هذا ألعوبه جديدة للتغرير بأصحاب البطون الواسعة
من أمثال مدهش وشبلي وزملوق وبن عزاب ,ابو أمجد
لكي يوقع بهم النصاب منقاش في حبائله
فكم من ضحية ارتكست وماتت شفقة لما ترى من هذا
المارق كيف يستجلب الطفيليين لعلمه المسبق بوجود
القروش في أخبيتهم فما أن يدخلو حتى يقدم لهم الشراب
المنوم على هيءة الببسي ليتمكن هو وأعوانه من سلب مامعهم ورميهم على
قارعة الطريق ليتمكن المارة من اسعافهم
الم تسمعو قول الشاعر القدير زملوق

[POEM="font="Simplified Arabic,5,purple,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]من ظن في منقاش خير الله يسود خشته = منقاش ما عنده يكود الدنفسه والبربسة
واللي مايعرف سيرته بله يلد فكشته = واللي عرف وش سيرته يقول هذه مانجسه[/POEM]

[أبو عبدالرحمن]

خسئيت يا من انتظمت إلى حزب الأوغاد ..

نسيت نعمة الشيخ منقاش عليك..وكيف توسط لك حتى أخذت شهادة الصف الخامس..

يا جحود

[منقاش]

يبو عبدالرحمن أنت كبير , والكبيريبقى كبير مثلي ومثلك ومثل سنا الهجره ولبشه ولا ينزل لمستوى الصغار والجرابيع أمثال المشاكس وطقته .
ولعلمك هذا الماخوذ بعد طرده المخاوي من حضيرته جاء الى عندي يبغي يخش في عريني وطردته شر طرده , وتراه هالحين أصبح معزول لا في العير ولا في النفير ويحاول يتلبش بالكباريه أمثالي أنا واياك حتى يطرونه الناس في طرايانا...

[شبلي أبو الونات]

والله يا مشاكس جيت باللي مستحي منه لا أبديه ويقولون الرجاجيل إن واحد من شيوخ المنتدى حرامي ولص والسالفة وما فيها دق علي مدهش وقال لي ياولد أنا زهم علي أبو عبدالرحمن وقال إن منقاش عنده غدا وجامع كثير من الرفاقه والرجال تكلف ويبي يتشرف والوعد بعد الظهر في بيته قلت طيب انا محمل لي بهم في ظهر الونيت ابي اجلبه للماقفه وبعد الحراج جايكم وفعلا جلبته وصفالي 1600 ريال وحطيتها في جيبي 7 ورقات أم 200 و4 ورقات أم 50 وفي جيبي قدامها 100 ريال واقفة وعشرات تجي لها40 ريال وخمستين
لحقت بالرجاجيل وشربنا اللي قال لنا بيبسي وتغدينا ويوم كثرنا بالخير وانا احس بالثقل بعمري وعهدي بنفسي ادخل في المفتاح في الونيت وانا اغيب يوم وعيت وانا مقعد ومسند على كفر السيارة الامامي واعود اقوم وانا بثقلي واركب السيارة وقلت ابلقي اشري لي برسيم لحلالي ويوم جيت هناك ارد على جيبي وانا ما غير على الخمسات ثنتين وياقي فلوسي 1740 ريال مالها حس
عزالله اني اعذرت منها وقلت الله اللي عطا والله اللي اخذ وهو المخلف لكن بعد علومك يامشاكس عزالله اني تذكرت الثقلة والسومة اللي جاتني عند السيارة مير حسبي الله على كل أفاك مغتصب

[مدهش]

الله من النقد معك يا شبلي
انا صار علي أدهى من اللي صار معك أنا قبل أروح مريت على الصراف صاحب البيت باقي له من الايجار 3000 ريال سحبتها وجيت ويوم صار اللي صار ظنيتها في لحالي واستحيت ادعي على الرجال يغدينا وادعي عليه لكن دام الهرجه كذه انا بتوجه ببن عزاب رجال راعي ثنتين ويودي العلوم ويجيبها ويشهد له البنقالي اللي يشتغل عنده وابو عبدالرحمن اللي اخذنا على عمانا و بغتنا بالرجال

[بيقبن بن فنحاص]

يا شبلي أنت ومدهش ومشاكس حاسدين الشيخ الشريف منفاش على أقل من عشره آلاف أخذها من جيوبكم وانتم مخدرين ؟, حاسدينه وهورفيقكم وابن عمكم وكيسكم واحد ؟.
أقول أذا أنتم حاسدينه على لطشة بسيطه فلماذا لم تحسدوا ربع بطاقة سوا وهوامير الأسهم الذين لطشوا كل ما في جيوبكم وبمئآت الألوف وانتم مفتحين أفمامكم وعيونكم ولم يخدركم أحد ؟.
أقول : أعقلوا اعقلوا والركادة طيبه واتركوا الناس تترزق الله لأن اللطش في زمانكم لا يحتاج الى تخدير ,, لطش الجيوب يا ساده أصبح عيني عينك وعين الحسود تبلى بالعمى ....

[الشيهان]

لا والله الا هزلت وامتلات من الهزل يامدير ياصاحب الكرسي المستدير يوم انك تحط من قَدرك وتضوي على قِدر منقاش ابو الخياش
لكن هذي عجايب الدنيا وماتسوي النفس الاماره بالسؤ في صاحبها فليتك حكمت النفس اللوامه قبل تمشي في طرقه معروفه نتايجها القبيحه وخير دليل انك خرجت تقاصد من عند عمك المزعوم منقاش

[شبلي أبو الونات]

المشاركة الأصلية كتبت بواسطة بيقبن بن فنحاص

يا شبلي أنت ومدهش ومشاكس حاسدين الشيخ الشريف منفاش على أقل من عشره آلاف أخذها من جيوبكم وانتم مخدرين ؟, حاسدينه وهورفيقكم وابن عمكم وكيسكم واحد ؟.
أقول أذا أنتم حاسدينه على لطشة بسيطه فلماذا لم تحسدوا ربع بطاقة سوا وهوامير الأسهم الذين لطشوا كل ما في جيوبكم وبمئآت الألوف وانتم مفتحين أفمامكم وعيونكم ولم يخدركم أحد ؟.
أقول : أعقلوا اعقلوا والركادة طيبه واتركوا الناس تترزق الله لأن اللطش في زمانكم لا يحتاج الى تخدير ,, لطش الجيوب يا ساده أصبح عيني عينك وعين الحسود تبلى بالعمى ....

هي ثبتوا الهرجة
شهد عاقلته بما لنا عند منقاش وإنه أخذها منا تحت تأثير المخدر
هذه ثيابنا عندك ومداخيل عليك يا مشاكس

[أبو عبدالرحمن]

قويت قلبي يا شيخ منقاش ..الله يقوي قلبك..

[@ بن سلمان @]

حسبنا الله هو نعم الوكيل
قوي قلبك على ضلالة