والنعم بمنقاش .. عاش عاش

[أبو عبدالرحمن]

والنعم بمنقاش .. عاش عاش والنعم بمنقاش .. عاش عاش والنعم بمنقاش .. عاش عاش والنعم بمنقاش .. عاش عاش والنعم بمنقاش .. عاش عاش

يا جماعة الربع .. أمسي عليكم بالخير ..



وأبي أعلمكم بسالفة... وهي إني تلقيت دعوة غريبة من الشيخ منقاش (حسب ما يحب ينقال له ) عشان أتناول طعام الغداء معه على مائدته العامرة ( حسب ما يقول هو ) وقال أنه عازم رجل من الديرة !

الحقيقة لما اتصل بي توجست من الموضوع وخفت !!!!!!!! ليش ؟! لأني اسمع مثل ماسمع الآخرون من بعض الناس مثل : مخاوي منقاش ورويعي الغنم وشاعر القرية مشاكس وغيرهم أن لمنقاش – طال عمره - تاريخ عريييض واسووووود ومشررررررف في المقالب والحماقة .

والصراحة أن خفت أكون الضحية رقم ( 152463424 ) من ضحاياه ، ولا يخفاكم أثر الإعلام صار السلطة الرابعة إذا ما كان الأولى ..

لكن .. قلت يا ولد واشبلاك ؟!!

يمكن الرجال تعدل وتغير وصار أحسن من أول

وبعدين لا تحكم على شيء إلا لما تشوفه بعيونك الأربع قصدي الثنتين .

ولقيت في نفسي شجاعة وإقدام أني أقبل العزومة وأدخل في هذه المخاطرة .

وقلت بالمرة أتأكد من هذه القصص وأقابل هذا الرجل واشوف وش هي طينته .

وفي الوقت المحدد ذهبت فعلا لمنزل منقاش اللي ما يعرف أحد كيف يوصف طريقه ..

وكاااااااااااانت المفاجأة التي لا يتوقعها أحد البتة .(البتة هذه مقتبسة من خطب اقزوز منسم)

وشاهدت بعيني خلاف ما سمعت عنه !!!!

لقد كان عكس ما سمعت عنه مية وسبعة وخمسين ونص درجة

كان منقاش يتكلم ويحكي عن الثلاثي الماكر وفعايلهم معه .

وكنت كل ما قال قصة عنهم أحزن عليه وأحسن أنه إنسان ضعيف وعلى قد حاله ويمشي جنب الحيط ويقول : يارب هب لي السترة ، وماله بمكر الماكرين ولا خداع المخادعين

والصراحة أنا خجلت على نفسي بسبب ذلك الموضوع القديم ـ غنيمة منقاش ـ واللي كان السبب فيه : رويعي الغنم ! وتقدمت لمنقاش قصدي الشيخ منقاش بالاعتذار وطلب السماح على ما صار من قبل .

ياجماعة الخير أقول لكم تراني شفت من كرم منقاش ما يعجز عنه اللسان الأبكم اللي ما يقدر أصلا يتكلم ..

وإن كان هاه ظهرت منه بعض العلوم التي أظن المخاوي يقصدها في بعض مواضيعه !!!

أكيد تبون تعرفون وش ذي العلوم اللي عند منقاش .. مالكم بالطويلة .. العلوم اللي أنا شفتها في عزيمة منقاش أنه لما قال تمووووووووووو حياكم الله وقلطنا على الغداء ، أصر منقاش على الضيف وانا معه بأن نشرب أول شيء من قارورة الببسي !!!

ايش قاعد تقول يا هووه ؟!!

أي نعم هذا اللي صار أول شي اجغموا من قارورة الببسي قبل ما تحطون رزة وحدة في فمكم

طيب ليش يا منقاش ؟ ايش السبب علمنا ؟

قال منقاش : العلم عندي وأنا بو مندي : هذا أهل الديرة يقولون أن الببسي مافي أفيد وأحسن منه قبل الغداء !!

طبعا أنا فكيت عيوني فيه وما صدقت كلامه !

وقلت الله يستر هذي أول وحدة من مقالبه ! والله يستر من اللي جاي .

الضيف المسكين الذي معي ما كذب خبر وصدق منقاش واخذ يكعكع من الببسي تقول ماء زمزم !!!!

وبعد الانتهاء من الغداء قلت له : يا ابو نقشه وين الببس اللي أول !

قال : افا عليك ..ومد لي القارورة!!!وقال : احسب حسابك للحبحب ... وقال لنا : تبغون تحبحبوا الآن ؟

وقال لي : ترا ما يمكن ابدا إنك تذوق الحبحب بعد الببسي فكل لك من الرز واللحم مرة ثانية .. تغد يا رجااال .

قلت في نفسي : هذه زيادة في كرم الشيخ منقاش عز الله ما قصر الأجودي ولد الأجودي ولد الأجودية .

وخرجت من عنده بعد ما تغدينا وعينا خير وتحبحبنا والببسي اللي عطانا منه و شربنا ، وأقول وأنا مبسوووووط ...
[POEM="font="Arabic Transparent,5,darkblue,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black""]

والنعم بمنقاش عاش عاش =والكلام اللي ينقال عليه ماش
وترى الكرم إلى بيته خاش =وهو إلى غيره ما يبي حاش

[/POEM]


وسلامتكم