مبروك يا شيخ منقاش

[منقاش]

رد : مبروك يا شيخ منقاش رد : مبروك يا شيخ منقاش رد : مبروك يا شيخ منقاش رد : مبروك يا شيخ منقاش رد : مبروك يا شيخ منقاش

راعي السواني , ابن سلمان , سنا الهجره : مشكورين على وقفتكم مع الشيخ منقاش , وبيض الله وجيهكم .
ابن عزاب : أنت خلك يم القوارير واترك من علوم الرجاجيل .
ابو عبدالرحمن : أقتباس من كلامك (((شوف يا عم منقاش...صحيح..أنك حصلت وبكل جدارة على المشاركة رقم : 100.000 , لكن هذا الفوز تم إلغاءه!!! .فحصل ما حصل...وانفجر سيرفر الشركة بسبب حصولك على هذا الوسام...))).
كلامك هذا يكفي الشيخ منقاش , وانا متنازل بالوسام للي تبون , شاعر والا راعي أباعر , بس بشرط وهو أنك تجيب قيمة مكتل البرشومي اللي أعطيتك أياه ودهنت به سيرك , وتجيبها من فضه , لأن الورق ما أتعامل به ...
ابو تركي : أسكت يا حرامي المكانس ,, يبو طياره أنت ورويعي الكلاب ....
مخاوي منقاش : أنطم واقطع واخس...

[أبو علي]

حقك والله من لبدك بمشعاب فوق علباتك ليتك تطيح في ايدي انا وابو تركي عزالله انك لتعالم المستشفي مكسور ممخش .

[منقاش]

المشرفين : تكفون يا وجيه الخير أحذفوا مشاركتي رقم 10
مخاوي منقاش : لا عاد أشوف ردودك يا جبان , وخليك عبره للي حالفوك ويحسبونك تقدر تنفعهم .

[رويعي الغنم]

وينك يا مخاوي منقاش ما تدلي بدلوك مع طوال الذرعان؟؟ .
ترى أن سكت والبدت ولا رديت نبي نعتبرها خوف من منقاش اللي ما يربط عنز ...

[@ بن سلمان @]

يا رويعي الله يعطيك العافية
لي رجاء عندك وهو اني ما ودي انك لا تجيب طاري العنز والا المعزى
المقام مقام رجاجيل
والعنز ام التيس والتيس اما ننداه والا نسويه حنيذ
واهل الغنم مثلك يتخذونه فحل

[رويعي الغنم]

ويعطيك العافيه يبن سلمان
عذرني , ترى أهل الغنم علومهم من حواليهم , يعني مفرداتهم من بيئتهم .
وخذ أمثله :
عندنا الرجال اللي يقول ويطول ومن أفضل الرجال قاله وطاله نسميه فحل واحيان نسميه جمل والا بعير.
والرجال اللي ما عندك أحد نقول عنه فلان ما يربط عنز , واللي ماش معرفه نقول عنه فلان ما يعرف من وين تظرط العنز .
وغيرها كثير مثل : فلان جفر , فلان عير , فلان تيس ابو قرون , فلان ثور معمم , فلان حمار أزعر , فلان مكسره قرونه , فلان ما يحلب شاه , فلان مل ينحطب ولا ينسقي له .

[ابو عادل]

منقاش يتبجح ويدّعي ماليس له
روح للمنتدى العام يامنقاش وتشوف من أخذ جائزة الـ (100000 مشاركة:
انه الشاعر/ سنا الهجرة واماأنت كلامك وعلومك كلها ماتنذاق وصدق مخاوي منقاش في كل مايقوله عنك لكن أظن بالك على حبة البرشومي رقم(100000) اللي زرطتها وتفكرها زي مشاركات الشعار اللي عليها القيمة .
هيا قوطر ولاعاد اشوفك تمدح فنفسك وخلها للي يحرزونها وان كان فيك خير ورينا مشاركتك رقم(1000000).

[منقاش]

يبو عادل لا تشمت وانت ما تدري ويش وراك يا جبل .
وحتى تفهم أنت وبقية اللي ما يفهمون , سنا الهجره هو منقاش.
وحتى تفهمون أكثر منقاش عنده معرف ثاني هو سنا الهجره ,, هيه فهمت والا لا ؟؟, أنت توحيني والا لا؟؟.

[بن عواض]

الله يحيك يا منقاش والله انك شيخ من شيوخ العرب وتستاهل الجوائز كلها لان علومك غانمة وعلوم شيوخ الله يوفقك وتحصل علي شيخ مشايخ العرب قول آمين .

[أبو علي]

واسفاه يا منقاش ما تدري قد ايش انا حزين على وضعك رأيت كل الناس تمقتك تكرهك حتى والسبب انك مجهول الهوية ، خفيف العقل ، سخيف الفكر ، خوي دربك حمار ، وعصى مشقورة ، امل ان لا تنسب نفسك لثماله ولا نعرفك ولا تعرفنا ، خير ما اقول لك اخرج من منتدانا وابحث عن منتدى على مستواك الهابط ، يكفي ان الناس اضافوا لاسمك البكاش .

لا تتهاون بنصيحتي ،