الله يعينك يا مخاوي

[رويعي الغنم]

أعرف أنك يا مخاوي منقاش تعرف خويك منقاش قبل رقعة التكارنه وبعدها , ولا لنا بينكم , وكما قال المثل الكلب ما يعض أذن أخوه .
لكن رويعي الغنم ودي تعرف عليه من خلال بطولاته الكثيره ومنها واحد على هذا الرابط , وكما يقولون معرفة الرجال تجاره :
http://www.thomala.com/vb/showthread.php?t=7254
http://www.thomala.com/vb/showthread.php?t=7294
http://www.thomala.com/vb/showthread.php?t=7321
http://www.thomala.com/vb/showthread.php?t=7389
ومن خلال هذه الروابط تبي تعرف على رجال ما ينحزم بهم الظهر مثل اللي أنتخيتهم يساعدومك على منقاش .

[أبو عبدالرحمن]

الله يا منقاش ...نسيت صدقات خويك ...

أخبرني ـ رويعي ـ أن كل فترة تصله صدقات تمر ...ويقول : رجل من أهل حائل يتصدق على منقاش...وتصلني منه..

والآن أشوفك متنكر

[منقاش]

اللي بلغك يبو عبدالرحمن عني فشر وسوء كيل .
وهو فيه ثمالي ياكل صدقه ؟, لا يمكن , ومنقاش يرفض حتى الهديه من باب سد الذرائع .
أما رويعي فلا تاخذون أي روايه له عني , والسبب العداوه اللي مولعه بيننا .

[مشاكس]

منقاش
أنا أصدقك في كل كلام تقوله
بس خويك وش به لاسمع اسم التكارنه
برطمت الضحوك
الظاهر ان المثل اللي يقول اللي في بطنه لحمه نيه تمغصه له علاقة
والا انا شوفي قليل

[الشيهان]

مشاكس ومنقاش وجه الشبه واضح بينكم من الصوره الشخصيه ومن قلة خاتمتكم مع العربان ومن علومكم اللى كلها خراميط

[مخاوي منقاش]

شوف يارويعي كل مااحاول ارفعك تهوي للقاع كانك تتهيب صعود الجبال لتعش دايما بين الحفر0ورحلة عورش انا لاتعليق لي عليها لسببين
1-ان فيها ناس نعزهم وانا مخلبي مايوفر احد
2-انها امور حاصلة قبل ماانتسب لمنتدي اصدقائي ثمالة
3-اسالكم بالله الم تلاحظوا ان الحملة النفسية الشرسةالتي وجهتها ضد منقاش وعصابتة حدت من تسلطه عليكم0000 امااتت ياروعي فلا تحتاج الي كبير جهد خلني اخلص من منقاش واتفرغ لك 0

ياخ ابو عبدالرحمن كل نهاية صيف يرسلي منقاش برقية يذكرني ان عندكم ايتام وفقراء بامس الحاجة ال التمر اطيلب ويركز على الطيب وتاارسلة وكتشفت انه ياكلها ويتجمل بها قدامكم لا ويدعي انه اشتراها باغلى الاثمان وسمعت (انه يقول لبعض التاس سرا) ان التمر يجية من بوش مباشرة من مزرعته اللي في تكساس والمصيبه اتانه يزعم ان بوش موصية يجعل جزىء منها للافطار في رمضان بمسجد العباس وان بوش يعرف الحديث اللي يقول من فطر صائما كان له مثل اجره0

صديقي واعزيزي مشاكس انا اعترف اني ماحبهم لاني اولا ماعشت في وسطهم وثانيا المثل يقول الانسان عدو مايجهل وانا اجهلهم وعمري ماحتكيت معهم لارفقة ولا صداقه مثل حظرتك لذا اعذرني

الاخ ابو امجد انا اول تحيزمت بك والظاهر انك بديت تجبن وخبريبك شجاع ولا اناغلطان0

[حسن عابد]

مخاوي منقاش
ولا يهمك فيهم واللي يقول لك ثلث الثلاثه كم قله اربعه

[الشيهان]

مخاوي منقاش الجبن زي القشطه اقصد ان الجبن والشجاعه ماتجي الا قدام الفرسان والا منقاش حتى الجبن كثير عليه بس خل قلبك على كراسيه وامغطه بالعلوم الماضيه اللى انت خابرها عنه وهو سوف يولي الادبار .

[منقاش]

هالحين أفرحوا وانبسطوا يا حلفايه ,, وموتوا قهر وكمد يا حلفاء مخاوي منقاش .
قولوا ليش يا شيخ منقاش ؟؟.
أقول لكم , أبشركم هرب من المنتدى مخاوي منقاش يجر في ذيل الخيبه والندامه ,, هرب الجبان وترك المنتدى يوم الشيطان أغواه وتعرش بشيخكم منقاش .
وهالحين ما علينا وين هرب , وكيف هرب ؟؟, اللي علينا ويهمنا أستخلاص العبر حتى لا يسير على أحد منا اللي سار على عاثر الحظ مخاوي ..
واهم عبره من العبر أن الشيخ منقاش أسد ما يقف في طريقه أحد , واللي أنتهت أيامه هو المقرود اللي ما ياخذ بخاطره ولا يجامله حتى يسلم من مخالبه .
وعسا هالعلوم تصل للملاقيف اللي الى هالحين ما ألتفت عليهم رحمه بحالهم وعيفه لهم مثل ابن عزاب وابو أمجد , وابن عبدالعزيز , وابو تركي , وابو هاشم , وباقي الشله اللي يعرفون في نفوسهم أني أعنيهم ..

[abonayf]

كفو يامنقاش

الا اني سمعت يقولون ان خويك يدبر لك مكيده وانما هو مختفي ليكمل التدبير ويدعي انها ستكون القاضيه لك ولا تعلم احد ان قلت لك