جايكم بخبر (سري ويفتح بيده )

[ابو هاشم]

رد : جايكم بخبر (سري ويفتح بيده ) رد : جايكم بخبر (سري ويفتح بيده ) رد : جايكم بخبر (سري ويفتح بيده ) رد : جايكم بخبر (سري ويفتح بيده ) رد : جايكم بخبر (سري ويفتح بيده )

يا ابن ابي محمد
لله درك
ما هذا يارجل
لما انت دائما تشركني في المشاكل وليس لي فيها لا ناقة ولا جمل
لم اتهم احد وكل الناس عندي مبرؤن حتى تثبت ادانتهم ببينة
رعاك الله يا خال
والله اعلم

[أبو علي]

يا بن سلمان لا تامن الزمان ترى الكرسي دوار ، وزهور والله ما انت اللي تذلها لسانها يوفي ويكفي ، وانت تعرف انها اليا نوتك بتروح في خبر كان تطر تروح تسمي نفسك باسم مستعار مير خلك معتدل الليالي والايام لا تعوجك القريب لقريبه والعاني لعانيه والدم مايعود ماء .

[زهور الريف]

شفت يبن سلمان كيف خليت المنسم يتشمت عليك الله يسامحك انت السبب وش عداك على مشاركاتي تشطبها

وحتى المبرد حبيب قلبي برضه صار يواسيني الله يواسيه ويقول انكم تستغلون طيبتي وهذا والله يدل على ان قلبة ما فيه اطيب والا احلى منه

وبن عزاب صار يقول حكم وينصحك الحقيقه اني متفائله جدا بعد الرجال بداء يعقل وهذا الظاهر لي بس الله يستر لاتجتمعون انت وبن داخل معه وتحرفونه عن الطريق القويم ويرجع على علومه السابقه وخلع و ما خلع وانت عارف الجلسه اياها والله اني نويت اخلع اذنه من راسه لو ما تاب ورجع الى الصواب

بعدين انا وش ذنبي تتجمعون في الاستراحه وفي الجبل وفي البرحه وما تحطون تيزار وقسم للعوائل وتعزموني والا كان عرفتوني وعرفتكم

بعدين انت قديم مره ترى برحة القزاز ما عاد احد يقضي منها الناس راحوا قلب الطايف وانت لسع مشخص عند مسجد الهادي ههههههههههه

[أبو علي]

انا بسلك يا زهور نزولا عند رغبتك انت وابوعدك اني اعقل . بس ابغاك تمخشين بن سلمان وتجرحينه لين يكب العنطزه اللي في راسه الرجال اشوفه ماد لسانه عليك والا انا سكته سويت له شوشرة وعود هجد لان واسطتي عند ايو عبدالرحمن قويه واقدر اقعد له واثبت عليه اخطاء ويرده ابو عبدالرحمن كما كان يعني يعطيه ( كما كنت ) ويسير مثلي ومثلك عضو مشارك .... ياخيبتك يابن سلمان لن ردوك الرجاجيل والياك تصفق في ايديك محروم من المراقبه على فكرة لا يكون انك مراقب في عملك وتبي تسير مراقب حتى في المنتدى وبعدين ما عندنا في المنتدى شوارع ولا عماير حتى تراقب بلكونات ولا حيشان ولا زوايد عماير .

هذا كله على شان خاطرك يا زهور هيه بيضي وجهك في بن سلمان تريني حاقد عليه وودي له بمرشه
...............

[@ بن سلمان @]

ايه حشى صارت قطوة
وكني بها تماوي وهي تلاحقني جعلها ابو الحصين
وانت يا بن عزاب ترانا رياجيل وعيوبنا بيننا ما نظهرها برا
وترى ابو عبدالرحمن يعزك ومبقي عليك مدري ليه والا هي دعسة زر

[زهور الريف]

يابن عزاب لن عقلت هذا والله مرده لنفسك وفايدته لك وان ما عقلت ما همني ما للمجنون الا اهله بس عاد ما ودي ان بن سلمان وبن داخل يتغوون بك ويورطونك وانت منت حمل المشاكل
وبن سلمان تراه طيب ودايم انا اقول هذي الهرجه بس عاد مشكلته المزمنه معروفه واتعودنا عليها وبدينا نتفهمه بس عاد لن زودها الوجه من الوجه فوشي

اما انت يابعد طوايفي ومكاوي وجداوي يابن سلمان ترى البسه ما تلاحق الا الفار المسمي شرعا بالفويسقه وترى ذبحه حلال في الحل والحرم انتبه لعمرك ياعُمَري قصدي ضبعاني

[@ بن سلمان @]

زهور الريف
شوفي يمين تلقين معلومات العضو , انظري اسفلها تلقين انذارات وللحين عليك بالسالب اذا ودك ننشطها فابشري تبشرين بخير ان شاء الله .
وسبحان الله كل منا يالرجال يحب يتميلح مع النسوة مثلك الا اني ما القى فيك شي يجذب ولا ملح ولا فلفل وانا ودي بن عزاب يهون عن خلعك غديه يقعد بنحرك ويشغلك الله يشغلك في طاعته يالماوس

[الحجاج بن يوسف الثقفي]

بن سلمان خلك على منت عليه
هههههههههههههههههه
وبن عزاب تروا والله مافيه الالسانه ماغير يبابي ويتلصق من المشرفين
والمراقبين وزهور بعد حيي والله زهور هذي يابن سلمان انا صفحت عنها
وابخليها السكرتيره حقتي واللي يبغاني يسوي موعد عندها ومشتاق السواق الخاص حقي
وبن داخل مسؤل التموين للاستراحه والمبرد مسؤل الاعلانات الخاصه بالاستراحه
ورويعي مسؤل المنسابات والعزايم وبن عزاب سواق البرشلوني والله يستاهل البرشلوني
يازوزو وين القصيده اللي وعدتيني بها عشان المنصب الجديد

[زهور الريف]

ابشر يامنسم باللذي يسرك
ما دام اعلنت التوبه عن الطرق الملتويه والله لارفع من شانك بين ربعك وزملائك بقصيده تدسم شواربك وعساها تسد شي من تنسيمك
بس عاد جوز عن حكاية السكرتيره هذي لان صاحبة السمو زهور الريف بدري على شنباتك انك تكلمها وانت تبي تحطها سكرتيره
نمشي لك هذ الزله باعتبار انها نتيجه التنسيم واحدى كبوات الاقزوز

اما انت يابن سلمان اذا ضميرك يرضيك انك تستخدم سلطتك ((وكبستك )) ضدي انا المراه الضعيفه التى لا حول لها ولا قوه سوي ما بدالك عاد ما باليد حيله لك صلاحيات منحت تكليف وانت تضنها تشريف بس عاد شوف وش بيقولون عنك جماعتك ما هو قادر الا على حرمه والا طوال الشوارب ما يحوم عليهم

وبعدين اللى يتميلح ما يتميلح الا لنفسه بس عاد انتم يالرجال تحسبون ان الواحد منكم اذا شخص وقال كلمتين حلوه انه خلاص حط البنت في جيبه

لا حبيبي هذا الكلام ولى زمانه وانتهى ذلحين البنت زي الرجل ما فيه فرق الا في الشكل بس

[الحجاج بن يوسف الثقفي]

اوف اوف اوف
يعني زيك زي بن سلمان
والله قويه