قصة وقصيده من اوراقي القديمه

[الشيهان]

قصة وقصيده من اوراقي القديمه قصة وقصيده من اوراقي القديمه قصة وقصيده من اوراقي القديمه قصة وقصيده من اوراقي القديمه قصة وقصيده من اوراقي القديمه

قصة هذه ألقصيده انه كان لي صديق منذ القدم وكنا نتبادل الزيارات فإذا ذهبت إلى المدينة التي يسكنها أقوم بزيارته وهو بالمثل إذا حضر إلى مديني يقوم بزيارتي وفي إحدى المرات حضرت إلى مقر سكنه وكنت على عجل من أمري ولم يسعفني الوقت لزيارته فوصله الخبر وأرسل لي قصيده ((مع الأسف بحثت عنها ولم أجدها ضمن أوراقي ولم أجدها عنده )) ومضمونها عتب علي لعدم زيارته مصحوب بشئ من التهديد والوعيد ((طبعا من باب الدعابة والمزح بين الأصدقاء)) فقمت بكتابة هذه ألقصيده ردا على قصيدته فيها اعتذار مع شئ من التهديد لموازنة الكفة فقط وإلا فهو من اعز الأصدقاء والى ألان والحمد لله

[poem="font="Simplified Arabic,5,black,normal,normal" bkcolor="transparent" bkimage="images/backgrounds/23.gif" border="double,4,sienna" type=2 line=0 align=center use=ex num="0,black""]يالصاحب اللي دوم نذكر صنيعه = في منزل(ن) للبن والهيل مدهال
جتني علومك في حروف ألقصيده = والصدق ماني عنه رايح وميال
لاشك ياقع سهو ماهي قطيعه = والرجل أبو عينين ماهو بمحتال
وألا هموم الدهر تقضي ربيعه = واللي يّعّرف همومها يعذر الحال
الصاحب الوافي ترى ما نبيعه = يبقى سندنا في صعيبات وإثقال
وان جات منه الناقصة مانعيبه = ندرى عليه ولانقول أنت زلال
واللي ينبش عن خوافي ألسريره = ماهو كفو يمشي مع صقور ورجال
نبغاك تنساها ونكتب وثيقة = واللي يعود ألها نداويه بالحال
وان قلت لا والله فمالي غصيبه = على القلوب الغافلة عن ذيك الإطلال
ياصاحبي حولك طوايف لعينه = ماهمها غير الشماتة فالأحوال
هذا عذر للأهل القلوب الرفيعة = تقبله ياصاحبي لن كنت وصال
وان كنت قاطع للحبال الطويلة = ماني ترى مجبر على صحبة أنذال
هذي قوافي من ديار(ن) وسيعه = تتعب غريب الدار في يمين وشمال
الضيف نفرح به وربي يجيبه = والعاصيات ألها شناكير وحبال
والله لأرميكم بحر الذخيرة = واردم على قبرك من الرمل صلصال
وألا لحوفك بالجنود المغيرة = حتى تضن انه يزلزلك زلازال
وألا لأقودك مع شعاب(ن) عسيرة = يأتيك شر جبالها مع كل شلال
وألا لسوقك فالصحاري الوسيعه = واكتب على جبهتك ماكر ودجال
وان جيت في ديار البحر والسفينة = يرميك موج البحر من جال في جال
حتى تقلي هات علمك وأطيعه =هاثم أحطك للرياجيل دلال
تأمر وتنهى في ربوع الجزيرة = واشري لكم فله وبيجر وجوال
وختامها مني تحيه بليغة = على النبي الهاشمي طيب الفال [/poem]

[@ بن سلمان @]

الشيهان
يا زينك وزين علومك
الله منه عتب
عاتب باللي تبي ما دام تخلفها بفلة وبيجر وجوال
تهب الابل ويعطيك العافية

[حسن عابد]

الشيهان

صح لسانك

[>>>>المشيلحي<<<<]

ونعم بك يالشيهان
وصح لسانك

[أبو عبدالرحمن]

قصيدة رائعة ..من شاعر رائع ومبدع

صح لسانك يا شيهان

لا عدمناك ...

[{بعيدالنظر}]

الغالي : شاعرنا الشيهان
رغم أنك لم تجد قصيدته التي بعثها لك . تكفينا القصه التي سردتها أعلاه
ويكفينا ردك الرااائع ياراائع
صح فكرك وسلمت يداك

[abonayf]

الشيهان

صح لسانك

[ابو عادل]

الشيهان
صح لسانك على القصيدة الرائعة.

[بن داخل]

حتى تقلي هـات علمـك وأطيعـه

هاثـم أحـطـك للرياجـيـل دلال

تأمر وتنهى فـي ربـوع الجزيـرة

واشري لكم فلـه وبيجـر وجـوال

صح لسانك
بس فجعت الرجال
الله يهديك يابو امجد
وزينتها فالتوالي

[الشيهان]

بن سلمان اولا اشكرك على تثبيت القصيده اذا كنت انت السبب

وثانيا عاد لاتصدق مره تحسبها من جد ترى هذا الكلام كان زمان قبل المحروسه ينساب
اكرر شكري وتقديري لك