أول لبشة للمشاكس

[مشاكس]

شاعرية متألقة يا سناالهجرة
يكفيك هذا الشطر
ماني بحمل السموم ولا هبوب الشمال
وكمل عليه ومشينا هذا الكلام كلام واحد كبير
وبديت أخاف منك يامخوفني

[لبشة]

المشاركة الأصلية كتبت بواسطة @ بن سلمان @

السلام عليكم يا لحاضرين
الله يخارجنا وأنا أقول هذا التجمهر على إيش
دوريات وإسعاف
لا والله الا اللي ماله حادي هوالبادي

اذا سألوك وشفيه وعليش الزحمه
قلهم حادي بادي
سيدي محمد البغدادي.

[@ بن سلمان @]

ماشاء الله عليكم
قمتو تسرقون الوقت سرق

[abonayf]

لبشه

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الليله الليله نبا ندهمـك ياصحـرا النفـود=أمالحقنـا خيرهـا والاقطعـنـا شـرهـا
لبشتك زانت يا المشاكس ماعلى ليلك شهود=وان كان لك فالأمر حيلة برّ روحـك برّهـا [/POEM]

مشاكس

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الليله الليله نبي نكويك يالقلب الرقود =حتى جنان الخلد ماتحلم فيوم تمرها
ماني بخابرك انت راعي مرجله وحلال جود=لكن في عينك نجيب المكحله ونذرها[/POEM]

لبشه

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لوماتجاوزت المحاذير وتعديـت الحـدود=والبقشة اللي فوق راسك ماقدرت تصرها
ماكان فرجنا علاك الواقفين مع القعـود=يا قلب يابارد علومك من سعتك تجرهـا [/POEM]

مشاكس

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]الظاهر انك يالملابش جيت بالقلب الحقود =لكن من حظك نفعت اللي بغيت تضرها
واليا لقيت القيده ابرك مكانك يالقعود =واحسب حساب اللقمه القشرا قبل تجترها [/POEM]

لبشه

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]النارشبّت في القلوب وحرّقت قلـب الحسـود=تراك ضريت القلـوب اللـي بغيـت تسرهـا
من هو زبون اللي بضاعتهم حلاوة راس عود=خلك وراهـا يازبـون اللـي حلاهـا مرهـا [/POEM]

مشاكس

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]مادامت انك يالملابش تحت حكم ابن السعود =أحفظ حدود الديره اللي مغتذي من برها
ماشوف لي في طرقتك مصلوح يامال الزهود =وش عاد لي فالناقه اللي مايبين درها [/POEM]

لبشه

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]احسب حسابك في المطيح اللي يجي بعد الصعود=لوصدت لك وحدة على الماشي ثـلاث تغرّهـا
أيامكـم جتنـي بكـم وانتـم مبدّلـة الجلـود=اللي ضمر من بردها واللي صلخ مـن حرّهـا [/POEM]

مشاكس

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تضحك لك ام قرين وتواعدك وتخلف الوعود =وانته تشيِّل لك فسبحه مانت عارف سرها
ارفع عيونك وانتبه فخيالها برق ورعود=أخيال مقبل يب يغطي برها مع بحرها [/POEM]

لبشه

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]هلا بحمّاي المواقف والعلم فـوق العمـود=لله درّ الموقـف المصـعـب ولله درّهــا
تحسبك عنها في خلا تسرح وتمرح ياحمود=ماتدري انك لقمة لـدود القبـور وذرّهـا [/POEM]

مشاكس

[POEM="font="Simplified Arabic,4,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]لولاك في مرقابها لاذبحك يالثلب الشرود =وان كان لك حيله بعد هاليوم بله ورها
لا تحسب ان صدورها مقبول من بعد الورود =وان كان مايعجبك علمي قوم خيلك سَّرها [/POEM]

[@ بن سلمان @]

المشاركة الأصلية كتبت بواسطة لبشة

اذا سألوك وشفيه وعليش الزحمه
قلهم حادي بادي
سيدي محمد البغدادي.

شاله وحطه وكله على هادي
لا والله الا شر مستطير
طاح سوقك يالمشاكس

[سنا الهجرة]

المشاركة الأصلية كتبت بواسطة مشاكس

شاعرية متألقة يا سناالهجرة
يكفيك هذا الشطر
ماني بحمل السموم ولا هبوب الشمال
وكمل عليه ومشينا هذا الكلام كلام واحد كبير
وبديت أخاف منك يامخوفني

بصراحه حيرتني معاك مشاكس وكلامك عسك

أما الشطر هذا من قصيده قالها الشاعر المغمور سنا الهجره في فخامة الرئيس بوش ونجاد الفارسي لعلي أنزلها لاحقاً

[@ بن سلمان @]

المشاركة الأصلية كتبت بواسطة سنا الهجرة

بصراحه حيرتني معاك مشاكس وكلامك عسك

أما الشطر هذا من قصيده قالها الشاعر المغمور سنا الهجره في فخامة الرئيس بوش ونجاد الفارسي لعلي أنزلها لاحقاً

سنا الهجرة
نعتبره وعد واجب النفاذ

[سلطان الثبيتي]

شاعرين قويين
دخولكم
المحاوره
زاد من حماسها ومحبيها
مشاكس
والله اني معجب فيك
وابعزمك
في منتدى العتبان
الهيلا
الله يحييك
وابيك تاخذهم واحد واحد
بيعجبون فيك وبشاعريتك
وروح الدعابه لديك
لبشه
مافيك حيلة
شاعر والله شاعر
ومتمكن

[سنا الهجرة]

المشاركة الأصلية كتبت بواسطة @ بن سلمان @

سنا الهجرة
نعتبره وعد واجب النفاذ

من غير شر يا بن سلمان وأنت طال عمرك تامر امر

[لبشة]

المشاركة الأصلية كتبت بواسطة سلطان الثبيتي

شاعرين قويين
دخولكم
المحاوره
زاد من حماسها ومحبيها
مشاكس
والله اني معجب فيك
وابعزمك
في منتدى العتبان
الهيلا
الله يحييك
وابيك تاخذهم واحد واحد
بيعجبون فيك وبشاعريتك
وروح الدعابه لديك
لبشه
مافيك حيلة
شاعر والله شاعر
ومتمكن

سلطان
لاتاخذ المشاكس لين اصفي حساباتي معه
تراك تبلش معي بلشة مالها حل
بعدين نسيت اقلك مشششششششكووور على المروور.