جوله في بلاد الفرنجه( والعياذ بالله)

[ابو نشقه]

جوله في بلاد الفرنجه( والعياذ بالله) جوله في بلاد الفرنجه( والعياذ بالله) جوله في بلاد الفرنجه( والعياذ بالله) جوله في بلاد الفرنجه( والعياذ بالله) جوله في بلاد الفرنجه( والعياذ بالله)

هانحن ذا عدنا ( اموت على المفردات مو مفردات منقاش )

يقوم بدور ابو نشقه الممثل العالمي ( روبرتو دانيرو) ويقوم بدور قزوز منسم الممثل العالمي ( ال باتشينو)

ويمنع مشاهدة الفيلم لمن هم اقل من 55 سنه



مع بداية كل عام يشن اعضاء ( شركة دجو في الشوارع الوطنيه ) حملات منظمه للوزارات والادارات الحكوميه والشركات المساهمه والمؤسسات الاهليه بحثا عن الغنائم( وظيفة حارس امن او مامور سنترال او سكرتير واذا ضحكت لك الدنيا تفوز بوظيفة معقب او سواق باص واذا عطست الدنيا في وجهك كالعاده ترجع بخفي حنين واحتمال ان حنين ياخذ خفيه وترجع حافي القدمين.
وتروح سنه وبعدها سنه وانا وقزوز منسم ( راح اختصر الاسم لقزوز بس) نرجع لشراريب العايله صناعه كوريه .
قبل منذ كم سنه كنا على موعد انا وقزوز على جلسه في الخط الدايري ماغيره لمناقشة بعض المواضيع المستجده في المنتديات ( فلان فضح فلان ... حسن عابد كتب قصيده جديده ... ابو منقاش ماسكينه يهرب عمال ... حمار ابو منقاش يهرب مخدرات على الحدود اليمنيه ...... غنم رويعي الغنم ماتت من المتصدع وهكذا)

لما وصلت لقزوز وجدته يجلس وحيدا وكان الجو ( شديد البروده صيفا حار شتاء ممطر طوال العام) وكان قزوز شاب نار وقاعد يشوي ابو فروه وبراد الشاهي يغلي سلمت على قزوز وجلست ارشف معه قليلا من الشاهي السيلاني ماركة ابو وزه

كان قزوز حزين جدا ويتافف بكثره وهذا دليل على ان الدنيا عاطسه في وجهه بقوه قلت له بشر ياقزوز عساك لقيت وظيفه طبعا قزوز مارد على سؤالي والسكوت عند الرجال يعني الاستمراريه ويختلف تماما عند النساء فالسكوت عند النساء يعني( ياريت يابابا) اقول تكفى لاعاد تشرح .

قال قزوز تصدق يابو نشقه انا افكر اهاجر لامريكا يقولون ان امريكا وظائفها كثيره وفلوسهم واجد وش رايك تهاجر معي؟ طبعا انا رفضت رفضا قاطعا وقلت له ( ودي تيقي ياراقل؟ نسيب الخط الدايري وطعوس عشيره عشان حتت وذيفه لاقت ولا راحت؟ ياراقل ده كلام بئى؟ ) ( طيب يامحمود المليجي على غفله)

بعد اسبوع من هذا المؤتمر سمعت ان قزوز راح لبلاد الفرنجه المسماه امريكا والعياذ بالله وكان هول الصدمه على نفسانيتي شديدا ( طيب يالسمؤل) ولذلك نظمت قصيده قلت فيها:

جاني خبر في غرفتي قيل بركود قزوز منحاش عن هذي البلادي
قلت السبب؟قالوا مهبول وعليه زود على هباله مختفي من ليالي
رجعت فكري والبال شبه مشغول وش نحشه لامريكا ياحيف حالي

بعد هذا الخبر ضاقت بي الدنيا لان الدنيا من دون صديقي قزوز مثل الايسكريم من دون سكر مثل السمك بدون تونه مثل الانترنت من دون ايميل وبعد مده استطعت ان اتمالك نفسي واجمع شتات عقلي( راح فيها(ماوكلي) فتى الادغال جا واحد ينافسه في البلاغه)

بعد فتره بدات تجيني رسايل على الجوال من دون رقم ( هاي ااااي ميس يو تو ماتشش)
وفي يوم من الايام رن هاتفي الجوال ( اخصمك اه اسيبك لا) نغمة الجوال ..... وعندما اجبت رد علي واحد يقول ( هاي ابو نشقه وينك يا guy أي ميس يو تو ماتش) كانت سعادتي لاتوصف كاني وجدت وظيفه بالمرتبه الثانيه بمسمى محصل او كاني سمعت خبر وفاة حمار ابو منقاش سالت قزوز عن احواله قال( ابشرك براذر ام فاين انت وش حالك؟)

قلت له ( تنشد عن الحال حالي كيف ماشفته سو باد قول لي انت لقيت وظيفه؟)
قال لي ( يس براذر انا موظف في شركه كبير انا مانيجر)
بعدها طلب مني قزوز اني ابيع الددسن واعلن افلاس شركة دجو واسافر لامريكا خصوصا انه وعدني انه يستقبلني في المطار ويشغلني عنده معقب وفعلا بعت الددسن لدحيم الاحول واخذت معي سجاده وتنكة تمر وربع حاشي وكرتون رز عشان ناكل هناك.

جاني دحيم الاحول بالددسن عشان يوديني المطار طبعا انا حلفت عليه مايتعب نفسه بس الرجال أصر انه يوديني ( وطبعا انتم عارفين ان اصر يعني الح لا هي اصر لاهي الح لا هي اصر لا هي الح ) اقول اخلص .

كان الحضور لللمطار الساعه 11 والا قلاع الساعه 1 وماهي الا سبع ساعات حتى اعلن الموظف ان الطائره ستتاخر تسع ساعات المهم طلعنا الطياره الساعه الرابعه عصرا اليوم الثاني.....

حطت الطائره في مطار الملك جون كينيدي الدولي بنيورك واعلن المذيع عن سلامة الوصول اول مانزلنا لقينا سرا طويييييييل عند الجوازات وماهي الا دقائق حتى وصلت عند موظف الجوازات ابتسم في وجهي وقال ( باسبورت بليز) واعاد لي الجواز بعد ثواني وهو يبتسم ويقول( ثانك يو)

انا كنت واثق بما لايدع مجالا للشك( اموت يالفصحى) اني ساقابل شخص لابس شورت لنص الفخذ وفنيله علاقي ونظاره شمسيه في الليل ومعه ( قير فرند) واسمه قزوز منسم
خرجت لصالة الاستقبال واخذت ابحث عن شخص بتلك المواصفات مادريت الا اللي خامني ( يعني ياخذني بالحضن على غفله) وقال ياهلا والله بخويي ابو نشقه بعد ان دققت طويلا بالشخص وانا فاغرا كشرتي سمعته يقول انا خويك قزوز منسم غريبه( الرجال متستر وجاي يستقبلني لحاله جعله الماحي)

ركبنا السياره ومازالت دهشتي حائرة داخل اعماقي ( راح فيها تركي الحمد قال اديب قال) كنت اتوقع ان قزوز ماجاب قير فرندته لانه مستحي مني بس ليش يستحي ؟ على طول سالته ( وين مونيكا؟) قال من مونيكا؟ قلت القير فرند حقتك قال ومن قال لك ان عندي قيرل فرند؟ قلت انا توقعتها من دون ماحد يقول لي عاد وحنا في الطريق شفت اراضي كثيره قلت له ليش اراضيهم ماعليها شبوك ؟ قال لي ليش الشبوك؟ قلت له ماعندهم مستثمرين يشبكون الاراضي ويبيعون مخططات؟ قال لي لا قلت له ياخوي ماشفت احد عند الاشارات يبيع مناديل وسفر ولا شفت احد يدخل دماغه مع القزاز يشحذ ويسعبل على ثيابك؟ قال ياخوي وش هالاسئله اللي مالها داعي؟ في تلك الاثناء وانا اراقب السيارات تجاوزتنا شاحنه كبيره وكانت نظيفه وصحيه ( هذي مناديل مو شاحنه) مو مثل الشاحنات اللي عندناقبيحه وشكمانها يطلع دخان اكثر من بركان ( ساو مون تاو) في الفلبين( اتحدى واحد يقول مافيه بركان بهالاسم في الفلبين).
قال لي قزوز اقول اليوم مسوين لك عشا ( ياحبي لك ياقزوز مسوي لي بارتي؟)
قلت له اكيد بتجي سوزان قال من سوزان قلت له صديقة مونيكا قال من مونيكا؟ قلت صديقتك قال لي بعد ان استشاط غضبا ياخوي وش قصتك انت مجنون؟
بعد ماوصلنا البيت قال لي روح نام قلت له انا جاي امريكا انام؟ اعطني بس بخاخ تلوين لونه ازرق قال لي تلوين؟ ليش؟ قلت له باكتب ذكرياتي اعطني البخاخ وروح نام قال عندك البخاخات تحت المغسله الله يعطينا خيرك.........

طلعت من غرفتي لقيت واحد اصفر اشقر قاعد مع قزوز قلت لهم هاي قايز قالوا وعليكم السلام ورحمة الله وبركاته عاد انا جا على وجهي كل الالوان قال يعني راز وجهي وباحييهم بالانجليزي قال قزوز هذا سمير كنداسه عربي عايش في امريكا
ابو نشقه : افاااا؟
سمير: نعم؟؟؟
ابو نشقه : قصدي هلا والله انت من وين؟
سمير: انا من بنسلفانيا ليه؟
ابو نشقه : والنعم والله انتم قحاطين؟
قزوز : من هم اللي قحاطين؟
ابو نشقه: فخذ قبيلة سمير بن سلفينيا عيال عم بني زيد وكلهم يرجعون قحاطين
قزوز : المهم ياسمير هذا خويي ابو نشقه وامس جا من السفر)
سمير : اهلين ابو نشئه ( كرهت اسمي) شو مالحقت تتفسح هون بامريكا؟
ابو نشقه : أي اتفسح انا ماتعديت سور المدرسه اللي باول الشارع
سمير: على طاري المدرسه شفتوا شو حصل ؟
قزوز : وش حصل؟
سمير: سيارات الشرطه عند المدرسه ويحققوا مع الناس كلهم يقولوا ان فيه واحد كاتب كتابات رسومات مجهوله على جدران المدرسه
قزوز : رسومات لايكون شعارات عنصريه ضد العرب

سمير : لا لا انا شفت الشعارات هي كلمات عربيه ماددقت فيها بس قريت كلمة مثلث البياشيه في قلوبنا ولقيت مكتوب فليسقط شباب القمريه وليسقط منقاش وحماره ومكتوب ددسن في اليد خير من شبح في التشليح ومكتوب اذا جار الزمان ولم تروني فهذا خط يدي فتذكروني وكل الكتابات باللون الازرق .

بدأت بعد ذلك العيون تنظر باتجاهي وطب علينا بوليس نيويورك المهم انه واحنا راجعين في الطياره انا وصديقي قزوز منسم بعد طردنا من بلاد الفرنجه سألني قزوز منسم سؤال وجيه جدا قال لي : اقول البراد اللي كنا نسوي فيه شاهي الوزه في الخط الدايري بعد موجود؟

يستفاد من القصه

ياشين كبسة الحاشي اخر الليل

[منقاش]

يارفيقي يبو نشقه : عجزت لا أفهم علومك ,, لكن أبغي أسعلك عن اللي فهمته ولا عرفت معناه
قلت أنك لقيت في ألمطار سروال طويل عند الجوازات,,,, وش تقصد بالسروال الطويل , وويش طرحه من راعيه؟؟ وليش جوازات في المطار وقصور الافراح والاستراحات على راس من يشيل ؟؟؟.
بعدين مونيكه من أي ألقبايل ؟؟ ومتزوجه والا بعد؟؟ وظنك ترضى تزوجني عساها تسلم على يدي واكسب أجرها ؟؟.

[أبو عبدالرحمن]

حرام حرام ياجماعة...
أرشحك لجائزة الجاحظ في العلوم الانسانية التي تنظمها الفلبين

أضحك الله أسنك

[حسن عابد]

ابو نشقه هلا حياك الله طيبين جاكم مطر علو م اخبار شاهرة ظاهرة قصص رائعة لكن منقاش ماكمل القصة زي العادة

[النتيف]

لا والله إلا الحمد لله على السلامه يا أبو نشقه انت واقزوز

وأنا أقول ماعاد فيه دوريات تدور في الطريق الدائري أثاريك كنت مسافر

بس وانعم فيك رحت ورجعت لنا اقزوز يا كذه الأخوه والا بلاش

[ابو نشقه]

شكرا لكم على المرور

يامنقاش يابو الشباب سلامة النظر يالله حسن الخاتمه انا كاتب ( سرااااااااااااا طويل مو سروال اي سراويل يابو الشباب انت مايجي تفكيرك ابعد من مؤخرة الحصان اللي معك في الصوره؟ هعهعهعهعهعهع ( ترى هذي ضحكه مو تكريعه)

[منقاش]

ابو نشقه : المعذرة فقد توسعت معك في المزاح فقد ظننتك بالحلقة ألأولى صديقا لي من محبي الطرفة , ثم تبين لي لاحقا عدم صواب ظني ولكنني أردت مواصلة المزاح مع اخ ظننته مثلي .
على كل حال فقد أضفت حرفا في كلمه وتظاهرت بحهل معنى الثانية عن عمد لأستحضار روح الفكاهة وما يلائم شخصية منقاش البدوي الغشيم المراوغ الذي يحاول أن يستغفل غيره ويقع في شر أفعاله , وعلى أعتبار أن الفكاهة والتنكيت تحتاج الى هكذا أسلوب .
الخلاصه :ما كل من صافيته لك قد صفى , وسامحني فلم أقصد جرح مشاعرك فقد كانت بداية مزحي معك على أعتبار أنك أحد معارفي ممن أمون عليهم ..

[abonayf]

ماحصل خير قصدي حصل خير كلا يصلح سيارته

قصه فريده والخلاصه مدري المرقه مدري وش سميتها في اخر القصه تنم عن وعي مدري صديد بالامور الاداميه اقصد الادميه يعني الانسانيه

[الحجاج بن يوسف الثقفي]

الله يسامحك يابونشقه مالقيت الا قصتي انا وياك
بالله علم لهم عن المصرقع يوم رحنا نزوره في السجن

[ابو نشقه]

افااااااااااااااااااااااااااااااااا منقاش يزعل مني؟ مااعتقد

بشرك الله يامنقاش بالحق واللي يرضيك ان كان جا زله والا علوم مختله ( شوف الكلام مو قصايد حسن عابد) منقاش ياخوي انت طالع الرصيف وصادم العسكري اللي عند الاشاره و لا وقفت الا عند فندير اللي في طريق الهدا بمعنى( انت فاهم غلط )