كلنا شخص واحد

[abonayf]

صوره شعرية جميله لم تدع لمستزيد من زيادة

مايدنّس ثرانا كل غاوي وعايل
دونها ارواحنا وقلوبنا مستريحة

نعم مستريحه فقتلانا في الجنة وقتلاهم في النار ونحن على ألسنه وهم خونة الأمة

لم يخب ضني بان أجد ابا عادل في قصيده ترقى بنا وبمتصفحينا إلى ما يستحقه الوطن
لك جل الشكر والتقدير على إبداعك المتجدد .

مسألة التنسيق سنحاول ان نجد مايتوافق وطلبكم ولكن لا اعدكم بشيئ فالنسخه القديمه قد لاتتوافق والتطوير الجديد لنسخة المنتدى ( البلص ).

[صقر قريش]

صح لسانك

[admin]

المشاركة الأصلية كتبت بواسطة ابو عادل

ملحوظة للإدارة :

منسق القصائد الشعرية السابق أفضل من الموجود حاليا
ياليت ترجعونه

شكرا لكم

سلمك الله يا ابو عادل
بالعكس المنسق الجديد أفضل وأسهل وأجمل .فقط يحتاج معرفة الخصائص الجديدة فيه .وتنسيق القصيدة كذلك .
http://www.thomala.com/vb/showthread.php?t=46877&page=3

لاحظ رد 29 والبقية

[سنا الهجرة]

صح لسانك ملايين يابو عادل .. مشاء الله عليك ابداع ليس له حدود

وانت خير من يمثلنا في مثل هذي المواقف

وبلا شك هذا لساننا جميعا لكل معتدي


لا عدمناك شاعرنا الرائع

[أبو علي]

الله اكبر يا ابا عادل ، نورت المنتدى ، واشعلت ناره .

انت با بو عادل القمر في ليلة نصف الشهر ،انت يا بو عادل قمر خمسةعشر وكل الشعراء حولك كواكب ، مااجمل هذه القصيدة وما اروعها لو قيلت على خط النار لجنود بواسل لزادتهم بسالة وقوة ، اعجز في مدحك ولست مبالي فيما يقوله الحساد انت انت .

[بن داخل]

المشاركة الأصلية كتبت بواسطة ابو عادل

السلام عليكم ورحمة الله وبركاته

كل عام وأنتم بخير وعافية وإلى الله أقرب.

[poem="type=1 bkcolor=#33CCCC color=#000000 font="bold x-large 'Traditional Arabic', Arial, Helvetica, sans-serif""]جدّ جِدّ القصيد وشبّ روس الفتايل =وهلّ برقه وهلّت به مزون القريحة[/poem]

[poem="type=1 bkcolor=#33CCCC color=#000000 font="bold x-large 'Traditional Arabic', Arial, Helvetica, sans-serif""]

هاج بحره على شاطيه صايل وجايل=لاقصيدي رخيص ولاهجوسي شحيحة
كان باح الصبر غيره حلول وبدايل=تعدل اللي تجرّا والحمى يستبيحه
آخر الوقت تطمعنا سروح القوايل=لاوستين كلاّ ياالوجيه القبيحة
منكرين الجوار وناكرين الجمايل=لاردعهم ضمير ولاهدتهم نصيحة
باعوا نفوسهم للي تطف المكايل=دجّنوهم وساقوهم مساق الصطيحة
مايدنّس ثرانا كل غاوي وعايل=دونها ارواحنا وقلوبنا مستريحة
مادريتوا باهل بيشة وعرعر وحايل=واهل طيبة ونجد وكل بقعة فسيحة
ومنعة أم القرى والا السراة ومحايل=من نواها بمكر امسى وهو في ضريحه
كلنا شخص واحد من شعوب وقبايل=نردع المعتدي وننزّله في مطيحه
لوتقوم القيامة ماغدينا ذلايل=نطبق الطاق والبارود جنب القديحة
ماعليكم مخافة ياكرام الشمايل=أعلنوها على الغاوي ثمانين صيحة
ولعوها عليهم من يمين وشمايل=واتركوهم كما المتردّية والنطيحة
من تطاول ومدّ ايده لجمر الملايل=ماتجيه ايده الاّ من لظاها جريحة
ومن تعدّى حدوده ذاق مرّ الهوايل=وانتهت به تحت نصب القبر والصفيحة
أشبعي ياسباع البرّ قوم الفعايل= قدّموا واجبك وافي ذبيحة ذبيحة
"الله أكبر" على الخاين عديم الدلايل=رددوها على راسه عبارة صريحة

[/poem]

ابو عادل
صح لسانك على هذه الرائعة
التي في اعتقادي أنها تمثل ما يجول بخلد
كل مواطن همه حماية هذا الصرح الشامخ
الصامد في وجوه أعداء الله وصموده بفضل الله
عز وجل

[ابوسيفين]

صح لسانك يابو عادل ، ومتى يكن القصيد إذا لم يكن في مثل هذه المواقف بيّض الله وجهك 0

[شاهين]

بيض الله وجهك يا ابا عادل تتكلم بلسان كل مواطن غيور يتمنى ان يكون في الجبهه

[ابو فهد]

صح لسانك ابو عادل

[سنا الهجرة]

المشاركة الأصلية كتبت بواسطة admin

سلمك الله يا ابو عادل
بالعكس المنسق الجديد أفضل وأسهل وأجمل .فقط يحتاج معرفة الخصائص الجديدة فيه .وتنسيق القصيدة كذلك .
http://www.thomala.com/vb/showthread.php?t=46877&page=3

لاحظ رد 29 والبقية

بالعكس يا ادمن >>> المنسق القديم أفضل بكثير من هذا ..

لكن أمرنا لله اذا ما فيه حل ..

هذا فيه مشاكل كثيره .. ومنها على سبيل المثال لو سويت معاينه تشوفه تمام وبعد ما ترسل القصيده تلاقيه تغير .. وفي حاله الاقتباس كذلك يتغير وخاصةً البيتين الاولى

كذلك كبر الخط اللي ما يعرف له يجعل المتصفح ممل حينما يعرض اكثر من اللازم .. وغيرها من مشاكل