محاورة بين بن داخل وحسن عابد(معدل)

[حسن عابد]

[quote=ابو امجد;54318]حوالينا ولا علينا

والله العلم بحر

ياحليف اخويه حسن عابد لايخشك خوف من يمي تراى ابو امجد هوايته في الحياه المشي بجوار الحيطه بس لاتكون مايله

ابيض وجه يابو امجد لكن ان شفت الحيطة مايلة علينا عدلها تراك تقدر

بعدين ياخي اعتذر عن اخوك اللي مكر عليه عسى الامور تهدأ قبل الاجازة ودنا نروح نتمشى والناس راضين علينا

بس ماتشوف ان ابو عادل هو اللي مولع النار

[المشتاق]

يا حسن وقعتوا وما احد سما عليكم
واللي انا استغرب له زهور الى الحين ساكته
هل هو السكوت اللي يسبق العاصفة
معوضين يا ال عابد خير في حسن والله انه كان رجال طيب
لكن الله يرحمه جنا على نفسه وعلى بن داخل

[@ بن سلمان @]

فيكم من يذكر الله ( لا اله الا الله )
فيكم من يصلي على رسوله ( صلى الله عليه وسلم )
انا ماني راعي فتشه لكن العلم اللي دار بين حسن عابد وبن داخل علم ما ينسكت عنه واللي يبدي لي من العلم ان بن داخل رماها مزحة وحسن اخو عبيدالله رجال اخذ العلم على وجه , وهذه هي زلة حسن والا بن داخل انا عتبت عليه ليه تجيب طاري بن عزاب فقال لي ان بن عزاب عارفه وراعي مبدا واذا اطريت اسمه في ابياتي ابلقا لها صدى وسمع مع الناس وما دريت ان حسن مشفي على بن عزاب وان صدره يفيض من غيض .
المهم ان ودكم بصلحة ودفعة قيل وقال انت يا بن داخل وحسن عابد كل واحد يحط له 500 ريال في يد ابو امجد واذا قال لي انها وصلت علمتكم بالباقي .

[الشيهان]

اول الهرج لااله الا الله محمد رسول الله صلى الله عليه وسلم

ياحسن عابد ياحليف اخويه انشاء الله اني ادفع الشر بعد الله عنك وعن غيرك لكن اذا وصلت مرابيط الحمير (( حمار منقاش ماهو منها لانه ماعنده سالفه لاهو ولاراعيه ))
اقول اذا وصلت هنيا يايديني فكي حلقي واللى يتعرض للبلاوي لايقول الله بلاني

وما انت يامشتاق يامال النهبه خلك على( زيت سمسم) ولا تدخل بين القبايل صحيح انك بشتوني بس علوم العرب ماتعرف لها وانا عارفك محرش ومدور للفتنه

علمك والله يا بن سلمان علم شيوخ مافيه كلام
ترى بن داخل حط المعدال عن نفسه وقال ابشروا باللى تقلونه بدون فتشه واما حليفه ما جاني منه علم لين هذي الحزه

وبن عزاب جاني اليوم في البيت بعد صلى المغرب معنا في المسجد وهو ضايق (( بينفقع )) من القهر وقال شوف يابو امجد اما عرب تعطوني خاتمه والا والله ليسمع القاصي والداني بالنتايج

عزالله اني هديت على الرجال وراح من عندي بعد حلف ما يذوق لقمه والشر في علابيه والله يستر من تواليها

[بن داخل]

روح يابو امجد
فصل وانا البس
بس الاوله والاخيره فراس حسن عابد
اللي فضح بن عزاب

[المشتاق]

ماشاء الله تبارك الله عليك يا بن داخل
عارفة وتاخذوتعطي مع الرجاجيل
وعسى الله يهدي ابو علي ويرجع عن العلوم اللي في راسه ودامه ما هو قد بن عزاب ليش اللبش معه
وينك يا زهور تبدين وتاخذين حقك بلسانك

[بنك المعلومات]

اللهم اجرنا من الفتن
ماظهر منها وما بطن

[أبو علي]

هيههههههه يا ضباعين قفوا عند حدكم وانتبهوا حسن عابد راعي علم غانم وعلومه بدت لنا وعذره وصل امام الله وخلقه .
وحسن استعد بمنصوبه وعذرناه لحيث ان العلم وبورته عندكم ومن طرفكم وفتشوا انفسكم واياكم والصولات والجولات اللي والله ما تمشي علينا ، اليا ذلحين واحنا نطالبكم تعتذرون ما نبي منكم غيرها لحيث انحنا عارفين انه ما بجينا منكم اكثر من العذر شي

العلم سمعتوه ، اوحيتوها ، عانوني علمتكم ،

[@ بن سلمان @]

يا عيال عمي يا الاد داخل
انفضوا الفراش في وجه بن عزاب
لن طعتوني دام هذه علومه ماله الاعقال يلين ظهره

[abonayf]

ابيض وجه يابن عزاب

عذرت ومثلك يعذر وحسن يستاهل وبقي ان يبدي بن داخل بعذره وطلب السماح اما حسن ففاز بها
نتابع ونرى ماينتهي عليه الامر