|
|
|
|
رقم المشاركة : ( 1 )
11-02-2006
|
|||||||||
|
|||||||||
كيف تصبح شيخ قبيلة في ثلاثة أيام
كيف تصبح شيخ قبيلة في ثلاثة أيام كيف تصبح شيخ قبيلة في ثلاثة أيام كيف تصبح شيخ قبيلة في ثلاثة أيام كيف تصبح شيخ قبيلة في ثلاثة أيام كيف تصبح شيخ قبيلة في ثلاثة أيامقصة أعجبتني كثير ا طوبلة لكن حلووووه كان يا ما كان كان هناك شخص يدعى علي بن لبدان المهم علي بن لبدان هذا كان كل امنياته في الحياه انه يصير شيخ قبيله وهالزمن ياكثر الشيوخ لكن ما فيه مقومات وما احد بيعطيه مجال لان الشيخة لها ناس واخرهم علي بن لبدان بعد ما يأس من الشيخة في قبيلته قال يا ولد انا بافصل لي ( جنبيه+خنجر) زي حقت الشيوخ واكتب عليها الشيخ علي بن لبدان المشكله ما فيه دراهم قام باع الغنم كلها علشان يفصل (الجنبيه+خنجر ) (الحلم) فصل الجنبيه وكتب عليها: الشيخ علي بن لبدان قاتل ميه ومعتق ميه علشان الشيخة تكون على اصولها المهم طق في الارض بعد ما باع كل شي علشان هذي الجنبيه هائم على وجهه لا فرس ولا حتى حمار ولا قليل ولا كثير ومشى وابعد عن ديرته بعيييييييييييد المهم من كثر التعب جلس تحت شجره ونام خ خ وهو نايم الا ويشوفونه مجموعه رجال جوا قربوا منه وبدون ما يحس طالعوا فيه طالعوا في الجنبيه: الشيخ علي بن لبدان قاتل ميه ومعتق ميه الله يكفينا شره هذا( ماهو بسيط يهبا)!! هذا مطلوبنا هذا اللي بيحل مشاكلنا المهم صحوه برفق لانه شيخ وقاتل ميه يعني الدفاشة ما تنفع معه المهم قام الشيخ علي ..... خير وش فيه!! (من الخوف طبعا) هم : لالا ابدا بس قلنا تتفضل عندنا هنا يا شيخ علي هو: هاااه الشيخ علي .... طيب طيب ..زين ok (اول مره يسمعها في حياته) هم : تفضل تفضل ياهلا ومرحبا والله المهم راح معهم قهووه وغدوه وريح وقيل عندهم وقالوا له روس القبيله عازمينك الليله على العشاء وطلبناك ان تقول تم قال: تم تم المهم اجتمعوا وتشاوروا قبل ما يجي الشيخ المزعوم ويوم جا وتعشى واللي عليه بالخير قالوا له العلم سلامتك حنا قبيله ضعوف ما عندنا فارس ولا عندنا شيخ وقطاع الطرق ذبحونا ما يمر يومين الا وهم داخلين عندنا ياخذون اللي يبغون من حلا لنا وحنا لا حيله ولا بصيره لمعت عيون الشيخ علي من الفرح قالوا له اسمع حن بنحطك شيخ لنا كلنا طبعا الشيخ علي ( على طول قال انا موافق) (حلمه القديم) قالوا بس فيه شروط الشيخ علي يتمتم :انا لله وش شروطه؟ طيب وش شروطكم قالوا فيه ثلاثه اختبارات ان نجحت فيها تاخذ الشيخة وان ما نجحت فما لك عندنا الا ضيافه ثلاثه ايام الشرط الاول : اختبار الفروسيه والقتال الشرط الثاني : اختبار الشجاعه الشرط الثالث : اختبار الذكاء المهم فكر الشيخ علي شوي وهو عارف ان ما فيه ولا شرط ينطبق عليه قال يا ولد خلني استفيد قدر المستطاع على الاقل اذا جاء اختبار الفروسيه اخذ من عندهم فرس واحط رجلي قال لهم انا موافق قالوا اختبار الفروسيه بكره جهز نفسك جاء اليوم الثاني قال انا جاهز قالوا له نبغاك تقاتل قطاع الطرق وترهبهم علشان ما عاد يرجعون لنا وتاخذ بثارنا قال طيب بس ابغى فرس متعوده على الكر والفر قالوا جاهزه والسلاح جاهز بعد طبعا الرجال عمره ما ركب خيل قال ابغاكم تربطوني على الفرس ربطه ما تنفك ( لزقة يعني) ركب الفرس وربطوه ربطة الشر اخذ سلاحه قال: وينهم قال في الجهه الشماليه قال طيب وراح يوم ابعد وهو يفرك جهه الجنوب عكس الاتجاه يعني ومشى الا والله ان قطاع الطرق قدامه ويوم تشوفهم الفرس وتقول بسم الله وعليهم والشيخ علي يحاول ينزل يمين شمال يحاول يوقف الفرس ما فيه فايده رايحه لهم رايحه وهو مربوط ربطه شينه وهو يطالع الا شجره قدامه ويوم وصل جنبها وهو يتمسك بها مضبوط لكن الربطه كانت اقوى وهو يقتلع غصن كبيييييير ويوم شافوه قطاع الطرق وبيده الغصن الكبير هذا وطريقته في اقتلاع الغصن انجنوا وخافوا منه وسلوموا واستسلموا قالوا هذا الداهيه عزا الله بيذبحنا كلنا ( يهبا هو) اللي قلع ذاك الغصن وراعي هذا الهجوم الخاطف ما لنا الا نستسلم يوم شافهم الشيخ علي مستسلمين قال : يالله يا كلاب واحد منكم يربط البقيه والا والله لاذبحكم ذبح النعجة المهم ربطهم كلهم وسحبهم وراح للقبيله وهم قدامه مربوطين زي الغنم ويوم شافوا القبيله قطاع الطرق مربطين قالوا : عزا الله شيخ ولد شيخ ويفكون الرباط اللي مربوط فيه على الفرس ويهنونه ويكرمونه ويريح الشيخ علي وهو يقول: في نفسه راحت الفرس ورحت انا فيها جا اختبار الشجاعه قالوا له : فيه اسد دايم ياكل حلالنا ونبغاك تقتله قال: هااااااه اسد عدلوا بدلوا قالوا : اسد قال : طيب اتركوني عليه بس ابغى فرس بس غير الفرس هذي ما تنفع له يبغى وحده حبيبه (كديش) ( ما هي حقت مشاكل ) قالوا : طب وتخير يا شيخ علي المهم لقي وحده هناك شكلها ضعيفه مالها في المشاكل قال : هذي قالوا: يا شيخ علي هذي تعبانه ما هي حقت كر وفر وانت بتقابل اسد قال : انتوا تعلموني الكر والفر وبعدين من هو اللي بيقابل الاسد انا والا انتوا قالوا : خلاص يا شيخ علي انت ادرى المهم اخذ الفرس التعبانه ويوم يبغون يربطونه قال : لالالا (خايف من الورطه القديمه) كل معركه ولها طريقه اخذ الفرس الحبيبه هذي وتوكل قال لهم : من وين الاسد هذا اللي يطلع لكم قالوا : من الشرق قال : طيب خلاص ازهلوه والله لجيبه من ذيلة ويوم ابعد وهو يروح غرب مشى عكس الاتجاه وهو يقول: قالوا اسد مجنون انا؟ اللهابو هالوجيه !!! (من عندي هاذي) ومبسوط من الفرس تمشي على اقل من مهلها مشى الرجال الى ان تعب وهو يشوف ذاك الشجره الكبيره قال: اريح هنا شوي المهم ربط الفرس وطلع هوه فوق الشجره ونام شويه الا والاسد محضر عنده الله لا يوريكم الشجره هذي بالذات محل ما يتكي الاسد أما الفرس من يوم ما شمت ريحة الاسد وهي تحط رجولها وتعود لاهلها والشيخ علي نايم في سابع نومه نام الاسد والشيخ علي ينقلب ويطيح على ظهر الاسد وينفر الاسد لكن الشيخ علي من كثر الخوف تمسك مضبوط لانه عارف انه لوطاح انه بيروح فيها ويحاول الاسد يطيحه يحاول لكن الرجال متمسك مسكه خواف يعني متسمر فيه (مسكة عمى يعني ) ويحاول الاسد يطيحه يمين شمال ما فيه فايده الرجال مسمر ولا هو ناوي يفكه المهم وبينما الصراع (صراع من اجل البقاء) قائم بين الشيخ علي والاسد القبيله هناك بعد ما رجعت الفرس عرفوا ان الشيخ علي تعرض لمكروه وهم ينفرون كلهم ويلحقونه ويجون الا والله الشيخ علي متمسك بظهر الاسد والا سد يحاول يطيحه ويجي واحد من القبيله ويقتل الاسد ويطيح الاسد ويموت والشيخ علي متسمر فيه ويجون عنده الا وهو زعلان مررررررررره قالوا الحمد لله على السلامه يا شيخ علي قال : الله لا يسلمكم الله لايسلم هالوجيه قالوا: ليه قال: من اللي قتل الاسد قام واحد وقال: انا قال: ولعنه ...الله لا يوفقك قالوا ليه ؟؟؟؟؟؟؟؟؟؟؟؟؟؟؟ قال: انا كنت قاعد اروضه ابغاه ركوبه لي وتجي تقتله حسبي الله عليكم المهم اعتذروا منه وتسامحوا منه والرجال يسامحهم وياخذونه ويرجعون على القبيله ويعشونه ويحتفلون به الفارس العظيم مروض الاسود المهم هو يفكر يقول : راحت علي الفرس لانه عارف انه ما بينجح في اختبار الذكاء لان ما فيه مجال للحظ في هذا الاختبار جاء موعد الاختبار النهائي اختبار الذكاء المهم جابوا قدر كبير وحطوا نصه عسل والنص الثاني الله يكرمكم معش ياجماعه القصه كذا ( دمن حق الغنم ) (بعر ) وغطوها وقالوا : يالله يا شيخ علي تقدر تقول لنا القدر هذيك وش فيها المهم الرجال قعد يفكر في وضعه لانه عارف انه ما راح يعرف لو ايش مايصير يفكر كيف الكرم اللي كان فيه والامجاد اللي عاشها اليومين اللي راحت مع هذا القبيله اللي نادوه باغلى اسم عنده وهو الشيخ علي فكر فكر وكيف بيكون وضعه بعد ما يروح من عندهم وهو يتكلم مع نفسه وهو يتزفر زفرات من قلبه ويتحلطم وبدون ما يحس طلع من لسانه جزء من الشي اللي يفكر فيه قال : اللي اوله عسل اخره ( بعر ) كلهم صاحوا : صح صح جبتها يا شيخ علي نشهد انك شيخ ولد شيخ !! وهم يحتفلون به وهو ما يدري وش السالفه الا بعد ما فتحوا القدر واخيرا تحقق حلم الشيخ علي واصبح شيخ قبيله عليه القيمه!!! 
|
|
11-02-2006
|
رقم المشاركة : ( 2 ) | ||
|
ذهبي
|
رد : كيف تصبح شيخ قبيلة في ثلاثة أيام
ياهلا يافؤاد
انت وش فهمك في علوم الشيوخ ياطرطشلي لا تزعل مزوح تجي وتروح الله ياشيخ يوسع صدرك مثل ماوسعت صدونا مشكور |
||
|
|
|
11-02-2006
|
رقم المشاركة : ( 3 ) | ||
|
ثمالي نشيط
|
رد : كيف تصبح شيخ قبيلة في ثلاثة أيام
أيش هذا ياولد .ياولد .ياولد
بصراحه شيخ يافؤاد |
||
|
|
|
11-02-2006
|
رقم المشاركة : ( 4 ) | |||
|
موقوف
|
رد : كيف تصبح شيخ قبيلة في ثلاثة أيام
اقتباس:
وترى واحد تعرفه شاهد فيها ونبغاه الموضوع المميز حتى أشد حيلي واجيبلكم حاجات أحلى |
|||
|
|
|
11-02-2006
|
رقم المشاركة : ( 5 ) | |||
|
موقوف
|
رد : كيف تصبح شيخ قبيلة في ثلاثة أيام
اقتباس:
كيف ؟ أعجبتك لا تفكر تكون شيخ قبيلة خلك سادس بدل خامس 
|
|||
|
|
|
11-02-2006
|
رقم المشاركة : ( 6 ) | ||
|
المشرف العام
|
رد : كيف تصبح شيخ قبيلة في ثلاثة أيام
مشكور يا ولد العم على هذه القصة الطريفة
|
||
|
|
|
11-02-2006
|
رقم المشاركة : ( 7 ) | ||
|
مراقب
|
رد : كيف تصبح شيخ قبيلة في ثلاثة أيام
مشكووووور يا طرطشلي
قصة رااائعة يا شيخ فؤاد |
||
|
|
|
11-03-2006
|
رقم المشاركة : ( 8 ) | |
|
مساعد المدير
|
كخخخخ :p كخخخخ
أنت وش قصتك ياطرشي التشرشلي مره تبغى تصير مشرف ومره تبغى تصير شيخ ايييييه الله يعينك بس |
|
|
|
|
11-03-2006
|
رقم المشاركة : ( 9 ) | ||
|
شاعر
|
رد : كيف تصبح شيخ قبيلة في ثلاثة أيام
مررررررررة حلوة
شكرا |
||
|
|
|
11-04-2006
|
رقم المشاركة : ( 10 ) | |
|
مشارك
|
رد : كيف تصبح شيخ قبيلة في ثلاثة أيام
بارك الله فيك الحقيقة قصة رائعة جداً
بالله تكثر لنا منها يمكن يمر يوم ونصبح شيوخ ههههههههههههههههه |
|
|
|
 |
| مواقع النشر |
|
|
المواضيع المتشابهه
|
||||
| الموضوع | كاتب الموضوع | المنتدى | الردود | آخر مشاركة |
| رسالة جوال قد تصبح كافرمنها انتبه | الأمل | الــمـنـتـدى الإسـلامــــــــي | 3 | 10-13-2006 04:54 PM |
| حملة القرآن ثلاثة | بَنتْ الأصَآيلْ | الــمـنـتـدى الإسـلامــــــــي | 4 | 04-16-2006 04:55 PM |
| كيف تصبح محترفاً في إيجاد الكراك أو السيريال لبرنامج تريده ؟ | ابوعبدالهادي | منتدى الكمبيوتر والأنترنت | 1 | 03-13-2006 01:06 AM |
| :: ثلاثة x ثلاثه :: | ابووسام | الــمـنـتـدى الـعـام | 3 | 01-21-2006 09:49 PM |
| كيف تصبح ناجحاً في عملك ؟ | ابوعبدالهادي | الــمـنـتـدى الـعـام | 3 | 01-20-2006 01:48 AM |
 |
 |
 |
العرض العادي
