منقاش حلال ألعقد / الحلقه الثالثه.

[منقاش]

منقاش حلال ألعقد / الحلقه الثالثه. منقاش حلال ألعقد / الحلقه الثالثه. منقاش حلال ألعقد / الحلقه الثالثه. منقاش حلال ألعقد / الحلقه الثالثه. منقاش حلال ألعقد / الحلقه الثالثه.

ما ظنيت أن أحد فيكم نسي ويش سار في الحلقتين اللي راحت ؟ , ولا أظن أحد منكم نسي ألليل ألأقشر وما سرى فيه على المقاشير أللي عشوني الجحيش, وكلبي اللي شلح سراويلهم وثيابهم حتى أصبحت قطيع في السياح وخلاهم في هاك الليل الأظلم لهم غويث مثل ألضان الضايعه ؟؟... والحقيقه , يا ليتني ما لقيت يوم أصبحت ألا عظامهم ..
المهم ,, أتركونا منهم , أنا رجال قلبي طيب وأكره ألشماته والتشفي ولا أحب الهرج في الناس حتى لو كانوا أنطس الناس مثل اللي على بالي وهم يعرفون أنفسهم بدون أسميهم ,, وكما يقول المثل , لا تهزأ بدبرة حمار تجي في ظهرك ,, واللي جاهم هناهم .. بس يا حسافه , آه يا كلبي آه اللي ما تعشيتهم وريحت البلاد والعباد منهم ..
نعود لموضوعنا .. بعد الليلة أم المشاكل والجحيش سرحت صبيحتها مع شقة النور ونصيت حليفي راعي السواني وعلمت له بكل علومي ثم قلت له : يا رفيقي يقولون أنك في جهلتك يوم كنت غاوي درست كم شهر وضيعتها في القرايه ,,, صحيح والا أنا غلطان ؟؟, رد عليه : مثلك ما يغلط ياشيخ منقاش ,, صحيح في جهله مني وفضاوه قريت ثلاثه أشهر بالوفى والتمام ما تنقص ألا سبعين يوم ..
قلت : فيها البركه يا راعي السواني,,, بس ياليتك تدللني على الدروب اللي ما توثمني مع ربي ولا تنقدني مع القبايل , وقصرها ويش أعطي لليهود من فلسطين وويش آخذ منهم ؟؟,,, رد عليه : بس يا رفيقي يا منقاش , ترى ما بقي معي من هاك القرايه والخرامط ألا تلاطيش هروج ما أظنها تبي تقضي غرضك وتجاوب على سعالاتك اللي جيتني من شانها , لكن هيا بنا على ساري الليل اللي تنحط فتاويه على الجرح ويبرى , واللي قرى على يد فقيه سنتين وزود ..
رديت عليه : ساري الليل اللي حرامي مصبح تبينا ندور عنده فتوى ؟؟ ,, رد عليه راعي السواني : أنت تبي علمه والا عمله ؟, قلت لا بالله نبي علمه ,,, قال , أجل هيا بنا ننصاه لكن خذ معك دهان سير للرجال حتى تيسر الفتوى..
أخذنا معنا عكتين واحده سمن والثانيه عسل جابها لي ابن داخل هديه ليلة عشوني الجحيش , ثم ضوينا على ساري وسلمناه الهديه وعلمنا له من على فراشه , وطلبناه يفهمنا ويش الحلال من ألحرام بخصوص الصلح مع بني أسرائيل .. قال ساري الليل : الله يحيكم من يوم مشيتوا ألين جيتوا ,,, وانا تروني ما أحب أصكك كل البيبان , يعني أخليها على وزن سددوا وقاربوا .. بس يا منقاش أنت ما قلت لي تبي الفتوى بالدين والا تحبها بسلوم العرب والقبايل وقلة الدين ؟؟ . قلت : كلها عساني فداك , حتى أن ما مشت واحده تمشي ألثانيه ..
رد عليه ساري وقال : شوف يا طويل البقا والسلامه , بالدين ما يجوز لك ومحرم عليك تنازل لليهود لوعن شبر واحد من فلسطين , ولا يجوز لك تنازل عن حق كبير ولا صغير للفلسطينين المشردين ,,, يعني تقدر تقول يا عيال عمنا يا بني أسرائيل , أنحشوا , كل واحد فيكم يحزم عفوشه وياخذ مرته وورعانه وعلى أول سفينه يعود فيها للبلد اللي جا منه , وكل ما يبقى وراكم ولا تشيله سفينه الركاب معكم خلوه تعويض للمشردين الفلسطينيين ,,, يعني اللي من بلاد الطليان يعود للطليان واللي من ديار رعاة البقر يعود عند البقر واللي من ديار ألنصارى يعود على ألنصارى والا من ديار المسلمين يعود لديار المسلمين واللي من فلسطين يبفى في فلسطين ,, وترى ما يجوز لك تحابيهم والا توادهم والا تواليهم والا تغمز وتهمز معهم والا تظلمهم ,, خلك عادل وخل ولاك لله ولرسوله وللمسلمين وأعطهم اللي لهم ولا تجاملهم في اللي عليهم ,,, وأن شفت بني صهيون معصعصين ويلون في الحبال كما عادتهم عود دربك على ربعك وتفاهم مع ولد حياة موسى وابن عباس أن كان يبون فلسطين يلمون القبايل ويسرون عليهم في ليله ظلماء غاب قمرها بعد يشجعون العربان ويعلمونهم أن هذي فرصه للي منهم يحبون التسري بالأماء..
رديت عليه : هب يللي ما تخاف الله ولا في قلبك رحمه ... طيب , وان ما مشت هروج السعه هذي اللي تعلمني بها وانت متكي يبو بيبان مفتوحه؟, وراك تعسرها وتنشبها في الصفاه ؟؟ , ترى أن ما عدلت فتاويك رايح أرتد العكتين اللي أعطيتك أياها قبل قليل ...
رد عليه ساري وقال : وسع صدرك حتى تخلص الفتوى ...نعم لها حل بقلة ألدين وسلوم العرب وعليها يعطونك اليهود جايزه مسكته كما لو تقول يبشبشونك بملايين يحطونها في حساب باسمك في سويسره , ويشيخونك على ثقيف , ويدفونك في أول الصفوف حتى تظلي يا منقاش تهرج من راس خشمك وتشوف الرجاجيل مثل الذبان ,, يعني يا منقاش أذا بغيت ترمي بالطفر وراك سدد وقارب , وارخي لهم الحبل اذا شدوه منك , وشد عليهم اذا أرخوا لك , حتى يرضون وتلاقون أنت وياهم في نص الطريق ,,, وترى ألأرض لله واعطهم اللي تبي ,,, وديار العربان وتربانها وسيعه وما أكثر منها ولا يضرهم أن راح منها وصيله ,,, وعندهم مسجدين ولا يضرهم أذا راح ألثالث ..
رديت عليه : أما هذي يا ساري فهي قريبه من المقصود وأظنها هي اللي تبي تمشي معي ,,, واحب ازيدك من الشعر بيتين واقول ترى المساجد ماهي أثنين تبقى ويروح الثالث ,,, لا , بلاد ثماله لوحدها فيها مساجد كثيره بعضها مصكوك .. والديار اللي خليان موحشه ولا فيها شباب الضو كثيره , وكما يقولون , جنه بدون ناس ما تنداس ,,, وهذي جنبك عوارش وعلق وشث وتالب فاضيه ونقدر كان نعطيها للي يبيها والحسد ما فيه خير..
رد ساري وقال : بس يا منقاش ترى عمرو ولد حياة موسى ومحمود ولد حياة عباس موافقين على قلة الدين ولا هم مغلوبين لا يتممون علمهم لكن ناقصهم كبش فداء ,, رديت عليه وقلت : ويش تقول ؟, وويش قصدك ؟؟. رد عليه ساري وقال : أنت يا منقاش ذكي بس حمار أذكى منك في السياسه ,, العرب كلهم واولهم محمود ولد عباس موافقين على قلة ألدين , وتراهم جوك وكبروا براسك ومرسلينك يبونك تروح لليهود وتنازل وتعطيهم اللي ما هو لهم وبعدها يقولون هذي سواة منقاش ويبعدون أنفسهم عن الملامه وتجي في راسك لوحدك يبو العوينتين ,, يعني يحطونك على سير يسير بك حتى تلقى مصير السباعي والسادات ,, وهي كلها ما تزيد عن شهر والا سنه بالكثير ويرسلك أبو الهول والا أبو نضال أو حماس والجهاد الى الدار ألأخره ومعك حميرك , وتروح فيها روحة فقير اليهود اللي لا متاع في الدنيا ولا جنه في الآخره ..
بعد فتوى كبش الفداء فتحت عيوني وصحيت واعتدل عقلي وعود في راسي , وقلت : كثر الله خيرك يا مفتينا , لا بالله وش نبي بقلة الدين , ولا عاد أبغي ألا فتوى ألدين ,,, وأنت يا راعي السواني تكفى تبلغ أبن موسى وابن عباس أني مصخن وبطني يمشيني واخاف لا يكون عندي فنزويلا الطيور واعدي الناس , والا أستاثم اذا شفت نساء بني ألأصفر ..
ثم قول له يدورون غيري مثل رويعي الغنم وابن داخل والعمده وابو تركي وابو عادل وابن عزاب وابن سلمان وابو نشقه وابو عبدالرحمن والنتيف وابو أمجد وابو خالد ,, ويا ليت يسرعون ويرسلونهم كلهم دفعه واحده حتى يتعاونون,, أما أنا فلا عاد أسمع هالهروج , ويا يديه فكي حلقي وثوبي ما عاد ياسع ألا أنا , وسلامتكم ...

[أبو عبدالرحمن]

عجيب منك يا منقاش..

بعد ما توجه بك العربان تتنصل منهم بهذه الطريقة..

على الأقل كمل المهمة وشوف العلم منهم...

لكن على العموم كنترايلز صاحبتك ستجيبك من تحت الأرض..

[ابو عادل]

والله يامنقاش فاتك لمع الفلاش والبحبحة على الفراش وطيب المعاش ورجعت بلاش ومقعدك على الخياش.
لكن أقلك اش رايك تعطيني علق ياشيخ منقاش واعط حسن تالب وبن داخل شثّ وخذ اللي تبغا
ولك بدل العكة عكتين عكتك العافية لين تعكعك.

[@ بن سلمان @]

لا والله ما هو هن ساري الليل
بس لا يكون مدهون سيره وهو اللي عيفك في العلم
عموما مثل ما قال ابو عادل ضاعت عليك
وضاع على عيالنا بكره يقرون في التاريخ سيرتك وعلومك مع بني صهيون

[الحجاج بن يوسف الثقفي]

مقاش انت ماتسيبك من البكش

[منقاش]

ابو عبدالرحمن : مشكور اللي جيت الى عندي ,, أما المهمه ما أبغيها ونهايتها أروح ضحينها ..
ابو عادل : مشكور اللي زرتني ,, لكن ما تكبك من العكننه والعكعكه , والتاريخ أن فاتني ما تبي تفوتني الجغرافيه ,, الله بس يسامحك ويهديك ...
ابن سلمان : مشكور اللي طليت عليه ,, أما ساري الليل فهو مهيلة الهوايل , ان بغيته في العلم عالم لكن ما يمشي ألا بدهان سير, وان بغيته في النصب نصاب وحرامي , وان بغيته في السياسه والبلاسه شيطان , وان بغيته يجيك منه خير أطلبه يكفيك شره ..
أقزوز منسم : وينك يا راجل ؟؟ فقدناك ولك وحشه ,, وودي أسعلك سعال : ليش نزلوك من الشرافه وحطوا أبو خالد ؟؟ , ترى هذي مالها حل ألا تاخذ معك كم واحد وانا مستعد أذا رغبتم أكون معكم ونمسك أبو خالد ونكتفه بقياد الحمار ثم نلهوسه بالحريق ولا نفكه حتى يتعهد ما عاد يزاحمك أنت والبرشلوني ...

[بن عواض]

سلمت يا منقاش وسلمت علومك انا اشهد انك شيخ ما تروح في العلوم البايرة لله درك .

[abonayf]

منقاش
سلملي على ساري الليل وقله ياخوفي من تواليها مانلقى مانفاوض عليه اصلا

كنت اتمنى لو ذهبت الى ابناء العمومه اليهود وكشفت لنا بعض الخبايا من هناك انما ارى ان حبك لحمارك وخوفك تفقده جعلك تتوقف انما خيرها في غيرها .

الجد
نحن بامس الحاجه لمثل هذه القصص الملغمه بكثير من الحقائق واعلم انك اتبعت مثل هذا الاسلوب لما لاحظته من الابتعاد من قبلنا عن قراءة المواضيع ذات الطابع الجدي اشد على يدك واطالبك بالمزيد .

[الشيهان]

منقاش الله ينقشك بالعافيه

وش بلاك حارة حميرك مع حمارك وفركت زند في زند
انت لو كان مشيت شوي وتمشيت وتعدلت في الديار ولو ماحصل لك الا تزور شرم الشيخ كان فله وعلوم زينه وبعدين اذا رحت ورجعت فاضي ترى منت اول واحد صف في الطابور مع الصافين

بعدين حلوه فنزويلا الطيور شكلك تبغى تزعل الواد الطيب الاليف هوقو شافيز على ماهو معصب من ضيوفك السمر

[الحجاج بن يوسف الثقفي]

تكفى يامنقاش
انا داخل على الله ثم عليك
انك ماتتركني
وانا تراني عصلك اللي ماتعصاك
خلنا نجلد ابوخالد ايلين نواسيبه الارض
تكفى ترى تكفى تهز منقاش