(العرضة)التعشير ـ شرح وتفصيل ـ

[منقاش]

يا ثماله , أذا أختلفتم في شيء فردوه الى الشيخ منقاش بصفته كبيركم كافه , وبعد :
السلام عليكم ورحمة الله وبركاته , والله يمسيكم بالخير جميعا ,, وبيض الله وجهك يا شيخ صادق , ووجه أبو عبدالرحمن , ووجه راعي السواني, ووجهي , ووجيه كل الرفاقه والعواني , أما ما قبل :
يا ربعي , واضح وضوح الشمس رابعة النهار بالتوقيت الغروبي , وعاشرة النهار بالتوقيت الزوالي , أن التعشير ما يمكن يتسمي به المعراض ألا من باب المجاز في حالة التهوين من قيمة المعراض أذا قورن بالرمايه .
وواضح بعد الردود اللي جات أن حذف كلمة التعشير والا بقاها ما عاد يغير في الواقع شي بعد وصلت الرساله للقراء , وبعد فهموا الفرق بين الرمايه والعرضه والتعشير.
وبعد كل هذي الواضحات , أرى أن بقاء العنوان بوضعه الحالي , ((العرضة)التعشير ـ شرح وتفصيل )) , جايز في بعض سبول القبايل , وجايز مع الكراهه في سبول قبايل ثانيه , ومستحب حذفه (التعشير) في بعض المذاهب القبليه , وفي بعض المذاهب يوجبون حذف التعشير على ألأقل من باب سد الذرايع , حتى لا يجي يوم من ألأيام واحد من ألأجيال الجديده , ويقول أنا رايح أعشر بدلا من رايح أعرض .
بعباره ثانيه , خلوا مشرفنا العام يفكر , ويسوي اللي يبي في العنوان طالما أن النقاط أنحطت على الحروف , وأنا أعرفه لأني رئيسه المباشر في أدارة هذا المنتدى اللي جاب لنا الصداع يالمشرفين .
أعرفه الله يخليه , راسه صليب وعنيد أذا عودت للعناد , ويطلب مني دايم أني أعطيه ألأمر على هيئة أقتراح حتى يتقبله , وأكيد زاد عناده بعد تهديدي له بتنزيله من الشرافه وتسليمها لأبو سيفين تحت أشراف بدر الدجى , لأنه لا أبو سيفين ولا ابو عبدالرحمن ولا أي مفتول شارب غيرهم يقدر يدير المنتدى يوم واحد بدون أشراف وتوجيهات بدر الدجى وعرعرة المنتدى .
ولو أني أعرف في قرارة نفسي أن حليفي أبو سيفين ما مسوي كذه سويكت ألا لأنه مشتهي ومستحي , ولأنه خايف من ألأعضاء بعد الثوره اللي سبقت رمضان يوم بغيت أسوي بعض التغيرات اللي أجدد فيها الدماء تحت أشرافنا المباشر .
وهذا حال الديمقراطيه على ما قال أخويه الرئيس علي عبدالله صالح , ما يمشي فيها ألا رأي ألأغلبيه حتى لو كان على ضلاله .
ولا يفوتني بهالمناسبه الكريمه توجيه المشرفين وعلى راسهم مشرفنا العام ابو عبدالرحمن بترفيع زميلنا راعي السواني من نجمه لنجيمتين , حتى نرفع معنوياته , ونحليه يدف حماره مع الحماره .
هذا ما لزم بيانه , من ديوان أبو نقشه دام ظله , وعليكم التنفيذ حرفيا بكل ما جاء فيه , والله الهادي الى سواء السبيل , وشكرا ..
التوقيع
الكمله العارفه الشيخ منقاش بدر الدجى وعرعرة المنتدى دام ظله .