هنا المحاورة الشعرية المباشرة بين الشاعر حمّاد الثمالي والشاعر بن داخل

[حماد الثمالي]

[POEM="font="Simplified Arabic,5,darkblue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]فمان الله لعبنا يالسنافي لعبة المقطار=ولكن الهدف ماكل واحد يقدر يصيبه
بعَدها الفين شكراً للجميع اللي هنا حضّار=وسرحان ان تعشى وان تغدى في مراقيبه[/POEM]

أشكر الجميع على رأسهم المشرف العام والمراقبين والذين قد حذفوا بعض المهاترات من بعض الأسماء المستعاره كما أشكر الصفوف على ماقاموا به من تشويق
ومتابعه جيده كما أشكر الشّاعر الكبير محمد بن داخل كونه طرفاً بارزاً في هذه المحاورة
ولنا لقاء
أترككم في حفظ الله

[abonayf]

بعَدها الفين شكراً للجميع اللي هنا حضّار

بيض الله وجهك ياحماد شامخ عالي الهمه كما تعودناك

ادامك الله بخير وسعاده

[abonayf]

بن داخل

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ألا يامرحبا مني براعي الـدار وسـط الـدار=غلـى ووجـوب للـي عندنـا تكبرمواجيبـه
بعد جا بن سويلم ياحليـل السـوق والتجـار=يشيل فالذهب وان طب وسط السوق يشري به [/POEM]

حمّاد الثمالي

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يدوم الك البقا ياللي ترحب والوفا مقدار=وليلٍ يجمع الإثنيـن ياحلـوه وياطيبـه
بعَدها يامحمد مابهـا حيـره ولا تحتـار=ومن عنده ذهب كل العرب قامت تهلّي به [/POEM]

بن داخل

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنا عارفك راعي معرفه منته عديم اشوار=لكن العلـم ياحمـاد ماتغـوى مناديبـه
لياسميت باسم الله تبي تطفي لهيب النار=وبيت المعرفه بابه تحت دبـرة معازيبـه [/POEM]

حمّاد الثمالي

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]يقولون المَعرفه بحور يا كم في البحر بحّـار=ولا هبّ الهوى رحت اتجاهٍ ما انت راضي به
وانا سمّيت باسم الله ولا آ كل زادنا بيسـار=ابا غنّي بطاروقـي وطاروقـك تغنـي بـه [/POEM]

بن داخل

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ليا هبت عوالي بشر اهل البلد بالامطار=ولن هبت صبا قل للعرب ياخيبة الخيبه
أنا وياك في درب السعد نبراه بالانظار=ولا نبغي بعير اهل التهم تندر عراقيبه [/POEM]

حمّاد الثمالي

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]ليا طاح المطر زاد الحيا والجار جنب الجار=ولكـن الصراحـه مابخليـك امتهنـي بـه
وُظن السّلم راس العلم وانته في العلوم اختار=ولاواشيب عين الذيب من ماشاف واشيبـه [/POEM]

بن داخل

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أشوفك ياعميل الخير تردح والعلوم كبار=توقع قبل ضلع طويق لايبدي لكم ذيبـه
عسى باب السلامه مايصكه ذايع الاخبار=ولا يقطع حباله من يشيل الشر في جيبه[/POEM]

حمّاد الثمالي

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]كشفنا الخطه اللي في الظلام وشعّت الانوار=وعلمٍ تدّعي به صعب ماتقدر تمـاري بـه
زمان العولمه كلاً طلع سطح القمر بأقمـار=وراعي المركبة في رحلته مليون ترحيبـه [/POEM]

بن داخل

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنا خايف تواليها تعود تنرمـي فشهـار=ويقلون العرب هذا جزا من زاد تحسيبـه
زمان العولمه مانته محصل فيه لك مشوار=لكن ادرى على بيت الاسد مادام له هيبه [/POEM]

حمّاد الثمالي

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]تطمّن ياطويل العمر بيت الليث ماينهـار=مادام الليث يسرح دوم في بيته ويضويبه
ولن رحنا ولن جينا قطعنا قطعة المنشار=يعلمك الزّمن ياصاحبي كثـرة تجاريبـه [/POEM]

بن داخل

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أنا خوفي يجي لليث طير من السما طيار=ولا يدري عنه الا بعد تنشب مخاليبـه
بعدها مايفيد اليا قرعنا طبلـة الانـذار=ولا ينفعك ياحماد من تقـرى مكاتيبـه [/POEM]

حمّاد الثمالي

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]عسى الله لايحيي اللي سواة الثعلب المكّـار=يطول الوقت والا ينقصـر مانـي محييبـه
واكيد المعركه ماهي عسل والمر زاد امرار=يابو سنّين ماهـي ثابتـه ماغيـر تركيبـه [/POEM]

بن داخل

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]أكيد المعركه ماهي كما المقعاد قلب الغـار=ولن حاف الزمان صويحبي تكثر مصاويبه
تمسو بالوفى والخير والتقديـر ياحضـار=عسى حظي مع اهل الجود ماتنقص مطاليبه [/POEM]

حماد

[POEM="font="Simplified Arabic,5,blue,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black""]فمان الله لعبنا يالسنافي لعبـة المقطـار=ولكن الهدف ماكل واحد يقـدر يصيبـه
بعَدها الفين شكراً للجميع اللي هنا حضّار=وسرحان ان تعشى وان تغدى في مراقيبه [/POEM]

[abonayf]

كانت ليله من افظل الليالي برفقة شاعرين كبيرين

بن داخل ... حماد الثمالي

نتمنى ان نشاهدهما بمحاوره قريبا على صفحات هذا المنتدى

والى لقاء قريب مع محاورة جديده

نستودعكم الله

[أبو عبدالرحمن]

حقيقة أول محاورة أجدها بهذا الطول وهذا النفس الجميل...

عساكم على القوة.. وبيض الله وجوه شعراءنا الكبار...