منقاش الطماع الارفل / الحلقه ألثانيه.

[منقاش]

منقاش الطماع الارفل / الحلقه ألثانيه. منقاش الطماع الارفل / الحلقه ألثانيه. منقاش الطماع الارفل / الحلقه ألثانيه. منقاش الطماع الارفل / الحلقه ألثانيه. منقاش الطماع الارفل / الحلقه ألثانيه.

اللي ما ذاكر وتحفظ الحلقه ألأوله يرجع يقراها ويكتبها في قرطاس عشر مرات ويبلها ويشرب مويتها حتى يقدر يفهم الحلقه الثانيه يا مال النجره اللي تنجركم ,,,, المهم , سرى بكاش من بيته على نحله وحمله في سياره , وغبيش في حزه غاب شاهدها وهو عندي ومعه ميتين وثلاثين خليه مليانه نحل وعسل ,, قلت في نفسي ألحمد لله على هالرزق اللي جاء الى على حدي حلال زلال بدون لا عناء ولا تعب ,,, هاثم حطيناه في المكان اللي أبيه ثم ودعته وأنا في خاطري أقول: جيت برجيلاتك يوم الله جابك يا بكاش يبو ذبان .
ثاني يوم أرسلت على جيراني بعزيمه للعشى , وجوني كلهم ألا أبو هاشم ما جاء حتى رحت جبته بنفسي ,,, أثر الرجال حزنان وخاطره كسيرعلى ثوره , وبطنه أمشاه من القهر وثاير يبي يشرب دم بس ما يعرف غريمه .
بعد تعشوا جيراني على جذعين وتقهووا بثيت عليهم علومي , وقلت : ماهي ألا سلامتكم يا جيراني ورفاقتي وعزوتي ,,, هذا ثور ولد عمنا أبو هاشم سار أحول وتعبان بين الحياه والموت, وان عاش يبي يعيش عيشة الزهداء وما له وجه يمشي بين ربعه الثيران بدون قرون ,,, والسدره اللي كانت مالية الوادي وظلها مادي قصمت ,,, وعنز ألأجودي رويعي ألغنم اللي كان ضرعها مليان وسخيلها شبعان ومرويه أهلها لبنان أنشوت حتى تفحمت في عرض الجبل ,, وكل هالمصايب جاتنا من هلامه واحد في وقت واحد , وهو بكاش وفي ألوقت اللي جانا فيه لا عاد من وقت يوم وطي بكراعينه عساه بالكسار في طرف أوديتنا , والرجال ترونه عيان و أذا أعجبه شي صفقه بعين مثل البندق,,, واليوم هانت مصيبتكم وجات في معزاكم وثيرانكم وبكره تكبر وتجي في وريعينكم ونسيوناتكم .. والزبده أن بكاش يبي يمحقكم بعينه أن كان ما تحشون سيقانه من على حدود أقدامه حتى ما عاد يسير علينا ولا يطب أوديتنا ..
تعزوا أبو هاشم وقام واقف واختلع القداحي من معلاقها في الحده بعد قلع الوتد وحلف ليسري على بكاش ويذبحه ذبحة السخيل ,, وزاد ثار بعض الخبلان اللي في المجلس ,, وبالكاد أهديهم لا يسرون على الرجال ويقتلونه في بيته وسط ورعانه ..
قلت أسمعوا يا من حضر : بعد جات عين بكاش في الحلال وسلموا العيال هانت ,, وانت يبو هاشم أن مات ثورك الجماعه يبون يرفدونك تشتري بدال الثور ثورين ,,, وثورك اليوم زرته وشفته من عيونه منسم , بس خلي السعه في بالك ,, وبكاش أبحتال عليه ألأسبوع الجاي حتى يجي الى على حدكم برجيلاته , واذا حطيتم أديكم فيه لا تسمون عليه وامرغوه مرغه العير حتى يتوب باقي عمره ما عاد يعتب على حلالنا وديارنا ,, بس تكفون لا تقتلون الرمه ونبلش في دمه ,, عوقوه وخلوا ضربكم من حدود الخصايه والكسور والفكوك والمشوع والفتوق والخلوع وجاي , وكما يقولون : فجعة ألذيب ولا قتلته ,, أهمها نبغي ألذعيره اللي تردعه ما عاد يفكر يجينا ,, واذا أرسل علينا بكاش أحد يطلب الخاتمه نلبسه تهمه ما عاد يمشي بين الرجال بسببها ,, وانتم تبارك الله ما شاء الله وعيني عليكم بارده كثيرين فيكم اللي يبي يدعي ومنكم اللي يبي يشهد...
ما غلقت كلامي ألا وأبو عادل وابن سلمان وابو أمجد وابن عزاب وحسن عابد فزتهم وقوف وناصيني في متكايه , كانوا ينكبون عليه ويسلمون على راس خشمي ..واسمعهم يقولون : يا منقاش أنت شيخ ولد شيخ من منصى شياخه ما هي ذياخه , ونحنا بدونك ما نسوى قشاشه ,, هذا كيد الرجال اللي تعرف تكيد عداها ,,ما نقول ألا تم , تم, وترانا عصاك اللي ما تعصاك ...
الى عند كيد الرجال والعصا اللي ما تعصى نتوقف ,, وخليكم حواليه وقريب مني حتى لا تفوتكم الحلقه الثالثه وحتى تعرفون كيد الرجال مدري كيد الشيطان ويش يسوي براعيه , وسلامتكم ..

[أبو عبدالرحمن]

أنا أشوف ما حصل منك قصور يا شيخ منقاش..

ولا ألوم الجماعة اللي تعرفهم أنهم وضعوك في هذا الصدر ..فهم بدون منقاش ما هم إلى قشاشة..

[abonayf]

شيخ يامنقاش منت هين

وسلم على خشمك ابو عادل وابن سلمان وابو أمجد وابن عزاب وحسن عابد

ياخوفي تكون هذي السلمه وراها علوم يدبرون فيها ونت ياغافل لك الله

[النتيف]

والله ما أنت هين يا منقاش
مدري منهو البكاش فيكم بعد هالعلوم
سرقت حلال الرجال بالحيله وتبي تقوم ربعك عليه
الله يسترنا منك ويكفينا شرك بس

[راعي السواني]

يا منقاش أني لك من الناصحين توقف هالثرثره اللي ما أحد يبيها ,, والدليل شوف الرجال خاصرتك ولا ترد عليك ولا حتى يقرا لك الا قليل بعد ماضيك المزدهر قبل تهاجم حلفاك اللي بعضهم مدحك بالشعر وبعضهم بالنثر .
هذي عاقبة الغدر وعاقبة الطغوه ,,, كروتك يا منقاش كلها أحرقتها وجاك فالك في ثفالك ...

[@ بن سلمان @]

المشاركة الأصلية كتبت بواسطة منقاش

ما غلقت كلامي ألا وأبو عادل وابن سلمان وابو أمجد وابن عزاب وحسن عابد فزتهم وقوف وناصيني في متكايه , كانوا ينكبون عليه ويسلمون على راس خشمي ....

اسلم على خشمك !!! ؟
وصنكت الغليون حقك اللي فايحة ما تخلي حتى الذباب يوقع على خشمك

[منقاش]

أخواني المشرفين , أبو عبد الرحمن , أبو نايف , ابن سلمان :أشكركم اللي عبرتوني ورديتم عليه ,,, وبعدين ما أنتم معي أن فيه شله تعبانه تعمل ضدي في المنتدى ؟؟, والشله هم ابن عزاب وابن داخل وابو عادل وابو أمجد وابو خالد واقزوز منسم وما فيه فرامل والعمده وابو تركي والمشيلحي وابو هاشم وحسن عابد وابن وافي والمشتاق وابن عواض..
الشله هذي جاني عنهم لبهة خبر أنهم أجتمعوا عند فندق كنترانتمكل على تيس واتفقوا يطنشوني ولا يردون عليه ,, والسبب ,, (والخبر على ذمة راوي ثقه ),, أنهم يقولون منقاش ما نحنا قده , ويد ما تقدرها صافحها والأحسن لا تقابلها ...
لجل كذه الرخوم ما عاد يقدرون يردون عليه .. فأعتبروا يا أولي ألألباب ...
أخويه النتيف : بيض الله وجهك ,,, ونعم ما أنا هين , والدليل هروب الشله لا يردون عليه.
أخويه راعي السواني : بالعكس اللي ما يردون عليه معناها أنهم موافقين على كلامي ,, وتراني ما بخيب ظنك واظن أني بعد أكمل هذي القصه أوقف فتره حتى يوم أعود على ثماله وهم قد نسيوا قصصي ..

[منقاش]

في حلقة يوم الأحد 21/2/1428هـ من ساعة حوار / منقول
كان الموضوع عن:

المرور في السعودية

وكان ضيف الحلقة
مدير الادارة العامة للمرور في السعودية
ومما دار في الحوار :
أن معدل الوفيات في السعودية جراء حوادث السيارات عام 1427 هـ بلغ :

5883 قتيل سنويا أي : 16 قتيل يوميا بمعدل ( قتيل ) كل ساعة ونصف ! !

والجرحى 36000 جريح , أي 100 جريح يوميا ! !

أ . هـ

تعليق :

ما الفرق بين هذه الكارثة وبين ما نسمعه في بلدان مجاورة من مجازر يومية بعشرات القتلى ومئات الجرحى يوميا .

السرعة وما أدراة ما السرررررررررررررررررعة .

( لو أن الاخبار السعودية تعلن يوميا في أخبار المساء : عن مقتل 16 وجرح 100 كل يوم , لهالنا الامر وأقلقنا )

[منقاش]

الصقر السعودي 14-3-2007 15:29 29. / منقوووووووووول


اذكر قصة سارق تسلل الى احد البيوت وفور دخوله الفناء اذا بكلب الحراسه ينهشه ومزق جزء من يده وفخذه ،،، والشرطه تلوم صاحب البيت بشكل منفصل عن قضيه السرقه وذلك لتعدي الكلب على السارق باصابات بليغه .

يقول لهم ياجماعه هذا كلب حراسه وفي فناااااء المنزل

قالوا : ليش ماحطيت لوحه تبين ان فيه كلب حراسه خارج المنزل

قال : احط لوحه علشان يحتاط ويحط للكلب بقطعة لحم مسمومه ؟؟

هذا ماسمعته في احد المجالس قبل اشهر والله اعلم عن صحته .

[ابو عادل]

يامنقاش الله يهديك انته ليش الزعل والحماقة هذي كلها احنا نعرف انك (تزرق الغراب باللومة)
ولكن قابلينك مثلما انته رغم الملح والبهارات والبكش وسبب قبولنا لك انك في المواقف اللي زي هذي رجال ماتعود وتطبق المثل اللي يقول (التخمة ولاغبن الرجال)
نعم يامنقاش هذي ميزتك عارفينك ماتعود نهار الله الله صح والاغلط وتعدي زعيمتك وترفع روسنا والا باقي علومك الثانية (خنبقة) ولاتقول مامعك علم تراني مانسيت الضيوف والمسترفدين اللي تطردهم ولانسيت المرة اللي جيتك ابي منك موقف وشرطت عليه (بسلة)
ولانسيت العوايز والدراهم اللي تستلفها منا ولاتردها واحنا على قول القايل ((مرحبا ياغصيبة)) وش نقول لك وانت شايب وشيخنا .