بالمصري الفصيح

[عثمان الثمالي]

بالمصري الفصيح بالمصري الفصيح بالمصري الفصيح بالمصري الفصيح بالمصري الفصيح

السلام عليكم ..
هناك في أرض الكنانة .. وعلى ضفاف النيل المعطاء.. عند سفح أهرام الجيزة.. حيث يجلس أبو الهول في كبريائه المعهود ..وبينما تلملم الشمس بقايا أشعتها إيذانا بالرحيل .. هناك تحديدا ..دار حوار خيالي ..حوار لكنه بالمصري الفصيح .. بين الحاج (بسطويسي) والعاشق النشيط جدا (Best-1).. فإليكم الحوار ..

Best-1: مساء الخير ..ازيك ياعم الحج..

الحاج بسطويسي : نحمدو .. ازيك يابني يابست ..اعمللك كوباية شاي؟؟

Best-1: انا كويس ..مابلاش الشاي بتاعك ياحج.. اصل طعمو مر زيك..

الحاج بسطويسي : كده برضو ..ماشي ياعم..

Best-1: أومال ولادك فين ياعم الحج..

الحاج بسطويسي : مش عارف تلائيهم عاملين خنائة زي العادة وزمنهم في ئسم البوليس.
.
Best-1: ياساتر .. بؤللك ايه ياحاج .. اخبار الانتخابات معاك ايه؟؟

الحاج بسطويسي : انتخابات مين ؟؟

Best-1: الله ..بئا الدنيا مئلوبة كلها وانته بتؤللي انتخابات مين ؟؟ انتخابات الرئاسة طبعا!!التلفزيزن ومحاطات الإزاعة كلها بتتكلم عن الموضوع ده..

الحاج بسطويسي : آه ..أصدك الريس الجديد .. والله مش عارف منا بأرا برضه في الجرانين زيك ..بس مش فاهم حاجة ..متيجي اعمللك شاي ؟؟

Best-1: لا متشكرين .. سيبنا من الشاي دلوئتي وخلينا في المهم .. انته حتبئا مع مين .. حتصوت لمين ..للريس مبارك وللا لنعمان جمعه وللا مين ؟؟

الحاج بسطويسي : أنا عن زات نفسي حصوت لروبي ..

Best-1: ايه !! روبي مين ياعم .. ايه جاب سيرة روبي دلوئتي ؟؟

الحاج بسطويسي : مهي بتعمل زيهم برضه .. بتتكلم كتير وبترئص الشباب والجمهو بيسئف ..

Best-1: آه ..حلوة دي منك ياحج. بس الجماعة برضك عاملين شغل كويس .. برامج اصلاح وخطط اقتصادية وديمقرطية .. وكلام حلو..

الحاج بسطويسي : والنبي متجبش سيرة الديمقررطررط بتاعتك دي اللي ماتتسماش..اعمللك شاي ؟؟

Best-1:أولنالك مش عاوزين شاي .. وبعدين هيا اسمها ديمقراطية ياحج ..بزمتك مش عاوز تبئا زي الامريكاني ياحج ؟؟

الحاج بسطويسي : بيست مابلاش الاشتغالات بتاعتك دي اللي بتشتغلني فيها كل مرة والتانية ..امريكاني امريكاني .. لحسن بالمطوة دي وأطع نفوخك حتت حتت ..

Best-1: ياساتر ..الشر برا وبعيد ياحج.. انا أولت آخد رأيك بس في البرامج الانتخابية..

الحاج بسطويسي : يابني البلد عايزة فلوس .. مش عايزة كلام ..الناس مش لائية تاكل يابني يابست.. ونته تؤللي برامج ومش عارف ايه .. اعمللك كوباية شاي؟؟

Best-1: والله مش عايز شاي .. بس مش حلو ياحج العالم كلها عايزين ديمقراطية.. وانته كل همك الفلوس ؟؟

الحاج بسطويسي : الفلوس هيا اللي بتعمل بني آدم في الزمن ده .. آديك انته يابست ..مش آدر تتجوز ولا تفتح بيت .. اتنيل ياعم ..وخلليني أعمللك شاي والنبي؟؟

Best-1: عاملني شخشيخه وبتتمسخر فيا ياحاج .. متشكرين ..

الحاج بسطويسي : يابني الناس اللي بتتكلم دي وتؤللك اصلاح وكلام فارغ.. بئا بزمتك حتجيب فلوس منين .. كللهم بتاعين كلام .. ببيعو الكلام من الجره زي الفول المدمس ..

Best-1: آآآخ منك يا حاج .. الواحد مبيطلعش منك بحاجه .. خلاص اعمللنا الشاي بتاعك وخلينا نعدل دماغنا ..

الحاج بسطويسي :مفيش سكر ..

Best-1: مفيش سكر يعني ايه؟؟خلاص نشربه ساده ..بس شاي تلئيمة والنبي ..

الحاج بسطويسي : ومفيش شاي ..

Best-1: أومال عمال تؤللي شاي شاي شاي من الصبح وانته معندكش شاي ولا نيلة ؟؟

الحاج بسطويسي :شايف يابني .. أهو ده بالزبط اللي بيحصل في البرامج الانتخابية

Best-1:مفهمتش ياحاج .. أصدك تؤول ايه ؟؟

الحاج بسطويسي :منته غبي .. وحتفضل طول عمرك غبي .. ياعم عنك مافهمت..

Best-1: ياعم رووح ..رووح شوف ولادك اللي في الئسم .. عمركو مش حتبئو ناس ..

الحاج بسطويسي : انته لو مرحتش عن خلئتي حخللي ليلتك سودا .. وبعدين لو مفهمتش يمكن بئية العشاء بتوع لبنان يفهموا..


وبعد اعزائي .. كان هذا حوارا خياليا .. وأما نشوف حتفهموا زي ما آل الحج وللا لا؟؟

بااااااااااااااااااااااااااااااااااااااااااي
Best-1
..