الدرس الثالث من دروس منقاش عن التراث / الذريه / الجز ألأول

[منقاش]

الدرس الثالث من دروس منقاش عن التراث / الذريه / الجز ألأول الدرس الثالث من دروس منقاش عن التراث / الذريه / الجز ألأول الدرس الثالث من دروس منقاش عن التراث / الذريه / الجز ألأول الدرس الثالث من دروس منقاش عن التراث / الذريه / الجز ألأول الدرس الثالث من دروس منقاش عن التراث / الذريه / الجز ألأول

بسم الله الرحمن الرحيم
من الدرس ألأول اللي سبق الثاني واللي قبل هذا ألدرس بدرسين عرفتم أن ألدياس يستمر حتى يتحول القصيل الى تبن ناعم وينفصل الحب عن سنبله ويتحول باقي السنبل لسفا ,, والى هالحد ما قربك حب (بعد ضايع في وسط التبن ) ,,,, ويا صعبك يا لقمة العيش , ويا طول مشوارها حتى تصل لفم آكلها , من بذره مدفونه الى نبته تحتاج لوقت وجهد وماء وعنايه وحمايه ثم صرام ودنا (نقل) للجرن ثم دياس لفصل الحب من سنبله ثم ذريه لفصل الحب من تبنه .
ثم الحب يحتاج لرحى تطحنه حتى يصبح دقيق ثم عجن وحطب وشبوب نار ومصالاه وطهي حتى يصل للأفواه ,,, يا سبحان ألله على صنعه والحمد لله على يسره ,, سنه من سنن الله في الحياه ,, وقصه عجيبه يستمر باقيها (بعد دخول اللقمه للفم) نعرف عنه القليل ونجهل عنه الكثير ولا يقدر يفصل لنا بعض اللي يسير فيه الا مختص مثل طبيب والا غيره.
أما درسكم الثالث هالليله عن الذريه كما تعرفها ثماله وباقي ربعها من ثقيف وحلفاها من قريش وهذيل وبعض جيرانها من هوازن ,,, الذريه (بتشديد وفتح الذال وكسر الراء وتشديد وفتح الياء) : هي رفع التبن الى مستوى الراس (قامه) بكفوف المذري وهي مجتمعه ومبسوطه حتى روس ألأصابع ونثره مع بعثره خفيفه بالتدريج حتى يسحب هبوب الرياح التبن الخفيف يمنه أو يسره حسب أتجاهها ويسقط الحب بشكل عمودي على أرض الجرين ومعه كل ألأجسام الصلبه اللي أثقل من التبن .
والذاريات من أسماء الرياح اللي تنقل ثم تلقي بعض البذور المجنحه من مكان لمكان وتنقل الذكار (حبوب اللقاح) وتحمل حملة التذكير (التلقيح) مثل النحل والفراش والطيور وغيرها وتحمل السحب المحمله بالماء الماطر اللي تشبه قطراته يوم تنزل من السحاب تساقط حبات الحب , وغمامة السحاب بعد المطر وهي تحرك مدبره بفعل الرياح تشبه في الذريه غمامة التبن والرياح تحركها تاركه خلفها حبها يتساقط تحتها .
والمذريات (بضم الميم وفتح الذال وكسر ألراء) جمع مذريه وهي المره تذري التبن , والمذرين (بضم الميم وفتح الذال وكسر ألراء) جمع مذري وهو الرجل يذري التبن . والفعل ذرى (بفتح الذال وفتح وتشديد الراء) يعني حرك التبن بيديه وذره في الهواء , ومن هالفعل جاء فعل ألأمر ذره أي دعه والفعل المضارع يذر أي يترك وجات كلمة ذره (بفتح الذال وتشديد وفتح الراء) وهي الهبأه تطير في الهواء أو النملة الصغيره على ألأرض..
والفعل ذرى (بفتح الذال والراء) يعني بذر الحب او البذر حثيا في حالة الوقوف مع الحركه ومنه أسم الفعل ذرى (بكسر الذال وفتح الراء) , وأسم الفاعل ذاري (بفتح الذال وكسر الراء) , ومنه كذلك أسم حبوب الذره (بضم الذال وفتح الراء)..
ألذرى (بفتح الذال والراء) هو المكان اللي يحمي من مطر المزن (السحب) , والفعل أستذرى يعني أحتمى بمكان يحميه من الهزل ( بفتح الهاء والزاء أي بلل المطرالمصرد) , وتشبيها بالمآل والخاتمه يطلق الهزل أيضا على التافه من القيل والقال ...
الخاتمه يا قلال الخاتمه أحس بالهزال وقلة ألجدى ,,,, خلوا تكملة درس الليله (ألذريه ,الجزء الثاني) في الدرس الرابع حتى ما نطول عليكم وتملون وتحقدون على ألاستاد..

ملاحظات :
* أبغي أذكركم الحكمه - من علمني حرفا كنت له عبدا .
* وابغي أذكركم أن كلامي يحتاج لتصحيح منكم حتى لا نظلل غيرنا في مستقبل ألأيام , وأعذروني في التقصير يالربع ترون الكلام من الراس ما هو من قرطاس وأنا ما أنا مدرس لغه عربيه لأن تخصصي دكتوراه في حميرة علوم ألذره (النمله الصغيره والهبأه).
* خلينا على بالك يبو عادل وعدل اللي تقدر عليه .
* أخويه المشرف الفني أنت وابو ملاك أدعمونا بالصور دعمتكم العافيه.
* رساله لطلابي : أبن داخل , ابن عزاب ابو هاشم ابو ملاك ابو أمجد حسن عابد : ما علقتوا زي عادتكم على الدرس الثاني , وبلغني أنكم شرهانين من بعض المزح ؟؟لكن أبشروا باللي يسليكم ..
* هذا الدرس خليته لكم مثل الزاد ألقفار لأني قللت فيه المزح والسبب شكوى بعض الطلبه من أستخبال منقاش ..

وهالحين شوية تنشدات :
أنشدكم عن : السفا والسافيات , الهبان والهبايب والهبوب , الهزال , قلة الجدى , المصرد , قرطاس, ليش نسمي ألأولاد ذريه , معنى تنشدات , شرهانيين ,معنى القفار في الزاد والأرض والفرق في اللفظ..

[بن عواض]

استاذ : منقاش ترى علومك زينه ونستفيد منها أما المعاني نتركها للشلارح ابو عادل اخاف اخبص فيها وطلابك طيبين الله يصلحلنا الذرية وكيفينا القفار في الزاد والارض وما عادحواليك مذريات ما فيه الا متسدحات الله يخارجنا . وفقك الله .

[النتيف]

أنا أدري يا منقاش إن لتعب هذا كله من صرام ودنا ودياس وذري ماهو عشان سواد عيوننا تبي تعلمنا إلا تبي توصل للتبن اللي يبقى بعد الذري تبي تعطيه حمارك والحب تبيعه وتجينا تدور قروش تعليمك وتقول ليش احنا شرهانين عليك

لكن ان شاءالله تجيك هبوب قويه تطير بالحب وتبنه سوا

[abonayf]

درس اصعب من الدروس الاوله لكن انا ناجح من الدرس الثاني والقيه شدو حيلكم ولا....

الشرهانين عليك اخاف يكون لحقني معك شرهه لكن يبشرون بما يرضيهم والامور ليست سوى مزوح تخالط الجد لغرض الزياده في الالفاض واستخراج بعض الكلمات من افواه البعض لايمكن استخلاصها الا بطرق وهذه احداها .

[ابو عادل]

حياك الله ياأستاد منقاش وانا ماعاد أبسميك أستاد أبسميك الفقيه حقنا.

ودي أنشدك ليش ماذكرت الصّرند وهو من أدوات الذرية المهمة وبعدها أبحاول أجاوب على العليمات اللي سويت عنها تنشدات :
السفا: القشرة الخفيفة التي تغلف الحبة وتحميها باذن الله وتطلق عليها بعد يباسها.
والبقية مشتقة منها وهي السافيات.
الهبان والهبايب والهبوب : معناها ثالثتها وهي الهبوب.
الهزال : معناه وهن الجسم
الهزل: ابتلال الملبس فوق الشخص بالماء وغالبا تطلق اذا كان الابتلال بسبب المطر
والهزل في درجته يعني تشبع الملابس تماما بالماء.
قلة الجدا: التعب والكسل والخمول وقلة النشاط.
المصرد: وصف لكمية المطر فيقولون المصرد الذي يبل الملابس لمن تعرض للمطر وهي درجة أقل من التشبع بالماء أو الهزل يعني يصبح قريب من (اللدن)
ذرّية: تطلق على الأولاد وأصلها من الفعل ذرأ أي بذر ولذلك يقال ( البزورة) مع التحوير بسبب تداخل اللهجات بحيث انقلبت الذال الى زاء والذرية في مراحلها تشبه الزرع لوجود البذرة والتربة الخصبة والسقيا والنمو وهكذا ( فسبحان الله العظيم ) الذي خلق وذرأ وبرأ وهنا أتذكر بيتين لامرأة تزوج زوجها بأخرى لأن الأولى لاتنجب الا البنات وأصبح يقضي جل وقته لدى الجديدة فقالت الأولى:
مالأبي... لايأتينا
يظل في البيت الذي يلينا
يغضب ألانلد البنينا
ونحن كالأرض لزارعينا
ننبت ماقد زرعوه فينا
ملحوظة / نسيت الإسم الذي أوردته.
شرهانين : زعلانين وماخذين على خواطرهم والشرهة لاتصل لدرجة الغضب الذي يؤدي الى الكره والمقاطعة فهي في درجة العتب تقريبا.
قرطاس : ورقة
تنشدات: أسئلة واستفسارات.
القفار : من الأرض هي القفر التي لانبات فيها وان وجد فهو قليل جدا قال الشاعر:
وقبر حرب بمكان قفر*** وليس قرب قبر حرب قبر
أما من الزاد فالزاد القفار تعني الجاف الذي لايدام له كأن تحضر الخبز حافا .والفرق في اللفظ أن القفار من الأرض بكسر القاف ومن الزاد بفتح القاف.

والآن مطلوب منك تشرح من كتاب المعلم معنى الصرند
وتكرر وبسرعة البيت السابق . وشكرا يافقيه.وهذا علومي وعفاك.

[ابو عادل]

نسيت أقول يامنقاش اني زعلان عليك لأنك عينت ابو نايف عريف وانا مواظب معك واحل الواجبات وأجاوب على التنشدات ولاخليتني أنا العريف والا هو كثرلك في البيض؟

[admin]

طيب يا أستاذ منقاش
خذ هذه الصور . ولا تقول ما طلعت:
والتعليق لك "

الصورة الثانية:



الصورة الثالثة



الصورة الرابعة

[منقاش]

بن عواض , النتيف : عساكم بالنتيف والا كافت يكفتكم في أبو غريب , يعني مغلوبين لا تجيبون لو كلمتين من التراث؟؟.
أبو نايف : ونعم بك يا سنايد منقاش ,, وترى لعريف الفصل صلاحية جريدين للي ما يرش في الفصل من الورعان ...
أبو عادل : والله تستاهل أعطيك سادسه بس أذا نجحتك من يعاوني على التدريس ؟؟ لكن أبغي أنزلك من طالب لمدير مدرسه , وانتبه لا يغويك بعدين الشيطان وتطردني .. بخصوص الصرند جايك في الجزء الثاني من الذريه ,,, بس تكفى دور لنا زبون لكم كيلو دنقه عندي نبي نتمصلح فيها ..
أما أبو نايف ما عنده ألا بيضتين منتهيه صلاحيتها وقربت تفرخ ويقول انه يبغي يتبرع بها لمنتدى الشعراء جايزه لأحسن شاعرين ...

[منقاش]

مشرفنا الفني :
مشكور على الصور
الرابعه منها للمزن , والثالثه للرحى اللي يطحنون عليها الحب واللي شرح لنا عنها كريم السجايا في موضوع أظن أسمه أذا تعاركتم في ثفالها ما لكم وما لها.
أما الصورتين ألأولى والثانيه فلم تظهر بالرغم من ضغطي على ألأكس الظاهر مكانها .

[ABO TURKI]

انا معي جرب طيب بسيييييييييطة يا ابو نقشة انت وحمارك
نهايتك قربت ويا ويلك ويلاه
النصر لنا والعزة لله
والميدان يا نقيشان
نياهاهاهاهاهاهاهاهاههاهاهها