مواطن يتزوج ثلاث معلمات زميلات في ليلة واحدة

[السنافية]

أرنب +أرنب = أرنبين

أبو نايف باقي أرنب

[ABO TURKI]

المشاركة الأصلية كتبت بواسطة سنافيه

أرنب +أرنب = أرنبين

أبو نايف باقي أرنب

طيب اش رايكم أنا موصله للبيت بعد

[مايميزني لقب]

لايكووووون انت العريس

علشان تكمل هعهعهع

[حسن عابد]

يابو تركي وينك عنه على الاقل كلمني اخذ واحدة

[مسامح]

مدري الناس فيما يعشقون مذاهب ، اتوقع ان ام عيالي لو يعطوني الدنيا وما فيها ما تزوجت عليها ، وما اخفيكم انها من اول ليلة قالت لي تبغي تعاهدني ما تزوج وإلا والله العظيم لتطعم السحر واخليك زي الصابونه في ايدي وعاهدتها ما اثني ، ومن ذاك اليوم لين اليوم والله ما ثنيتها .

يا بو تركي قول الحمد لله وفك الناس من هذي الافكار الدنيا ولعت ببسي يقولون بسير بريالين ونصف يعني الرز بيكون بميتن ريال ، ويا ويلي ويلاه . وش نتعشى مع السليق!!!!!!!!!!!!!!!!!!!!!!!!!!

[السنافية]

المشاركة الأصلية كتبت بواسطة مسامح

مدري الناس فيما يعشقون مذاهب ، اتوقع ان ام عيالي لو يعطوني الدنيا وما فيها ما تزوجت عليها ، وما اخفيكم انها من اول ليلة قالت لي تبغي تعاهدني ما تزوج وإلا والله العظيم لتطعم السحر واخليك زي الصابونه في ايدي وعاهدتها ما اثني ، ومن ذاك اليوم لين اليوم والله ما ثنيتها .

يا بو تركي قول الحمد لله وفك الناس من هذي الافكار الدنيا ولعت ببسي يقولون بسير بريالين ونصف يعني الرز بيكون بميتن ريال ، ويا ويلي ويلاه . وش نتعشى مع السليق!!!!!!!!!!!!!!!!!!!!!!!!!!

أقول ياأخوي مسامح شكل الصابونة اشتغلت من يوم هذا ردك

الصراحة ممكن الشخص يخلص لزوجته أما إنه يحرم شئ على نفسه حلله الله للرجال لايجوز
ولنا في قصة الرسول مع العسل خير برهان

[متلثمة بشماغ اخوها]

ماااااااااااااااش قصة ماتدخل المزاااااااااااج >>خرافية >

[مجنونها]

دام للمنتديات عطاءك
كنت أظن الموضوع قتل وخاصة من بعد نقز أبو تركي الرد علي
وكأنه سجل ردي خطر
عموماً مثل ما يقولون القدر ما يركب إلا على ثلاث

[abonayf]

يا مجنونها

نقز الرد عليك وعلي غيرك والقصد يمرر الموضوع لكن قديمه والقدر اظنه ركب واستوى

بعدين الارانب كثرت ياسنافيه ودك انها ثنتين تهون ابو تركي بداها وعشان يعديها جانا باطم منها يقول حضر الزواج واخرتها موصلهم البيت يعني ثلاث ارانب كل وحده اكبر من اختها ماعاد سارت ارانب اضنها عدت البعير زمان يقولون ( ياكبرها كبراه ) .
جاه ابو خالد بيفزع فبدل مايكحلها اعماها ذكرني بسالفه لواحد كان عنده جار اسمر وجاه ضيوف بالبيت فحب يسوي مناسبه وعزم جيرانه من ضمن المعازيم الحاصل الرجال جالس يسولف على ضيوفه ومدري وش جاب الهرجه لين قال وكان فيه ( كور ) نعت شيئ ( لسمر البشره ) الحاصل جاره الثاني جالس جمبه ويغمزه يعني انتبه جارنا اسمر التفت الا وجاره ماهو بعيد عنه فيبغى يزين الهرجه ويعديها فرد بسرعه ( وكلنا كيران لله ) يبغى يقول ( عبد وكلنا عبيد لله ) المجلس مابقى به واحد ماضحك المستحي حط الغتره على فمه عشان يكتم الضحكه .

يابو تركي تبي نصيحتي تصرف مع موضوعك هذا وقشه على الاستراحه لانه شكله ماشي على طريقها .

[سنا الهجرة]

المشاركة الأصلية كتبت بواسطة سنافيه

ماأدري شكلها أرانب ((أقصد ماتنهضم على قول مجنونها))

أولا :

كيف يتزوج ثلاث في وقت واحد أعتقد أن الشرع مايجيز هذا لابد بين وحده والثانية فترة لو يوم واحد

ثانيا :
ماتحتاج ثانيا أكيد فيه فبركة بالقصة أو فعلا تزوج ثلاث ولكن ليس في وقت واحد

من وين جايبتها هذي يالسنافيه >>> والله ما قد سمعت فيها ..

وبعدين يابو تركي .. أنا مستعد لمثل هذا العرض المغري بس وين نلقاها
وعلى كذا يصير القدر على أربع مو ثلاث

وما أعتقد ان فيها طلب صرف من الحريم همه اللي استأجروا الشققه ما طلب منهم شي >> وعلى كلٍ الحياة تعاون ليش تبون كل شي على الرجل اذا كان الزوجه قادره ومستعدة للمساعده دون اكراه >> الله يكثر خيرها
لماذا هذه النظره الخاطئة .. والا اذا جت للصرف قلتوا عيب وكيف ترضونها ... والله حاله


والله يعيننا على طلوع الدرج هو المشكله