لك في صميم القلب بيت ومداهيل

[@ بن سلمان @]

لك في صميم القلب بيت ومداهيل لك في صميم القلب بيت ومداهيل لك في صميم القلب بيت ومداهيل لك في صميم القلب بيت ومداهيل لك في صميم القلب بيت ومداهيل

أحبائي أعضاء وزوار المنتدى/
الأبيات التاليه إمتداد لعربون صداقه لكم , تحكي موقف لأحد الأصدقاء في نجد ولايفوتني هنا إهدائها إلى الأخ الشاعر محمد بن داخل




[poem=font="Simplified Arabic,4,black,normal,normal" bkcolor="transparent" bkimage="" border="none,6,gray" type=0 line=0 align=center use=ex num="1,black"]
لك في صميم القلب بيت ومداهيل = وأبطيت ماشفتك تجي له زياره
بيت بنيته لليالي المقابيل = الصدق ساسه والمحبه جداره
ولك فيه بستان غصونه مضاليل = على الوفا والطيب تجني ثماره
وجازيت من يغليك بقطع المواصيل = واعلنتها حرب(ن) عليّ بشطاره
شفت الجفا والصد والهجر والميل = ومنك التحدي ليه ترفع اشعاره
طاوعت فيّه اهل القلوب المغاليل = اللي على الفرقا تسوق البشاره
انا اللي اسهر كل ماهود الليل = ماصدق اللي صار تصدر قراره
عليك دمع العين يجري هماليل = عز الله ان بعدك علينا خساره
يابو سعد مافي يدي حل او حيل = ابوك ملزوم انت تاخذ بثاره
الوضع مايحتاج يابوك تأجيل = اقولها لك وبصريح العباره
مالي على راعي الرموش المضاليل = إلا اعتراف فوزه عليّ بجداره
وانا برجوى الله ولو طاول الطيل = يرجع لنا ترف القدم يم داره
ونحط له فيها مكان ومقابيل = وبالورد والريحان نفرش مساره [/poem]


تحياتي لكم ودمتم سالمين
أبوهبه