يدري بنا اللي فالشفا والحوية

[بن داخل]

يدري بنا اللي فالشفا والحوية يدري بنا اللي فالشفا والحوية يدري بنا اللي فالشفا والحوية يدري بنا اللي فالشفا والحوية يدري بنا اللي فالشفا والحوية

هذه القصيدة قلتها عام 1409 هـ عندما كنت أدرس في جامعة الملك عبد العزيز في جدة ومناسبتها . أحد الزملاء العاملين في الدوريات الأمنية آن ذاك من المهتمين بالشعر أحضر شريط لإحدى الحفلات ( محاورة ) وكان يسكن معنا في سكن الجامعة ولما أغلقت الجامعة أبوابها كان لزاما عليه هو وعدد من الإخوة الإنتقال إلى سكن خارج أسوار الجامعة 0 وأثناء التنقل فقد صاحبنا الشريط وذهب ظنه أني أخذته أثناء ذهابي للطائف 0فأرسل مع زميلنا وصاحبنا سلما رسالة يطلب مني إعادة الشريط 0 فأجبته بهذه القصيدة التي استهليتها بمباركة لهم على السكن الجديد 0
[poem=font="Tahoma,4,FF0000,bold,normal" bkcolor="#FFEDAA" bkImage="" sdImage="sides/10.gif" border="solid,1,#cccc00,#999999" type=2 line=0 align=center use=0 shcolor="" shgcolor="" gwcolor="" stretch="300" pwidth="500" num="0,0" break="breaklines/13.gif"]
سلام مني يالثبيتي عطية = تسليمة تضفي بحشمة ومقدار
عداد ما هبت هبوب النشية = وعداد ماهلت غزيرات الأمطار
من هاجس وقت اللزوم القوية = عارف لها مورد وعارف لها اصدار
واليوم جاني بالخبر والروية = رجل(ن) يجيب العلم ويقص الاخبار
سلمان يانعم الرجال الوفية = من لابة وقت الوازيم تنشار
جاني وقلطته على الشاذلية = اللي نبهرها على صالي النار
واعطاني علوم الرجال الندية = عن المنازل بعد ماغيروا الدار
مبروك يا جعل المنازل هنية = وياجعلها دايم مواقيع الأحرار
اللي بنوها بالعلوم النقية = ما خالطو فيها سفيه( ن) وغدار
ومن بعدها قلي ترى لك وصية = من الثبيتي ياوسيعين الافكار
قلت الفرج ياجعل ماشي رزية = أوف العلوم اليوم ياراعي الاذمار
ياجعل ماوصله علوم (ن ) ردية = ويخلط صفا ميرادنا اليو باكدار
ٌقلي أبد العلم ماهو كذية = الرجل مرسل لك كروت (ن ) للانذار
يقول رد اللي أخذته عليه = اللي أخذته من دواوين الأشعار
والله مااخذته ولا هو سجية = فيه ولا في ربعي اليوم يالجار
حنا ثماله في الوقوت الحمية = لابة تحك اجنوبها تقدح اشرار
ووقت الوازم جالبين القوية = مايحتدينا عنه جنبه ومعسار
وليا رمينا صايبين الرمية = ماقد رمينا طير من عقبنا طار
وفي دارنا تلقى رجال سخية = نفرح ليامنه لفى الدار خطار
نعز قوم(ن ) بالعلوم الوفية = ونذل قوم (ن ) عند لزمات الانحار
يدري بنا اللي فالشفا والحوية = ومن طارف المشرق ليا وادي اشعار
هذي تراها اليوم منكم حظية = لن كان عبرت المعاني بمعبار
نبي معاديل (ن) وفية جزية = ونفرش فراش الحق في خير محضار
من بعد مانرضى لنا مرضوية = من ربعنا والا من ايات الأقطار
واضمن المجلس بناس شفية = واعلم العربان في كل ماصار
وارضى بحكم الناس لو هو علية = وان كان صابك حق ماشي معذار
هذي هروجي ماوراها زرية =لكنها تبدي طويلين الاشبار
وختامها مني صلاة وتحية = على النبي المصتفى سر وجهار [/poem]