نبات الكَحالي

[منقاش]

يبن همام العزيز على قلبي
والله (وانتبه لهذا القسم ) أني سعيد بوجودك بيننا وبين بقية ربعك , واني بمزحي حريص على أدخال البسمه على محياك أنت وكل ألأخوان , وأني أمزح بقلب نظيف ما فيه من الضغينه شي , وأني أودك واعزك وانا أجهل من أنت .
سبب هذا القسم وهذا الكلام العبارة اللي جات في كلامك ونصها (لكن بسبب وجودي في المنتدى هذين اليومين) .
العباره اللي ما ودي أسمعها , لأن اللي ودي أسمعه أنك تبقى معنا كل ألأيام والليالي , ومثلك من الرجال بعقله الراجح فقيده أذا غاب ومكسب أذا حضر .
وأعتذر منك أن كان فهمت من مزحي معك من بدايته حتى نهايته أي معنى ما يرتاح له خاطرك , وأقول لك ولغيرك أن اللي أمزح معهم هم المقربين لنفسي اللي احب فكرهم وارتاح لهم , والدليل أن في مقدمة من أمزح معهم زميل وصديق لي هو مخاوي منقاش الزفت .
وهذا الدور المرح الملاكش والمباكش والناكش اللي يمثله منقاش , دور البدوي ألأستفزازي اللي مليان بالألتوات , دور لتسليتكم وتوسيع صدوركم وصدري معكم , ودور أبعد به الرتابه عن منتداكم ومنتدايه معكم , واخشى أنه ينقدني معكم أو مع ربي قبلكم , الدور اللي غالبا أتجنبه في معرفاتي الباقيه اللي أعرف أنك تعرفها وتعرفني معها لأني ما أخفيتها عن أحد من أول يوم كتبت بها .
أكرر أعتذاري لك , وأرجيك تبعد من تفكيرك عبارة اليومين لأنها قاسيه على أمثالي من مودينك , وارجيك تبدلها بعبارة ما عشت عساها معيشة مديده سعيده وفي ما يرضي الله , واكرر أعتذاري منك ومن الشيخ سلام والدكتور مشعان , ومعكم ابو عبدالرحمن اللي أظن أنه من بينكم عارف البير وغطاها وأدمن على مزوح منقاش الخشنه .
وهذا كل اللي أقدر أبادر به في هالوقت حتى أزيل أي تكدير للخطر ما رضيته ولا تعمدته , وأقدر مستقبلا أحد من غلو أبو نقشه في مزوحه , وكما يقولون ألأعتذار صابون القلوب , وشكرا ...