مباراة محششين

[المستشار]

مباراة محششين مباراة محششين مباراة محششين مباراة محششين مباراة محششين

في مره من المرارير رجعت من المدرسه وانا طفشان وقافله معاي لان الطلاب اللي بالمدرسه يعايروني
اني يتيم (يا رجال احمد ربك انهم اتركوا البلاوي اللي فيك)المهم
اني رجعت للبيت والبيت عايش فيه انا وجدتي منتهيه صلاحيتها من زمان لو يمسكونها حمايه المستهلك
كان امسحوا وجهها بالارض
ملاحظه هامه(جدتي اذا تبي تتكلم لازم اسحب اصبعها الصغير عشان تتكلم)
وفكرت يوم من الايام اني انحرف وتعرفت على شله في المدرسه حقين شراب وحشيش
وعزموني مره عندهم على جلسه ووعدوني غي البر والله من الفقر ما معهم فلوس يستاجرون استراحه
ورحت لهم ولقيتهم مجتمعينوعددهم عشره والراس الكبيره حقهم اسمه محماس طلع بكت ووزع علينا زقاير وقمت امزمز بالزقاره واحس واحد ضاغط على راسي وبعد عشر دقايق صرت اناظر العيال عشرطعش واحد اللي جالس يصارح سيارته واللي جالس يحفر يقول بيطلع بترول واللي فاصخ فنيلته ويستعرض عضلاته واللي يركض يقول انا بن لادن واحد يلحقه يقول انا بوش وواحد ماسكه سباحه بالرمل واللي معه سناره يبي يصيده جلسنا الين الفجر ويوم صحينا قلتلهم اسمعوا يا عيال اليوم عندي مباراه فريق واحد فصلي اذا فزنا فانا خويكم على طول وان انهزمنا فالوجه من الوجه ابيض

المهم اننا رحنا المباراه ويوم وصلنل طلع محماس بكت زقاير ووزع على العيال زقاير انا ما اخت
لازم وا حد فينا يصير صاحي عشان ما نخربها
وبدت المباراه واول ما صفر الحكم لقينا الحارس يدف القائم قلنا وش فيك قال مضايقتني وقاله
محماس امسك زين لاتوطى بطنك المهم وياخذ واحد من فريقنا الكوره ويركض ويركض
وتعدى الخط صفر الحكم وابو الشباب امكمل ما وقف نحتريه ما فيه فايده جبنا كوره ثانيه
وكملنا وانواع الاهداف فينا وشوي الا الحكم وقف المباراه قال صحوا خويكم نايم
ونصحيه وقال ابنام شوي وصحوني وانا اللي اشوته برا الملعب وصرنا ناقصين اثنين
وصلت النتيجه عشرين وحنا نلعب للحين فيه امل وانتهاى الشوط الاول

بدى الشوط الثاني ولعبنا الشوط الثاني وحنا ناقصين ثلاثه لان واحد فيهم يقول
ماني لاعب لا اذا قدمتوا لي عرض ماثر عليه المفعول وولد عم محماس فريقنا لابس سروال سنه وفنيله وانواع المرجله بينهم في الكوره اذا وصلوا الباب يتعازمون مين اللي يدخل هدف
كل واحد يقول لثاني عاي بالحرام مايدل الكوره الا انت وشوي يتضارب محماس مع الحكم
كسر واحد وعطاه كرت احمر وقعدنا ساعه عشان انطلعه برا ويوم طلع طلع معاه ولد عمه
وقال ماني لاعب الين يلعب محماس وجليسوا يرمون حصى على الحكم ووصلت النتيجه الى اربعين صفر لهم وتهاوش مدافعنا مع
حكم الخط ويوم جاء الحكم بيعطيه كرت احمر جاء حارسنا يمسك يد الحكم ويقول والله ما تحاسب
ويوم شاف الحكم الدعوه كذا انهى المباراه
المهم انا قفلت معاي وقلت لهم الشرهه ميب عليكم الشرهه علي اللي اصادقكم يا الحمير
ووقفت لموزين ورحت البيت وانا بالطريق اشوف واحد يركض ويوم قربت من عنده لقيته خوينا
اللي ركض بالكوره اول المباراه
النهايه

[فاعل خير]

40/0
ماعليهم ملامة محششين

[ABO TURKI]

محششين ليس عليهم حرج
هع هع هع هع