منقاش مع الديناصورات /الحلقة الثانيه.

[منقاش]

منقاش مع الديناصورات /الحلقة الثانيه. منقاش مع الديناصورات /الحلقة الثانيه. منقاش مع الديناصورات /الحلقة الثانيه. منقاش مع الديناصورات /الحلقة الثانيه. منقاش مع الديناصورات /الحلقة الثانيه.

ثم سرى عليه الليل الأقشر اللي عساه ما يمضي على احد منكم , ليل كل ما سمعت فيه حركشه يمين والا خرفشه يسار فزيت مذعور وأعتزيت وقلت أني ابو نقشه مورد القول الفعل وأطلقت عليها النار من بندقي .
وياليل ما أطولك ويا فجوع ما أكثرك , مره أسمع قرعة ماعون شالته الهبان واناوشه داخنين والا ثلاثه , ومره أسمع حركشه جهة حيشان الغنم والبقر والا زريبة الحمار واعطيها كم صفره , وعلى هالحال حتى أسفر الصبح كل ما سمعت خرفشه في ناحيه أطلقت عليها النار .
هذا الكلام اللي سبق مكرر لأني قلته لكم في طرف علومي عن الناصورات في الحلقه الأولى .
وهالحين خذوا باقي العلوم :
يوم جات تباشير الضياء وشع نور الصبح وانا بين الحياه والموت من الأهوال اللي سرت عليه , كنت نقعان رسفان هلكان كما الهرس البالي أذا فتحت فمي ما أقدر أطبقه , ولو دفل في وجهي أحد ما مسحتها .
وبالكاد أجترك يا رجلين منقاش وادفك يا روح من على سطح داري حتى تكهونت مع باب بيتي واحط راسي واخمد كما الميت الى الظهر ما عضو مني مع الثاني, وحلالي في حيشانه ما أحد فتح عنه والا بدى عليه .
أما ولدي (الورع) ما همته أتراح أبوه وكانت ليلته هذيك ليلة أفراح ,, وكانت بالنسبه له يوم شافني أطلق النار حفلة وناسه ومفرقعات والعاب ناريه , ولا أنا شرهان عليه لأن مثله ما عليه ملامه , جاهل وما يجي منه حتى لو أبتهج كما حصل منه وضحك من قاصي قلبه وتمنى يشوف الناصورات.
بعد الظهر أطليت على حلالي الا وربعه موتى وثلث الباقي مكسر والا مصوب , يعني مذبحه مروعه نتيجة الحرب اللي سرت والنار اللي كنت أصبها من فوهة سلاحي في ظلام الليل يم كل صوت أسمعه ظن من محدثكم أنها ناصورات واثرها حركة هوشي في وسط حوشي.
وازيد أطل على حماري ورفيق دربي ألا ودمه قد همل من أذانيه وهمل من مكان ثاني أستحي أذكره لكم وسال حتى بلل الأرض من تحت حوافره , قد المسكين أصابه كم عيار طايش , لكن مع كبرها هانت وجات سلايم يوم أخطت العيارات راسه واخطت المقاتل وجات في واحده من أذانيه وفي المكان الثاني.
أعود ألملم الحي من هوشي واركب ولدي على حماري واهبط ناصي الطايف هارب من بلاد ثماله وخلاها ومن الناصورات وبلاها , وجلاب ابغي أبيع اللي بقي حي من حلالي واتمنع من الأخطار مع أهل السوق واحط راسي مع الروس وادعي الله في السلامه .
قبل أمشي طب عليه رويعي الكلاب ويوم شاف اللي حل بحلالي وحالي تصنع الحزن واخفى الشماته , وسعلني عن سبب المجزره اللي سارت ,, جاوبته وخفيت عنه قصة الناصورات على أمل أنها تسري عليه هو وباقي الجماعه في الديره ولا تبقي منهم شباب الضو وقلت : سرى عليه البارح المخاوي وربعه الحراميه قلال الخاتمه ودارت بيني وبينهم معركه كسرت فيها شوكتهم , ويوم أحسوا الرخوم بالهزيمه عودوا يطلقون النار على البهايم .
وصلت الطايف وبعت جلبي ولا أستبقيت الا الحمار , واخفيت قبل البيع خبر الناصورات حتى لا تنكسر أسعار الجلوب مثل كسيرة الأسهم , وبعد بعتها نصيت صاحبي العمده وعلمت له بعلومي وهمومي لكنه هداني وخفف من فزعي وقال هات كم ريال من ثمن جلبك يا منقاش نعشيك بها أنت وولدك , وباكر أوديك لخبير ناصورات كبير تبث عليه جابتك وتشكي عليه همومك .
بت هاك الليله في ضيافة العمده على حسابي , ليله كانت بشهر وضيافه كانت قهر عديت دقايقها وثوانيها واحسيتها احيان واقفه ما تحرك حتى أصبحنا وافطرنا ثم اخذني العمده لخبير الناصورات وعلمت له بعلومي كلها.
ويوم سمع قصتي فطس من الضحك وقال : تطمن يبو نقشه , الناصورات اللي شفتها في تلف العيون عاشت وهلكت قبل ملايين السنين على كوكب الأرض وافناهم الله ولا باقي الا آثارهم .
لكن لعلمك في زمانك هذا ناصورات ثانيه وتبي تهلك قريب ويبي يهلك معها الكثير من الخلايق , وان كنت تبيني أوريك بقايا الناصورات القديمه واعلمك بسبب فناها , وتبيني اوريك الناصورات اللي طلعت علينا من جديد وعايشه هالأيام , واعلمك كيف تبي تهلك ويهلك معها أمم كثيره أعطيني قيمة جلبك اللي بعته وابشر بمن ياخذك بالطياره ويطلعك على بقايا الناصورات القديمه ,, ويطلعك على الناصورات الجديده ويفهمك كيف يبي يكون هلاكها وهلاك كثير من الناس معها.
ولعلمك يبو نقشه أن ولدك هذا اللي جنبك واللي ما يزيد عمره عن عشر سنوات أن طال عمره ستين سنه يبي يشوف بعيونه المصيبه الثانيه اللي مقبله ورايحه تصيب الناصورات وتصيب البشر معها .
رديت عليه وقلت : تم وانا أبو نقشه , وخلي مالي يروح صدقه عني للأبحاث العلميه عن الناصورات بشرط أن ولدي يخاوينا حتى يعرف ويش مقبل عليه وحتى يقدر يعلم للي يعيشون بعدنا باللي شافه .
الى هالحد نتوقف عن السالفه وابغيكم تتابعون معي الحلقه الجايه حتى تشوفون منقاش يوم ينفق أمواله لخدمة الأنسانيه على الأبحاث العلميه اللي تنفع القبيله والبشريه كلها , وحتى تعرفون المصيبه اللي سارت في التاريخ الغابر على الناصورات وعلى من كان معها من الأحياء وتعرفون المصيبه المقبله اللي أصبحت على الأبواب ويبي يشوفها ويعيشها ورعانكم .
حطوا أيديكم على قلوبكم وقولوا يا ساتر أستر وانتظروها , وسلامتكم ...

[منقاش]

تكفى يبن سلمان ,عساني ما أعدمك ولا تبتلى بالناصورات
تكفى يا حليفي كبرها الله يكبرك في طاعته .

[سنا الهجرة]

أنت وش قصتك مع التكبير يا منقاش

ما تعرف تكبٌر


ترى ابن سلمان ما كل مرة يبي يجيب لك سمكه

حاول تعلم تصيد بنفسك


أما عن علومك هذي اللي تسولف بها


تراني ما فهمت منها ولا شي

أحس أني قاعد أقرا طلاسم

الى هذا الحد وأتوقف عن الكلام
وسلامتك

[أبو عبدالرحمن]

انا الين الحد ..كبرت سطورك ..
وابغى ارجع لموضوعك ونشوف واش فيه.
لكن اشوف بعد خوفك من الصيني اللي ذكرها مخاويك . معد سرنا نصدقك

[عسام]

ههههههههههههههههههههه

ذكرتني بغزوة تربة

[@ بن سلمان @]

المشاركة الأصلية كتبت بواسطة منقاش

ثم سرى عليه الليل الأقشر اللي عساه ما يمضي على احد منكم , ليل كل ما سمعت فيه حركشه يمين والا خرفشه يسار فزيت مذعور وأعتزيت وقلت أني ابو نقشه مورد القول الفعل وأطلقت عليها النار من بندقي .
وياليل ما أطولك ويا فجوع ما أكثرك , مره أسمع قرعة ماعون شالته الهبان واناوشه داخنين والا ثلاثه , ومره أسمع حركشه جهة حيشان الغنم والبقر والا زريبة الحمار واعطيها كم صفره , وعلى هالحال حتى أسفر الصبح كل ما سمعت خرفشه في ناحيه أطلقت عليها النار .
هذا الكلام اللي سبق مكرر ...

ذكرتني بمدرسين زمان الأفذاذ يستهل درسه الجديد بآخر ما وقف عليه الدرس الماضي

[منقاش]

يالله مساء خير
قبل أرد على اللي ردوا عليه أحب أتشفى واشمت بمخاوي منقاش الناصبي اللي ناصبني العداء وعض اليد اللي أحسنت عليه .
واقول يا مخاوي تفرقت ايدي سبأ وتركوك حلفاك فريسه , تركوك ياللي شاف العبر ولا اعتبر , واقول لك أني ما أقبل توبتك وابغيك عبره لغيرك واللي سبق وشفته ما يجي شي مع اللي مقبل عليك , فلا نامت أعين الجبناء الرعاديد.
سنا الهجره : مشكور يا شاعرنا الكبير , وبخصوص التكبير فانا ما أحب اسويه بنفسي لأني أكره الكبر والمتكبرين , وثاني مره قبل تقرا حلقه أقرا اللي قبلها حتى ما يلتبس كلامي عليك .
ابو عبدالرحمن : مشكور على التكبير كبرك الله في طاعته , اما سوالف المخاوي فلا تلتفت يمها تراها كذوب ومثلك ما بفتح أذنه الا للثقات شروايه أنا واياك .
عسام : مشكور على المداخله .
ابن سلمان : حيا الله حليفي ومشكور على الرد . وترى مخاوي خاوي هاليومين ومعنوياته في الحضيض ويستاهل ما جاه .

[مخاوي منقاش]

يالمنقاش الاشر انا لست بخاوي وانا المخاوي بس انا اخذ على نفسي عهد ما اقر ب الاسهم والحمد لله خسارتي في الاوله لا تذكر بس قيل يومين (الاحد) شفت الناس عجة وراء الاسهم وقالولي ناس ثقات شروى ابن سلمان ان ال20 ألف مابها منه قلت احط كم مليون نطقطق عليهم والحقيقة صارت سنوني هي اللي تطقطق من القهر وطول الوقت وانا العن منقاش لانه وجه نحس واما حلفائي فهم في بيات شتوي واصبر شوي ستراهم مثل الاسود الجائعة وسوف ياكلونك انت وحميرك في ميمنتهم ابو امجد والميسرة شيري اما اللواء فتحمله زهور الريف وانا في القلعة ادير المعركة بالجوال00

[@ بن سلمان @]

الماء ما يرويب يالمخاوي
واللي سار في السوق لصالحك
عشان تشتري و تتعلق ثم يمعطون بك 20 % ثم تقول ابي اعدل سعري ثم يمعطون بك 15 % ثم يجي من ينصحك و يقول فرصة للشراء الان و الاسعار مغرية ثم تجي تعدل ثم يمعطون بك المعطه اللي تجيبك لي و انت تبكبك
لكن سو مثل مشاكس ما شاء الله عليه يوم حس بالخطر من السوق قبل سنة وهو يحط ماله كله الحلال و الحرام في بيشة و ناظر ما شاء الله عليها هي اللي ماسكة راس مالها الى الان

[** شيري**]

والميسرة شيري
يا موتك اني من عصبتك
لكن هزلت